PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ଫେସବୁକ ବିଜ୍ଞାପନରେ ବିଜେପିର ସବୁଠୁ ଅଧିକ ଖର୍ଚ୍ଚ

ନୂଆଦିଲ୍ଲୀ,୭।୩: ଫେସବୁକରେ ରାଜନୈତିକ ଦଳର ବିଜ୍ଞାପନ ଦେବାରେ ଭାରତୀୟ ଜନତା ପାର୍ଟି (ବିଜେପି) ସବୁଠାରୁ ଆଗରେ ରହିଛି। ଲୋକସଭା ନିର୍ବାଚର୍ନକୁ ଏବେ ଆଉ ଅଳ୍ପ କିଛି ଦିନ ରହିଥିବା ବେଳେ ଏଭଳି ସ୍ଥିତିରେ ରାଜନୈତିକ ଦଳ ଭୋଟରଙ୍କ ପାଖରେ ପହଁଞ୍ଚିବାକୁ ସୋସିଆଲ ମିଡିଆର ବ୍ୟବହାର କରୁଛନ୍ତି। ଫେସବୁକରେ ବିଜେପି ଓ ମୋଦି ସମର୍ଥକ ପେଜର ବିଜ୍ଞାପନ ସବୁଠରୁ ଅଧିକ ରହିଛି। କୌଣସି ବ୍ୟକ୍ତିଙ୍କର ରାଜନୈତିକ ବିଜ୍ଞାପନ ବିଷୟରେ ଯଦି କଥା ହେବା ତେବେ ଏହି ମାମଲାରେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରହିଛି।  ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କିମ୍ବା ରାହୁଲ ଗାନ୍ଧି  ବ୍ୟକ୍ତିଗତ ପ୍ରଚାର ପାଇଁ କେତେ ଖର୍ଚ୍ଚ କରିଛନ୍ତି ତାହା ଜଣାପଡିନାହିଁ। ଏହାର ସୂଚନା ଫେସବୁକ୍ ସାର୍ବଜନୀକ କରିନାହିଁ।

ଫେସବୁକ୍ ୭ ଫେବୃଆରୀରୁ ୨ ମାର୍ଚ ୨୦୧୯ ପର୍ଯ୍ୟନ୍ତ ଭାରତରୁ ମିଳିଥିବା ବିଜ୍ଞାପନରୁ ଏହି ସୂଚନା ଦେଇଛି। ଏଥିରୁ ଜଣାପଡିଛି ଫେସବୁକରେ  ପଲଟିକାଲ ବିଜ୍ଞାପନ ପାଇଁ ଖର୍ଚ୍ଚ କରିବା ମାମଲାରେ ବିଜେପି ଓ ମୋଦି ସମର୍ଥକ ପେଜ୍ ସବୁଠାରୁ ଆଗରେ ରହିଛି। କିନ୍ତୁ କୁହାଯାଇନି ଯେ କଂଗ୍ରେସ ପକ୍ଷରୁ ବିଜ୍ଞାପନ ଉପରେ କେତେ ଖର୍ଚ୍ଚ କରାଯାଇଛି। ନିର୍ବାଚନରେ  ସୋସିଆାଲ ମିଡିଆର ବ୍ୟବହାରରେ ବିଜେପି ସବୁଠାରୁ ଆଗରେ ରହିଛି।   ଗତ ନିର୍ବାଚନରେ ମୋଦି ସରକାର ଆସିବାରେ ସୋସିଆଲ ମିଡିଆର ଅଧିକ ଯୋଗଦାନ ରହିଛି ବୋଲି କୁହାଯାଉଛି। କିନ୍ତୁ ଏଥର କଂଗ୍ରେସ  ସହିତ ଅନ୍ୟ ଦଳ ସୋସିଆଲ ମିଡିଆର ବ୍ୟବହାରକୁ ନେଇ ସକ୍ରିୟ ହୋଇଛି।  

ମିଳିଥିବା ସୂଚନା​‌ ଅନୁସାରେ ଫେସବୁକରେ ରାଜନୈତିକ ବିଜ୍ଞାପନ ପାଇଁ ସବୁଠାରୁ ଅଧିକ ଖର୍ଚ୍ଚ ’ଭାରତ କେ ମନ କୀ ବାତ୍’ ପେଜ୍ ପାଇଁ କରାଯାଇଛି। ଏହା ଫେସବୁକର ଭେରିଫାଏଡ୍ ପେଜ୍ ନୁହେଁ  ଓ ଏଥିରେ ୟୁଜର୍ସ ଭିତରେ ପ୍ରଧାନମନ୍ତ୍ରୀଙ୍କ କାର୍ଯ୍ୟ ସମ୍ପର୍କରେ ଫିଡବ୍ୟାକ୍ ଦେବାର କୁହାଯାଇଛି। ଏହି ପେଜ ବିଷୟରେ ୧,୫୫୬ ବିଜ୍ଞାପନ ପାଇଁ ୧.୨ କୋଟି ଟଙ୍କା ଖର୍ଚ୍ଚ ହୋଇଛି। ଏହାପରେ ମୋଦିଙ୍କ ସମର୍ଥନରେ ’ମିସନ୍ ଓ୍ବିଥ୍  ନମୋ’ ନାମରେ ବିଜ୍ଞାପନ ଦେବା ମାମଲାରେ ଦ୍ବିତୀୟ ସ୍ଥାନରେ ଥିଲା। ଫେସବୁକରେ ଏହାର ୧୧ ଲକ୍ଷ ଫଲୋଅର ରହିଛନ୍ତି। ଏହି ପେଜର ୧,୦୭୪ ବିଜ୍ଞାପନ ପାଇଁ ୬୪ ଲକ୍ଷ ଟଙ୍କା ଖର୍ଚ୍ଚ କରାଯାଇିଛି। ଏହାପରେ ତୃତୀୟ ସ୍ଥାନରେ ’ମାଇଁ ଗଭ ଇଣ୍ଡିଆ’ ପେଜ୍ ରହିଛି। ନାଗରିକଙ୍କୁ ଯୋଡିବା ପାଇଁ ଏକ ଅନଲାଇନ୍ ପ୍ଲାଟଫର୍ମ ରହିଛି। ଏହାର ଫେସବୁକ୍ ପେଜର ବିଜ୍ଞାପନ ପାଇଁ ୪୩ ଲକ୍ଷ ଟଙ୍କା ଖର୍ଚ୍ଚ କରାଯାଇଛି। ଏହି ସୂଚୀର ୪ର୍ଥ ସ୍ଥାନରେ କୌଣସି ରାଜନୈତିକ ଦଳର ନେତା ନାହାଁନ୍ତି। ନ୍ୟୁଜ ଆପ୍ ଡେଲି ହଣ୍ଟ ରହିଛି ଯିଏକି ନିଜର ୧୬ ବିଜ୍ଞାପନ ପାଇଁ ୩୩ ଲକ୍ଷ ଟଙ୍କା ଖର୍ଚ୍ଚ କରିଛି।