ନୂଆଦିଲ୍ଲୀ, ୨୧/୦୮: ଟ୍ରେନ୍ ଆସିବାର କିଛି ସମୟ ଆଗରୁ ବନ୍ଦ ହୋଇଗଲା ରେଲୱେ କ୍ରସିଂ। ହଠାତ୍ ଭିଡ଼ ଭିତରୁ ବାହାରି ଆସିଲେ ଜଣେ ବାହୁବଳୀ। ମୁହଁରେ ସ୍ମିତ ହାସ୍ୟ, କାନ୍ଧରେ ଥିଲା ପ୍ରାୟ ଏକ କ୍ଵିଣ୍ଟାଲ ଓଜନର ବାଇକ୍। ଯୁବକଙ୍କ ଅଜବ କାରନାମା ଦେଖି ସମସ୍ତେ ତାଜୁବ୍। କାରଣ ଟ୍ରେନ୍ ଯିବା ପର୍ଯ୍ୟନ୍ତ ଅପେକ୍ଷା କରିପାରିଲେନି ଯୁବକ। ନିଜ ବାଇକ୍କୁ କାନ୍ଧରେ କାନ୍ଧେଇ ପାର୍ କଲେ ରେଲୱେ କ୍ରସିଂ। ସୋସିଆଲ୍ ମିଡିଆରେ ଏଭଳି ଏକ ଭିଡିଓ ଖୁବ୍ ଭାଇରାଲ୍ ହେଉଛି। ଘଟଣାଟି କେଉଁଠାର ତାହା ଜଣାପଡ଼ି ନାହିଁ। କିଛି ଲୋକ ଏହାକୁ ପଞ୍ଜାବର କହୁଥିବା ବେଳେ ଆଉ କିଛି ଲୋକ ରାଜସ୍ଥାନର ବୋଲି କହୁଛନ୍ତି।
ସୋସିଆଲ୍ ମିଡିଆରେ ଏହି ଭିଡିଓଟି ଏବେ ଖୁବ୍ ଭାଇରାଲ୍ ହେଉଛି। ଭିଡିଓକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । କିଛି ୟୁଜର ଯୁବକଙ୍କୁ ବାହୁବଳୀ ବୋଲି କହୁଥିବା ବେଳେ ଆଉ କିଛି ୟୁଜର ଏହାକୁ ବିରୋଧ କରୁଛନ୍ତି। ସେହିପରି ୫ ମିନିଟ୍ ଅପେକ୍ଷା କରିଥିଲେ କ’ଣଟା ବିଗିଡ଼ି ଯାଇଥାନ୍ତା, ଭୁଲ୍ ଜାଗାରେ ଟ୍ୟାଲେଣ୍ଟ ପ୍ରଦର୍ଶନ ବୋଲି ଜଣେ ବ୍ୟକ୍ତି କମେଣ୍ଟ କରିଛନ୍ତି । ସେହିପରି ଆଇଏଏସ୍ ଅଧିକାରୀ ଜଲ୍ଦିରେ ଅଛନ୍ତି ବୋଧେ ବୋଲି ଜଣେ ୟୁଜର ଲେଖିଛନ୍ତି। ଉକ୍ତ ବ୍ୟକ୍ତିଙ୍କୁ ନିୟମ ଉଲ୍ଲଙ୍ଘନ ପାଇଁ ଦଣ୍ଡ ମିଳିବା ଉଚିତ୍ ଓ ତାଙ୍କ ଲାଇସେନ୍ସ ରଦ୍ଦ କରିବା ଉଚିତ୍ ବୋଲି ଅନ୍ୟ ଜଣେ ୟୁଜର ଲେଖିଛନ୍ତି।
रेलवे क्रॉसिंग की ऐसी की तैसी…..!!!
— kapil bishnoi (@Kapil_Jyani_) August 17, 2025
हम जहाँ खड़े होते है….. लाइन वहीं से शुरू होती है…!! pic.twitter.com/ZoibSNgyqW
