ପ୍ରମୂଖ ଖବର
  • ଜୟଦେବ ବିହାର-ନନ୍ଦନକାନନ ଏଲିଭେଟେଡ୍‌ ରୋଡ୍‌ କରିଡର, ଦୁଇଥାକିଆ ରାସ୍ତା ପାଇଁ ହେବ ସାନି ଟେଣ୍ଡର
  • ||
  • ବ୍ରହ୍ମପୁର : ସଦର ଥାନା ଅନ୍ତର୍ଗତ ବୁଢ଼ୀଘରା ନିକଟରେ ଭାରସାମ୍ୟ ହରାଇ ଓଲଟିଲା ଅଟୋ, ଜଣେ ମୃତ ୪ ଆହତ
  • ||
  • ଚିନ୍ତା ବଢ଼ାଇଛି କରୋନାର ନୂଆ ଭାରିଆଣ୍ଟ: ସିଙ୍ଗାପୁର, ହଂକଂରେ ବଢ଼ିଲା ସଂକ୍ରମଣ, ଚୀନ୍‌ ଓ ଥାଇଲାଣ୍ଡକୁ ଆଲର୍ଟ ଜାରି
  • ||
  • IPL 2025 : ଆଜି ସୁପରକିଙ୍ଗ୍‌ସ-ରାଜସ୍ଥାନ ରୟାଲ୍ସ ମୁକାବିଲା
  • ||
  • ଯୁଦ୍ଧବିରତି ପାଇଁ ରାଜି ହେଲା ଋଷ; ପୁଟିନ ଓ ଟ୍ରମ୍ପଙ୍କ ମଧ୍ୟରେ ହେଲା ଫୋନରେ ବାର୍ତ୍ତାଳାପ
  • ||
  • ଆସନ୍ତା ୨୧ରୁ ୨୩ ଯାଏ ବଢ଼ିବ କାଳବୈଶାଖୀ, ଆଜି ୧୮ ଜିଲ୍ଲାକୁ ଆଲର୍ଟ ଜାରି: ଉପକୂଳ ଗରମ ଓ ଗୁଳୁଗୁଳି ଜାରି
  • ||

କଟକରେ ନକଲି ବିଦେଶୀ ମଦ କାରଖାନାରେ ଚଢାଉ: ବିପୁଳ ପରିମାଣର ସାମଗ୍ରୀ ଜବତ, ଜଣେ ଅଟକ

Published By : Harapriya Sethi | April 24, 2025 12:23 PM

ଭୁବନେଶ୍ୱର, ୨୪/୦୪: କଟକରେ ନକଲି ବିଦେଶୀ ମଦ କାରଖାନାରେ ଅବକାରୀ ବିଭାଗର ରେଡ୍‌ । ଜବତ ହେଲା ବିପୁଳ ପରିମାଣର ନକଲି ବିଦେଶୀ ମଦ । ରାତି ଅଧିଆ ଚଢାଉ କରି ଜବତ କଲା ଅବକାରୀ ବିଭାଗ । ଏହି ଚଢାଉରେ ୨୭ଟି ବିଦେଶୀ ମଦ ବୋତଲ ସହ ୧୯ ବୋତଲ ଦେଶୀ ମଦ ଜବତ ହୋଇଛି । ଏଥି ସହିତ ମଦ ପ୍ରସ୍ତୁତ ପାଇଁ ଥିବା ୫୬୦ଲିଟର ସ୍ପିରିଟ୍‌ ଏବଂ ଅନ୍ୟାନ୍ୟ ସାମଗ୍ରୀ ମଧ୍ୟ ଜବତ ହୋଇଛି । ଏହି ଘଟଣାରେ ଜଣଙ୍କୁ ଅଟକ ରଖି ପଚରାଉଚରା କରୁଛି ଅବକାରୀ ବିଭାଗ ।

ସୂଚନା ମୁତାବକ, କଟକ ଚୌଦ୍ୱାର ଅଞ୍ଚଳରେ ଦୀର୍ଘ ୩ ମାସ ଧରି ଏକ ଭଡ଼ା ଘରେ ଚାଲିଥିଲା ଏହି ବେଆଇନ ମଦ ଫ୍ୟାକ୍ଟ୍ରି । ଏହି ଫ୍ୟାକ୍ଟ୍ରିରେ ମଦ ପ୍ରସ୍ତୁତ ହୋଇ କଟକ ଏବଂ ଯାଜପୁର ଅଞ୍ଚଳରେ ବିକ୍ରି ହେଉଥିଲା । ଏନେଇ ଏକ ବିଶେଷ ସୂତ୍ରକୁ ଖବର ପାଇଥିଲା ଅବକାରୀ ବିଭାଗ । ଖବର ପାଇ ବୁଧବାର ରାତି ଅଧରେ ଅତର୍କିତ ଚଢାଉ କରିଥିଲା ଅବକାରୀ ବିଭାଗ । ଏହି ଚଢାଉରେ ମୋଟ ୨୭ ବୋତଲ ବିଦେଶୀ ମଦ ସହ ୧୯ ବୋତଲ ଦେଶୀ ମଦ ଜବତ ହୋଇଛି । ମଦ ପ୍ରସ୍ତୁତ କରିବା ପାଇଁ ରଖାଯାଇଥିବା ୫୬୦ଲିଟର ସ୍ପିରିଟ୍‌ ମଧ୍ୟ ଜବତ ହୋଇଛି । ୬୯ ହଜାର ମଦ ବୋତଲ ଠିପି ସହ ୧ ଲକ୍ଷ ୬୧ ହଜାର ମଦ କମ୍ପାନୀ ଲେବୁଲ ଜବତ ହୋଇଛି । ୬୩୦୦ ଅବକାରୀ କ୍ୟୁଆର କୋର୍ଡ ସହ ୬୫୦୦ ଖାଲି ବୋତଲ ଜବତ ହୋଇଛି । ଏଥି ସହିତ ଗୋଟିଏ ମଦ  ପ୍ୟାକିଙ୍ଗ ମେସିନ ଜବତ କରିଛି ଅବକାରୀ ବିଭାଗ । ଏହି ଚଢାଉ ପରେ ଫ୍ୟାକ୍ଟ୍ରି ଚଳାଉଥିବା ବ୍ୟକ୍ତିଙ୍କୁ ଅଟକ ରଖାଯାଇଛି । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.