ନୂଆଦିଲ୍ଲୀ,୨୮/୧୦: ଦୀପାବଳି ଏବଂ ଛଟ୍ ଲାଗି ଯାତ୍ରୀଙ୍କ ସୁବିଧାକୁ ନଜରରେ ରଖି ରେଳପଥ ୭୦୦୦ ସ୍ୱତନ୍ତ୍ର ଟ୍ରେନ ଚଳାଚଳ କରିବ । ବର୍ଦ୍ଧିତଯାତ୍ରୀ ଚାହିଦାକୁ ନଜରରେ ରଖି ଏଭଳି ପଦକ୍ଷେପ ଗ୍ରହଣ କରାଯିବ ବୋଲି ରେଳବୋର୍ଡର କାର୍ଯ୍ୟନିର୍ବାହୀ ନିର୍ଦ୍ଦେଶକ ଦିଲ୍ଲୀପ କୁମାର କହିଛନ୍ତି ।
ବିହାର ଏବଂ ଉତ୍ତରପ୍ରଦେଶରେ ପର୍ଯ୍ୟଟକଙ୍କ ଆଗମନକୁ ନଜରରେ ରଖି ପ୍ରମୁଖ ଷ୍ଟେଶନଗୁଡିକରେ ସେବା ସମ୍ପ୍ରସାରଣକୁ ପ୍ରାଥମିକତା ଦେଇଛି ରେଲୱେ । ପୁରୁଣା ଦିଲ୍ଲୀ, ନୂଆଦିଲ୍ଲୀ, ଆନନ୍ଦ ବିହାର, ଅହମ୍ମଦାବାଦ, ମୁମ୍ବାଇ, ଚେନ୍ନାଇ, ବାଙ୍ଗାଲୋର ଏବଂ ବିଶାଖାପାଟଣା ଭଳି ଅନ୍ୟ ସ୍ଥାନଗୁଡିକରୁ ଟ୍ରେନ୍ ବାହାରିବ । ପୂର୍ବବର୍ଷ ଦୀପାବଳି ସମୟରେ ରେଲୱେ ୪୩୦୦ ସ୍ୱତନ୍ତ୍ର ଟ୍ରେନ ଚଳାଇଥିଲା । ତେବେ ଚାହିଦା ଏବଂ ଯାତ୍ରୀଙ୍କ ସୁବିଧାକୁ ଗୁରୁତ୍ୱ ଦେଇ ଏବର୍ଷ ଏହି ସଂଖ୍ୟାରେ ବୃଦ୍ଧି କରାଯାଇଛି । ଫଳରେ ଲୋକମନେ ପର୍ଯ୍ୟାପ୍ତ ସଂଖ୍ୟକ ସିଟ୍ ପାଇପାରିବେ । ଯାତ୍ରୀଙ୍କ ସୁରକ୍ଷା ଏବଂ ଟିକେଟିଂ ବ୍ୟବସ୍ଥା ଉପରେ ବିଶେଷ ଧ୍ୟାନ ଦିଆଯାଇଛି ବୋଲି ଶ୍ରୀ କୁମାର ସୂଚନା ଦେଇଛନ୍ତି ।
