‘ମୁଁ ହିନ୍ଦୀ ଜାଣିନି, ଯାଅ..’; ଆପତ୍ତିଜନକ ଟିପ୍ପଣି ଦେବା ପରେ ଏପରି କହିଲେ ପ୍ରକାଶ ରାଜ୍
Image Courtesy: Siasat.com
ବେଙ୍ଗାଲୁରୁ,୦୮/୦୩: ହିନ୍ଦୀ ଭାଷା ସମ୍ପର୍କରେ ଆପତ୍ତିଜନକ ଟିପ୍ପଣୀ ଦେଇ ବିବାଦରେ ସାଉଥ୍ ଅଭିନେତା ପ୍ରକାଶ ରାଜ୍। ମାମଲାଟି ୧୩ ସେପ୍ଟେମ୍ବର ୨୦୨୦ର। ହିନ୍ଦୀ ଦିବସ ଅବସରରେ ଅଭିନେତା ପ୍ରକାଶ ରାଜ ଏକ ଟି-ସାର୍ଟ ପିନ୍ଧିଥିଲେ, ଯେଉଁଥିରେ ଲେଖାଥିଲା ଯେ,’ମୁଁ ହିନ୍ଦୀ ଜାଣିନି, ଯାଅ…’। ତେବେ ଏହି ଟି-ସାର୍ଟ ପିନ୍ଧା ଫଟୋଟି ସୋସିଆଲ ମିଡିଆରେ ଘୁରି ବୁଲୁଥିବା ବେଳେ ଏବେ ଏହାକୁ ନେଇ ବିବାଦ ଉପୁଜିଛି। ତେବେ ତମାମ ବିବାଦ ବଢ଼ିବା ପରେ, ଏହାକୁ ନେଇ ଏବେ ଟ୍ବିଟ କରି ନିଜର ପ୍ରତିକ୍ରିୟା ରଖିଛନ୍ତି ଅଭିନେତା ପ୍ରକାଶ ରାଜ।
I speak 7 languages .To learn n speak a language is RESPECTING its people . I have learned every language of the people I work with. I don’t force my language. But if you disrespect mine and force your language I will stand up and protest #stopHindiImposition #justasking
— Prakash Raj (@prakashraaj) March 7, 2023
ସେ ତାଙ୍କ ଟ୍ବିଟ୍ରେ ଉଲ୍ଲେଖ କରିଛନ୍ତି,’ ମୁଁ ୭ଟି ଭାଷା କହିପାରେ। ଭାଷା ଶିଖିବା ଓ କହିବାର ଅର୍ଥ ସେହି ଭାଷାଭାଷୀଙ୍କୁ ସମ୍ମାନ କରିବା। ମୁଁ ଯେଉଁ ଲୋକଙ୍କ ସହିତ କାମ କରିଛି ସେମାନଙ୍କ ଭାଷା ଶିଖିଛି। ମୁଁ ମୋର ଭାଷାକୁ କାହା ଉପରକୁ ଫୋପାଡ଼େ ନାହିଁ, ଏଥିରେ ଯଦି କେହି ମୋ ଭାଷାର ଅପମାନ କରେ ଓ ତାଙ୍କ ଭାଷା ମୋ ଉପରେ ଫୋପାଡ଼ିବାକୁ ଚେଷ୍ଟା କରିବେ ତେବେ ମୁଁ ସ୍ବର ଉତ୍ତୋଳନ କରିବି ଓ ବିରୋଧ କରିବି ବୋଲି ଉଲ୍ଲେଖ କରିଛନ୍ତି।’ ଏହା ସହିତ ପ୍ରକାଶ ରାଜ ‘ଷ୍ଟପ୍ ହିନ୍ଦୀ ଇମ୍ପୋଜିସନ’ ହ୍ୟାସ୍ ଟ୍ୟାଗ୍ ମଧ୍ୟ ଦେଇଛନ୍ତି।
ସୂଚନାଥାଉକି, ମାର୍ଚ୍ଚ ୬ ତାରିଖ ଦିନ ସୁପ୍ରିମକୋର୍ଟର ଜନୈକ ଓକିଲ ପ୍ରକାଶ ରାଜଙ୍କ ଏହି ଫଟୋଟିକୁ ଟ୍ୱିଟରରେ ସେୟାର କରିଥିଲେ। ଏଥିରେ ତାଙ୍କ ଟି-ସାର୍ଟ ଉପରେ ଲେଖାଯାଇଥିବା ଶବ୍ଦର ଅର୍ଥ ମଧ୍ୟ ଇଂରାଜୀରେ ବୁଝାଇଥିଲେ। ଓକିଲ ଏହି ପୋଷ୍ଟକୁ ତାମିଲନାଡୁ ପୋଲିସ୍କୁ ଟ୍ୟାଗ୍ କରି ପ୍ରକାଶ ରାଜଙ୍କ ବିରୋଧରେ ମାମଲା ରୁଜ୍ଜୁ ହେଲାଣି କି ବୋଲି ପ୍ରଶ୍ନ କରିଥିଲେ। ଏହି ପୋଷ୍ଟ ପରେ ପ୍ରକାଶ ରାଜ ଟ୍ୱିଟରରେ ଏହାର ଜବାବ ଦେଇଥିଲେ। ସେ ଓକିଲଙ୍କୁ ଟ୍ବିଟରରେ ଦେଇଥିବା ମତାମତର ସ୍କ୍ରିନସଟ୍ ସେୟାର କରିଥିଲେ।
ನನ್ನ ಬೇರು.. ನನ್ನ ಮೂಲ ನನ್ನ ಕನ್ನಡ.. ನನ್ನ ತಾಯನ್ನು ಗೌರವಿಸದೆ ನಿನ್ನ ಹಿಂದಿಯನ್ನು ಹೇರಿದರೆ ನಾವು ಹೀಗೇ ಪ್ರತಿಭಟಿಸುತ್ತೇವೆ .. ಹೆದರೊಲ್ಲ..ಅಷ್ಟೇ..My roots..my mother tongue is KANNADA .. if you DISRESPECT her and try to FORCE your language.. we will PROTEST like this. R u threatening #justasking pic.twitter.com/JaRLOhGKTT
— Prakash Raj (@prakashraaj) March 6, 2023
ସେ କହିଥିଲେ ‘ମୋ ଭାଷା କନ୍ନଡ। ଯଦି ଆପଣ ଏହାର ଅପମାନ କରିବେ ଓ ନିଜର ଭାଷା ଫୋପାଡ଼ିବାକୁ ଚେଷ୍ଟା କରିବେ ମୁଁ ଏଇଭଳି ବିରୋଧ କରିବି..କ’ଣ ଆପଣ ମତେ ଧମକ ଦେଉଛନ୍ତି କି’ ବୋଲି ଉଲ୍ଲେଖ କରିଥିଲେ। ସୂଚନା ଯୋଗ୍ୟ ଯେ ପ୍ରକାଶ ରାଜ କନ୍ନଡ ଫିଲ୍ମର ଜଣେ ଲୋକପ୍ରୀୟ ଅଭିନେତା। ସେ ଅନେକ ହିନ୍ଦୀ ଫିଲ୍ମରେ ମଧ୍ୟ କାମ କରିଛନ୍ତି।
