ନୂଆଦିଲ୍ଲୀ,୨୯/୦୭: ପହଲଗାମରେ କାହିଁକି ସୁରକ୍ଷା ବ୍ୟବସ୍ଥା ନଥିଲା ? ଆତଙ୍କୀ ହମଲା କେମିକି କାହିଁକି ହେଲା ? ପହଲଗାମ ଏବଂ ସେ ୨୬ ନୀରିହ ଲୋକ ଭଗବାନ ଭରସାରେ ଥିଲେ । ଗୃହମନ୍ତ୍ରୀ ଆଜି ମୋ ମାଆଙ୍କ ଲୁହ କଥା କହିଲେ । ମୁଁ ଉତ୍ତର ଦେବାକୁ ଚାହୁଁଛି ମୋ ମାଆଙ୍କ ଆଖିରୁ ଲୁହ ଝରିଥିଲା ଯେବେ ଆତଙ୍କବାଦୀ ମୋ ବାପାଙ୍କୁ ହତ୍ୟା କରିଥିଲେ । ଲୋକସଭାରେ 'ଅପରେସନ୍ ସିନ୍ଦୂର' ଚର୍ଚ୍ଚା ଉପରେ କିଛି ଏମିତି କହି ଶାସକ ଦଳକୁ ତେରଛା ଆଟାକ୍ କରିଛନ୍ତି କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ।
Congress MP Priyanka Gandhi Vadra says, "Most of the people who are sitting in this House today have a security cover...But on that day in Pahalgam, 26 people were killed in front of their families. All those people who were present in Baisaran Valley on that day did not have any… pic.twitter.com/4icI2Rc82l
— ANI (@ANI) July 29, 2025
ସେ କହିଛନ୍ତି," କେନ୍ଦ୍ର ଗୃହମନ୍ତ୍ରୀ ଆଜି ମୋ ମାଆଙ୍କ ଲୁହ ବିଷୟରେ କହିଥିଲେ । ମୁଁ ଏହାର ଉତ୍ତର ଦେବାକୁ ଚାହୁଁଛି । ଯେତେବେଳେ ଆତଙ୍କବାଦୀମାନେ ମୋ ବାପାଙ୍କୁ ହତ୍ୟା କରିଥିଲେ, ମୋ ମାଆଙ୍କ ଲୁହ ଝରିଥିଲା । ଆଜି, ଯେତେବେଳେ ମୁଁ ସେହି ୨୬ ପହଲଗାମ ଆକ୍ରମଣର ପୀଡିତଙ୍କ ବିଷୟରେ କହୁଛି, କାରଣ ମୁଁ ସେମାନଙ୍କ ଯନ୍ତ୍ରଣା ବୁଝିପାରୁଛି। କେନ୍ଦ୍ରମନ୍ତ୍ରୀ କହିଲେ ନେହେରୁ ଇନ୍ଦିରା ଗାନ୍ଧୀ କଣ କରିଥିଲେ ? ମୋ ମାଆଙ୍କ ଲୁହ କଥା କହିଲେ ହେଲେ ସିଜଫାୟାର କାହିଁକି ହେଲା କେବେ କହିଲେ ନାହିଁ । "
In Lok Sabha, Congress MP Priyanka Gandhi Vadra says, "This government always tries to escape the questions...They have no sense of accountability towards the citizens of the nation. The truth is that they have no place for the public in their heart. For them, everything is… pic.twitter.com/vGXziMjYsk
— ANI (@ANI) July 29, 2025
ପ୍ରିୟଙ୍କା ଗାନ୍ଧୀ ଆହୁରି କହିଛନ୍ତି,''ଆଜି ଏହି ଗୃହରେ ବସିଥିବା ଅଧିକାଂଶ ଲୋକଙ୍କ ସୁରକ୍ଷା କବଚ ଅଛି । କିନ୍ତୁ ପହଲଗାମରେ ସେହି ଦିନ ୨୬ ଜଣଙ୍କୁ ସେମାନଙ୍କ ପରିବାର ସମ୍ମୁଖରେ ହତ୍ୟା କରାଯାଇଥିଲା । ସେହି ଦିନ ବୈସାରନ ଘାଟିରେ ଉପସ୍ଥିତ ଥିବା ସମସ୍ତ ଲୋକଙ୍କର କୌଣସି ସୁରକ୍ଷା ନଥିଲା । ତୁମେ ଯେତେ ଅପରେସନ କର ନା କାହିଁକି, ତୁମେ ସତକୁ ଲୁଚିପାରିବ ନାହିଁ । ଏହି ସରକାର ସବୁବେଳେ ପ୍ରଶ୍ନଗୁଡ଼ିକରୁ ଖସିଯିବାକୁ ଚେଷ୍ଟା କରେ । ଦେଶର ନାଗରିକମାନଙ୍କ ପ୍ରତି ସେମାନଙ୍କର କୌଣସି ଉତ୍ତରଦାୟିତ୍ୱ ନାହିଁ । ସତ୍ୟ ହେଉଛି ସେମାନଙ୍କ ହୃଦୟରେ ଜନସାଧାରଣଙ୍କ ପାଇଁ କୌଣସି ସ୍ଥାନ ନାହିଁ । ସେମାନଙ୍କ ପାଇଁ ସବୁକିଛି ରାଜନୀତି, ପ୍ରଚାର । ନାଗରିକଙ୍କ ସୁରକ୍ଷା କ’ଣ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଏବଂ ପ୍ରତିରକ୍ଷା ମନ୍ତ୍ରୀଙ୍କ ଦାୟିତ୍ୱ ନୁହେଁ କି ?"
ଅପରେସନ ସିନ୍ଦୂର ଆରମ୍ଭ ହୋଇଥିଲା, ସେତେବେଳେ ସମଗ୍ର ଦେଶ ଏକଜୁଟ ହୋଇଯାଇଥିଲା । ପ୍ରଧାନମନ୍ତ୍ରୀ ଶ୍ରେୟ ନେଇଥିଲେ କିନ୍ତୁ କେବଳ ଶ୍ରେୟ ନେବା ଦାୟିତ୍ୱ ପୂରଣ କରେ ନାହିଁ । ଦେଶର ଇତିହାସରେ ଏହା ପ୍ରଥମ ଥର ହୋଇଛି ଯେ, ମଝି ରାସ୍ତାରେ ଯୁଦ୍ଧ ବନ୍ଦ ହୋଇଗଲା । ଏହି ଘୋଷଣା ଭାରତୀୟ ସେନା କିମ୍ବା ସରକାର ନୁହେଁ ବରଂ ଆମେରିକାର ରାଷ୍ଟ୍ରପତି କରିଥିଲେ । ସେଦିନ କଣ ହୋଇଥିଲା ସିଜଫାୟାର କାହିଁକି ହେଲା ଦେଶ ଜାଣିବାକୁ ଚାହୁଛି ବୋଲି କହିଛନ୍ତି କଂଗ୍ରେସ ସାସଂଦ ପ୍ରିୟାଙ୍କା ଗାନ୍ଧୀ ।
