ଆଖି ମରା ପରେ ଚୁମ୍ବନ ପ୍ରଦାନ ଭିଡିଓ ହେଲା ଭାଇରାଲ, ଭାଲେଟାଇନ୍ସରେ ପୁଣି ଧୁମ୍ ମଚାଇଲେ ପ୍ରିୟା ପ୍ରକାଶ
ମୁମ୍ବାଇ: ଗତ ବର୍ଷ ଭାଲେଟାଇନ୍ସ ଡେ’ ରେ ମାତ୍ର ୨୬ସେକେଣ୍ଡର ଭିଡିଓ ପାଇଁ ସାରା ଦେଶରେ ରାତା ରାତି ଷ୍ଟାର ପାଲଟି ଯାଇଥିଲେ ମଲୟାଲମ ଅଭିନେତ୍ରୀ ପ୍ରିୟ ପ୍ରକାଶ । ତାଙ୍କର ଆଖି ମରା ଭିଡିଓ ସମସ୍ତଙ୍କୁ ପାଗଳ କରିଥିବା ବେଳେ ତାଙ୍କୁ ‘ନ୍ୟାସ୍ନାଲ କ୍ରସ୍’ର ନାଁ ଦିଆ ଯାଇଥିଲା । ଚଳିତ ବର୍ଷ ତାଙ୍କର ଆଉ ଏକ ରୋମାଣ୍ଟିକ୍ ଭିଡିଓ ଭାଇରାଲ ହେବାରେ ଲାଗିଛି ।
ଭାଲେଣ୍ଟାଇନ୍ ସପ୍ତାହ ଆରମ୍ଭ ହୋଇ ସାରିଥିବା ବେଳେ ପ୍ରିୟାଙ୍କ ନୂଆ ଭିଡିଓ ଏଥର ଭାଲେଣ୍ଟାଇନ୍ସ ଗିଫ୍ଟ ଦେବ ବୋଲି ଦର୍ଶକ ଆଶା କରୁଛନ୍ତି। ସୂଚନା ମୁତାବକ, ନୂଆ ଭିଡିଓରେ ପ୍ରିୟା ନିଜ ସହ କଳାକାର ରୋଶନଙ୍କୁ ଚୁମ୍ବନ ଦେଉଥିବା ଦେଖିବାକୁ ମିଳିଛି । ୧୧ସେକେଣ୍ଡର ଭିଡିଓରେ ଦୁହେଁ ପରସ୍ପରକୁ ଚୁମ୍ବନ ଦେଉଥିବା ଦେଖା ଯାଇଛି । ଆସନ୍ତା ଫେବ୍ରୁଆରି ୧୪ରେ ଫିଲ୍ମ ‘ଓରୁ ଅଦାର ଲଭ୍’ ରିଲିଜ୍ ହେବାକୁ ଥିବା ବେଳେ ଭାଇରାଲ ଭିଡିଓ ପୁଣି ଥରେ ଫିଲ୍ମକୁ ଟପ୍ ଲେବଲରେ ପହଂଚାଇବ ବୋଲି ଆଶା ରଖାଯାଇଛି।
