ରାଜଧାନୀର ବିଭିନ୍ନ ବାର୍ ଓ ନାଇଟ କ୍ଳବ୍ରେ ଚଢାଉ, ଅମାନିଆଙ୍କ ଉପରେ ନିଆଯିବ କାର୍ଯ୍ୟାନୁଷ୍ଠାନ
ଭୁବନେଶ୍ଵର, ୧୯/୦୩ : ରାଜଧାନୀର ବିଭିନ୍ନ ବାର୍ ଓ ନାଇଟ କ୍ଳବ୍ରେ କମିଶନରେଟ୍ ପୋଲିସର ଚଢ଼ାଉ। ବିଳମ୍ବିତ ରାତି ପର୍ଯ୍ୟନ୍ତ ଚାଲୁଥିବା ବାର୍ ଗୁଡ଼ିକ ଉପରେ ଅତର୍କିତ ରେଡ୍ କରିଛି ପୋଲିସ୍। କଟକ ରୋଡ ସ୍ଥିତ ହୋଟେଲ ଦିପାଲି, ବାର୍ବି, କିପ ଇଟ ଅପ୍, ରସୁଲଗଡ ସ୍ଥିତ ହୋଟେଲ ଉର୍ମି ଉପରେ ଚଢାଉ କରାଯାଇଛି।
ସୂଚନାନୁଯାୟୀ, ନିୟମ ମାନୁନଥିବା ବାର୍ ଗୁଡ଼ିକ ଉପରେ ଏହି ଚଢ଼ାଉ କରାଯାଇଛି। ଏହି ଚଢାଉରେ ଦୁଇ ପ୍ଲାଟୁନ ପୋଲିସ ଫୋର୍ସ ସହ ଟିମ୍ ୬୦ ଓ ପିଓପିଡି ଅଧିକାରୀମାନେ ସାମିଲ ହୋଇଥିଲେ । ସେଫ୍ ସିଟି ଡ୍ରାଇଭ୍ ଅଭିଯାନ ଆଧାରରେ ଏହି ରେଡ କରିଛି ପୋଲିସ୍ । ରେଡ ବେଳେ ବାର ଗୁଡ଼ିକରେ ଯେଉଁ ଗ୍ରାହକମାନେ ଥିଲେ ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଭୁବନେଶ୍ୱର ଡିସିପି ସୂଚନା ଦେଇଛନ୍ତି।
