ନୂଆଦିଲ୍ଲୀ,୨୮/୦୬: ଦେଶବ୍ୟାପୀ ଡାକଘରଗୁଡ଼ିକ ଅଗଷ୍ଟରୁ ଡିଜିଟାଲ ପେମେଣ୍ଟ ଗ୍ରହଣ କରିବେ । ନିଜ ନିଜର ଆଇଟି ସିଷ୍ଟମ୍ରେ ଏକ ନୂଆ ଆପ୍ଲିକେଶନ୍ ଆରମ୍ଭ କରିବା ପରେ ଏହି ସେବା ପ୍ରଚଳନ ହେବ ବୋଲି ଏକ ସରକାରୀ ସୂତ୍ରରୁ ଜଣାପଡ଼ିଛି ।
ୟୁପିଆଇ (ୟୁନିଫାଏଡ୍ ପେମେଣ୍ଟ୍ ଇଣ୍ଟର୍ଫେସ୍) ସିଷ୍ଟମ୍ ସହ ଆକାଉଣ୍ଟ୍ଗୁଡ଼ିକ ଲିଙ୍କ୍ ହୋଇ ନ ଥିବା କାରଣରୁ ଏଯାବତ୍ ଡାକଘରଗୁଡ଼ିକ ଡିଜିଟାଲ ପେମେଣ୍ଟ ଗ୍ରହଣ କରିବା ପାଇଁ ସମର୍ଥ ହେଉ ନ ଥିଲେ । କିନ୍ତୁ ଏବେ ଡାକ ବିଭାଗ ଏହାର ଆଇଟି ଭିତ୍ତିଭୂମିକୁ କାର୍ଯ୍ୟକାରୀ କରୁଛି, ଯେଉଁଥିରେ ନୂଆ ଆପ୍ଲିକେଶନଗୁଡ଼ିକ ରହିଛି । ଏହି ଆପ୍ଲିକେଶନ୍ଗୁଡ଼ିକ ଡାଇନାମିକ୍ କ୍ୟୁଆର୍ କୋଡ୍ ସହ ଟ୍ରାଞ୍ଜାକ୍ସନ ସୁବିଧା ପ୍ରଦାନ କରିପାରିବେ । ୨୦୨୫ ଅଗଷ୍ଟ ସୁଦ୍ଧା ସମସ୍ତ ଡାକଘରେ ଏହାକୁ ଆରମ୍ଭ କରାଯିବ ବୋଲି ସୂତ୍ରରୁ ଜଣାପଡ଼ିଛି । ଆଇଟି ୨.୦ ଅଧୀନରେ ନୂଆ ସିଷ୍ଟମ୍ର ପାଇଲଟ୍ କାର୍ଯ୍ୟାନ୍ୱୟନ କର୍ଣ୍ଣାଟକ ସର୍କଲରେ ପ୍ରଥମେ ଆରମ୍ଭ ହେବ ।
