PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ : ଆଠଗଡ ଅଂଶୁପା ହ୍ରଦ ନିକଟରୁ କାରରୁ ୧୩୫୫ ଗ୍ରାମର ବ୍ରାଉନସୁଗାର ଜବତ
  • ||
  • ତିଗିରିଆ : ଅଜଣା ଗାଡି ଧକ୍କାରେ ଯୁବକ ଗୁରୁତର, ରାତ୍ରି ପାଟ୍ରୋଲିଂ ବେଳେ ଉଦ୍ଧାର କଲା ପୋଲିସ
  • ||
  • ବଲାଙ୍ଗିର : ରେଲୱେ ଜଙ୍କସନରୁ ୨୫ ଦାଦନ ଶ୍ରମିକ ଉଦ୍ଧାର
  • ||
  • ବଲାଙ୍ଗିର : ପୁତୁରାର ଗୁଳିମାଡ଼ରେ ଖୁଡ଼ୀ ଗୁରୁତର, କାରଣ ଅସ୍ପଷ୍ଟ
  • ||
  • ନିଶ୍ଚିନ୍ତକୋଇଲି : ନଗସପୁର ବଜାରରେ ସିରିଜ୍ ଲୁଟ୍, ୧୬ଟି ଦୋକାନରୁ ଚୋରି କରିନେଲେ ଦୁର୍ବୃତ୍ତ
  • ||

ରାସ୍ତା ମଝିରେ ଭଙ୍ଗା ଡ୍ରେନ୍: ନାଲି କପଡ଼ା ଗୁଡ଼ାଇ କର୍ତ୍ତବ୍ୟ ସାରିଦେଇଛି ପ୍ରଶାସନ

ଭୁବନେଶ୍ୱର,୧୭ା୧(ବ୍ୟୁରୋ): ହେ…ହେ…ଦେଖିକି । ଆଗକୁ ଖାଲ । ଧୀରେ ଧୀରେ ଚଲାନ୍ତୁ । ସଚେତନ ନାଗରିକମାନେ ଏମିତି କହି ରାସ୍ତାରେ ଯାଉଥିବା ଲୋକଙ୍କୁ ଚେତାଉଥିଲେ । କେହି କେହି ବଡ଼ ପାଟିରେ ଚି+ାର କରି କହୁଥିଲେ ଆଗରେ ଭଙ୍ଗା ଡ୍ରେନ୍ । ଲକ୍ଷ୍ୟ କରି ଯାଆନ୍ତୁ । ଗୁରୁବାର ମଧ୍ୟାହ୍ନରେ ଏମିତି ଚିତ୍ର ଦେଖିବାକୁ ମିଳିଥିଲା ମହର୍ଷି କଲେଜ ପଛ ପାଖ ରାସ୍ତାରେ ।
୩୪ ନମ୍ବର ୱାର୍ଡସ୍ଥିତ ମହର୍ଷି କଲେଜ ପଛ ରାସ୍ତା ଶୋଚନୀୟ ହୋଇପଡ଼ିଛି । ୩୦ ଫୁଟିଆ ରାସ୍ତା ମଝିରେ ଡ୍ରେନ୍ ଭାଙ୍ଗି ପଡ଼ିଛି । ପ୍ରାୟ ୩ ଫୁଟ୍ ଖାଲ ହୋଇଛି । ଲୁହା ଛଡ଼ ଉପରକୁ ଟେକି ହୋଇ ରହିଛି । ଟିକେ ଅସାବଧାନ ହେଲେ ଖଣ୍ଡିଆ ଖାବରା ହେବା ଥୟ । ଦୀର୍ଘ ଦିନ ଧରି ରାସ୍ତା ମଝିରେ ଡ୍ରେନ୍ ଭାଙ୍ଗି ପଡ଼ିଥିଲେ ମଧ୍ୟ ଏଥିପ୍ରତି କେହି ଧ୍ୟାନ ଦେଉନାହାନ୍ତି । କେବଳ ନାଲି କପଡ଼ା ଖଣ୍ଡେ ଗୁଡ଼ାଇ ସମସ୍ତେ କର୍ତ୍ତବ୍ୟ ସାରି ଦେଇଛନ୍ତି । ଯାହାକୁ ନେଇ ସ୍ଥାନୀୟ ଲୋକଙ୍କ ଭିତରେ ଅସନ୍ତୋଷ ବୃଦ୍ଧି ପାଉଛି ।
ସତ୍ୟନଗରର ଶାନ୍ତିପଲ୍ଲୀ ବସ୍ତିରୁ ସତ୍ୟକାଳୀ ବସ୍ତିକୁ ଯୋଡ଼ୁଥିବା ଏହି ରାସ୍ତା ଉପରେ ହଜାର ହଜାର ଲୋକ ନିର୍ଭର କରୁଛନ୍ତି । ଦୈନିକ ଚଳପ୍ରଚଳ ହେଉଥିବା ଲୋକଙ୍କ ଏହା ଅଭ୍ୟାସରେ ପଡ଼ିଗଲାଣି । ହେଲେ ଅଜଣା ଲୋକମାନେ ଏହି ରାସ୍ତାରେ ଗଲାବେଳେ ଦୁର୍ଘଟଣାର ଶିକାର ହେଉଛନ୍ତି । ଅନେକ ଲୋକ ଡ୍ରେନ୍ରେ ପଡ଼ି ଖଣ୍ଡିଆ ଖାବରା ହୋଇଥିବାର ନଜିର ରହିଛି । ବିଶେଷକରି ରାତିରେ ଯାତାୟାତ କରୁଥିବା ଲୋକମାନେ ଅଧିକ ଦୁର୍ଘଟଣାର ଶିକାର ହେଉଥିବା ଜଣାପଡ଼ିଛି ।
ଏନେଇ ପୂର୍ବତନ କର୍ପୋରେଟର ଭାନୁପ୍ରିୟା ଦାସଙ୍କୁ ପଚାରିବାରୁ ସେ କହିଲେ, ଡ୍ରେନ୍ର ମରାମତି ପାଇଁ ଟେଣ୍ଡର ସରିଛି । ଏକ ଠିକା ସଂସ୍ଥା ଏହାର ଦାୟିତ୍ୱ ନେଇଛି । ଖୁବ୍ଶୀଘ୍ର ରାସ୍ତା ମରାମତି ହେବ ।