PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

ପୁରୀ-ଏଲ୍‌ଟିଟି ଏକ୍ସପ୍ରେସ୍‌ରେ ଲାଗିବ ଏଲ୍‌ଏଚ୍‌ବି କୋଚ୍‌

ଭୁବନେଶ୍ୱର,୧୮ ।୧(ବ୍ୟୁରୋ): ପୁରୀ ଲୋକମାନ୍ୟ ତିଲକ୍‌ (ଏଲ୍‌ଟିଟି) ମୁମ୍ବାଇ ଏକ୍ସପ୍ରେସ୍‌ରେ ଲାଗିବ ଲିଙ୍କେ ହଫମେନ୍‌ ବୁସ୍‌(ଏଲ୍‌ଏଚ୍‌ବି)କୋଚ୍‌ । ରେଳ ଯାତ୍ରୀମାନଙ୍କର ଆରାମଦାୟକ ଯାତ୍ରା ପାଇଁ ରେଳ ମନ୍ତ୍ରଣାଳୟ ପକ୍ଷରୁ ପୂର୍ବ ପ୍ରଚଳିତ କୋଚ୍‌ ପରିବର୍ତ୍ତେ ଆଧୁନିକ ପ୍ରଣାଳୀର ଏଲ୍‌ଏଚ୍‌ବି କୋଚ୍‌ ଲଗାଇବାକୁ ନିଷ୍ପତ୍ତି ନିଆଯାଇଛି ବୋଲି ପୂର୍ବତଟ ରେଳପଥର ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଏଲ୍‌ଏଚ୍‌ବି କୋଚ୍‌ରେ ବିଭିନ୍ନ ପ୍ରକାରର ବୈଶିଷ୍ଟତା ରହିଛି । ଏହା ଆଣ୍ଟି ଟେଲିସ୍କୋପିକ୍‌ । ଦ୍ୱୈତ ବଫର୍‌ ପ୍ରଣାଳୀ ପରିବର୍ତ୍ତେ କେନ୍ଦ୍ରୀୟ ବଫର୍‌ କପଲିଙ୍ଗ୍‌ ପ୍ରଣାଳୀଯୁକ୍ତ ଏହି ଆଧୁନିକ ପ୍ରଣାଳୀର ଏଲ୍‌ଏଚ୍‌ବି କୋଚ୍‌ ଦୁର୍ଘଟଣା ସମୟରେ କୋଚ୍‌ ଉପରେ କୋଚ୍‌ ଚଢି ନଯାଇ ପାଖାପାଖି ହୋଇ ରହିଯାଏ । ଏପରିକି କୋଚ୍‌ଗୁଡିକ ପୂର୍ବ ଭଳି ଓଲଟି ଯାଇନଥାଏ ବୋଲି ପୂର୍ବତଟ ରେଳପଥ ଅଧିକାରୀ କହିଛନ୍ତି । ପୂର୍ବ ପ୍ରଚଳିତ କୋଚ୍‌ ଅପେକ୍ଷା ଏହାର ଲମ୍ବା ଅଧିକ ଥିବାରୁ ଅଧିକ ବର୍ଥ କ୍ଷମତା ବୃଦ୍ଧି କରିଥାଏ । ଏହି ନୂତନ ପ୍ରଣାଳୀର କୋଚ୍‌ଗୁଡିକର ରକ୍ଷଣାବେକ୍ଷଣ ଖର୍ଚ୍ଚ କମ ହୋଇଥାଏ । ଏହା ପୂର୍ବ ପ୍ରଚଳିତ କୋଚ୍‌ ତୁଳନାରେ କମ ଖର୍ଚ୍ଚରେ ପ୍ରସ୍ତୁତ ହୋଇପାରୁଥିବା ରେଳ କର୍ତ୍ତୃପକ୍ଷ କହିଛନ୍ତି । ତେବେ ପୁରୀ ଏଲ୍‌ଟିଟି ମୁମ୍ବାଇ ଏକ୍ସପ୍ରେସ୍‌ରେ ଏହି ସୁବିଧା ମେ ୧୨ରୁ ଏଲ୍‌ଟିଟିରୁ ଏବଂ ପୁରୀରୁ ୧୪ ତାରିଖରୁ ମିଳିପାରିବ ।

ସମ୍ବନ୍ଧିତ ଖବର