PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ମେଲାଣି ନେବେ ମା’, ଟ୍ଵିନ୍ ସିଟିରେ ମୁତୟନ ହେବେ ୧୭ ପ୍ଲାଟୁନ ଫୋର୍ସ
  • ||
  • କୋଲକାତା : ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ୭ ମୃତ, ୪୦ ନିଖୋଜ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୪୯ ପଜିଟିଭ୍ ଚିହ୍ନଟ
  • ||

ଶାହାରୁଖ ଖାନ୍ ‘ପ୍ରଡ୍ଯୁସର’ ତ ଅମିତାଭ ‘କର୍ମଚାରୀ’: ଏମିତି କାହିଁକି କହିଲେ ବଚ୍ଚନ, ଜାଣନ୍ତୁ ଏହି ସେଲ୍ଫିର ପ୍ରକୃତ ରହସ୍ଯ

ମୁମ୍ବାଇ ୨୪/୨: ବଲିଉଡର ମହାନାୟକ ଅମିତାଭ ବଚ୍ଚନ ଓ  ବଲିଉଡ କିଙ୍ଗ ଶାହାରୁଖ ଖାନ୍ ଖୁବ ଶୀଘ୍ର ଗୋଟିଏ ଫିଲ୍ମରେ ନଜର ଆସିବେ । ଅବଶ୍ୟ ଅଫିସିଆଲି ଏପର୍ଯ୍ଯନ୍ତ ଏହାର ଘୋଷଣା ହୋଇନି କିନ୍ତୁ ମିଡିଆରେ ଗତ କିଛି ଦିନ ଏକ ଖବର ଭାଇରାଲ ହେବାରେ ଲାଗିଛି । ଏହି ଖବର ଅନୁସାରେ ଅମିତାଭ ଖୁବଶୀଘ୍ର କିଙ୍ଗଖାନଙ୍କ ସହିତ ସ୍କ୍ରିନ୍ ସେୟାର କରିବେ । ତେବେ ଆପଣଙ୍କୁ କହିରଖୁଛୁ ଅମିତାଭ ବଚ୍ଚନ କିଛି ଘଣ୍ଟା ପୂର୍ବରୁ ନିଜ ଅଫିସିଆଲ ଟ୍ୱିଟର ହ୍ୟାଣ୍ଡେଲରୁ ଏକ ଫଟୋ ସେୟାର କରିଛନ୍ତି । ଏହି ଫଟୋରେ ଶାହାରୁଖ ଓ ଅମିତାଭ ଏକାଠି ସେଲ୍ଫି ନେଉଥିବା ନଜର ଆସିଛନ୍ତି । ଏହି ସେଲ୍ଫି ଫଟୋକୁ ନିଜ ଟ୍ୱିଟର ହ୍ୟାଣ୍ଡେଲରେ ସେୟାର କରି ଅମିତାଭ କ୍ଯାପ୍ସନରେ ଲେଖିଛନ୍ତି , ‘ନିର୍ମାତା ଓ କର୍ମଚାରୀ ….!’

ତେବେ ଆପଣ ଭାବୁଥିବେ ଅମିତାଭ ବଚ୍ଚନ ଏମିତି କାହିଁକି ଲେଖିଛନ୍ତି ? ତେବେ ଆପଣଙ୍କୁ କହିରଖୁଛୁ ଅମିତାଭ ଖୁବଶୀଘ୍ର ଶାହାରୁଖଙ୍କ ରେଡ୍ ଚିଲିଜ୍ ପ୍ରଡକ୍ସନରେ ନିର୍ମାଣ ହେଉଥିବା ଫିଲ୍ମ ‘ବଦଲା’ରେ ନଜର ଆସିବେ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସୁଜୟ ଘୋଷ । ଫିଲ୍ମରେ ଅମିତାଭଙ୍କ ବ୍ଯତୀତ ଅଭିନେତ୍ରୀ ତାପସୀ ପନ୍ନୁ ମଧ୍ଯ ମୁଖ୍ଯ ଭୂମିକାରେ ନଜର ଆସିବେ ।  ଏହା ସହିତ କିଙ୍ଗଖାନ୍ ମଧ୍ଯ ଏହି ଫିଲ୍ମରେ ଗେଷ୍ଟ ଆର୍ଟିଷ୍ଟ ରୂପେ ନଜର ଆସିବେ । ତେବେ କହିରଖୁଛୁ ଏହା ପ୍ରଥମ ଥର ପାଇଁ ନୁହେଁ ଯେ ଶାହାରୁଖ ଓ ଅମିତାଭ ପ୍ରଥମ ଥର ପାଇଁ କୌଣସି ଫିଲ୍ମରେ ନଜର ଆସିବେ । ଏହା ପୂର୍ବରୁ ଉଭୟ ଭୀର୍ ଜାରା, କଭି ଖୁସି କଭି ଗମ୍, ମୋହବତେଁ ଓ ଭୁତନାଥରେ ଏକାଠି କାମ କରିଥିବା ନଜର ଆସିଛନ୍ତି । ଉଭୟ ଯେତେବେଳେ ବି ଏକାଠି ନଜର ଆସିଛନ୍ତି ଫିଲ୍ମ ସୁପରହିଟ୍ ହୋଇଛି ।