ପାଟନା, ୨/୧୦ : ନିର୍ବାଚନୀ ରଣନୀତିକାରରୁ ରାଜନେତା ହୋଇଥିବା ପ୍ରଶାନ୍ତ କିଶୋର ପାଟନାର ଭେଟନାରୀ ଗ୍ରାଉଣ୍ଡରେ ଔପଚାରିକ ରୂପରେ ନିଜ ରାଜନୈତିକ ଦଳକୁ ଲଞ୍ଚ୍ କରିଛନ୍ତି । ପ୍ରଶାନ୍ତ କିଶୋର ନିଜ ପାର୍ଟିର ନାଁ ‘ଜନ ସୁରଜ ପାର୍ଟି’ ରଖିଛନ୍ତି । ଏହାସହ ପ୍ରଶାନ୍ତ କିଶୋର ଘୋଷଣା କରିଛନ୍ତି କି ତାଙ୍କ ସରକାର ହେବ ତ ମଦ ନିଷେଧକୁ ବନ୍ଦ କରିଦିଆଯିବ । ପ୍ରଶାନ୍ତ କିଶୋର ପ୍ରଥମରୁ ସ୍ପଷ୍ଟ କରି ଦେଇଛନ୍ତି କି ବିହାରରେ ୨୦୨୫ରେ ହେବାକୁ ଥିବା ବିଧାନସଭା ନିର୍ବାଚନରେ ତାଙ୍କ ପାର୍ଟି ସବୁ ସିଟରେ ନିଜର ପ୍ରାର୍ଥୀ ଓହ୍ଲାଇବ ।
ଦଳକୁ ଲଞ୍ଚ୍ କରି ପ୍ରଶାନ୍ତ କିଶୋର କହିଛନ୍ତି କି, ଜନ ସୁରଜ ଅଭିଯାନ ୨-୩ବର୍ଷରୁ ଚାଲୁଛି । ଲୋକ ପଚାରୁଛନ୍ତି କି ଆମେ ପାର୍ଟି କେବେ କରିବୁ । ଭଗବାନଙ୍କୁ ଧନ୍ୟବାଦ ଦେବାକୁ ଚାହୁଁଛି କି ଆଜି ନିର୍ବାଚନ ଆୟୋଗ ଅଫିସିଆଲ ଭାବେ ଜନ ସୁରଜକୁ ଜନ ସୁରଜ ପାର୍ଟି ରୂପରେ ସ୍ବୀକାର କରି ନେଇଛନ୍ତି ।
ଏହି ଅବସରରେ ପ୍ରଶାନ୍ତ କିଶୋର କହିଛନ୍ତି କି ଯଦି ରାଜ୍ୟରେ ଆମ ସରକାର ହେବ ତ ଏକ ଘଣ୍ଟା ଭିତରେ ମଦ ନିଷେଧର ନୀତିକୁ ଉପାଡ଼ି ଫିଙ୍ଗିଦେବୁ । ଏହା ସହ ସେ କହିଛନ୍ତି କି ଏହି ଟଙ୍କାର ବ୍ୟବହାର ବିହାରରେ ଶିକ୍ଷା ବ୍ୟବସ୍ଥାରେ ସୁଧାର ଆଣିବାକୁ କରିବୁ ।
ସେ କହିଛନ୍ତି କି, ଯଦି ବିହାରରେ ବିଶ୍ବସ୍ତରୀୟ ଶିକ୍ଷା ବ୍ୟବସ୍ଥା କରିବାକୁ ହେବ ତ ଆଗାମୀ ୧୦ବର୍ଷରେ ୫ଲକ୍ଷ କୋଟି ଟଙ୍କା ଜରୁରୀ ହେବ । ଯେତେବେଳେ ମଦ ନିଷେଧ ହଟାଇବା ତ ଉକ୍ତ ଟଙ୍କା ବଜେଟରେ ଯିବ ନାହିଁ ଏବଂ ନା ନେତାଙ୍କ ସୁରକ୍ଷା ଲାଗି ବ୍ୟବହାର କରାଯିବ ଏବଂ ନା ଏହାର ଉପଯୋଗ ରାସ୍ତା, ପାଣି ଏବଂ ବିଜୁଳି ଲାଗି କରାଯିବ । ଏହାର ଉପଯୋଗ କେବଳ ବିହାରରେ ନୂତନ ଶିକ୍ଷା ବ୍ୟବସ୍ଥା କରିବା ଲାଗି କରାଯିବ । ମଦ ନିଷେଧ ହେବା ଦ୍ବାରା ବିହାରକୁ ପ୍ରତ୍ୟେକ ବର୍ଷ ୨୦,୦୦୦କୋଟି ଟଙ୍କାର କ୍ଷତି ହେଉଛି ।
