ନୂଆଦିଲ୍ଲୀ : ଉତ୍ତର ଭାରତରେ ପ୍ରବଳ ଗ୍ରୀଷ୍ମ ପ୍ରବାହ ମଧ୍ୟରେ, ଅନେକ ରାଜ୍ୟରେ ହିଟୱେଭ୍ ଆଲର୍ଟ ଜାରି କରାଯାଇଛି। ପାଣିପାଗ ବିଭାଗ ସୂଚନା ଦେଇଛି ଯେ, ୧୯ ଏବଂ ୨୦ ଏପ୍ରିଲରେ ପଶ୍ଚିମ ମଧ୍ୟପ୍ରଦେଶ, ବିଦର୍ଭ, ଛତିଶଗଡ଼ର କିଛି ଅଞ୍ଚଳରେ, ୧୯ରୁ ୨୩ ଏପ୍ରିଲ ମଧ୍ୟରେ ପୂର୍ବ ଉତ୍ତର ପ୍ରଦେଶ, ପୂର୍ବ ରାଜସ୍ଥାନ ଏବଂ ପୂର୍ବ ମଧ୍ୟ ପ୍ରଦେଶରେ, ୨୦ ଏବଂ ୨୧ ଏପ୍ରିଲରେ ଝାଡ଼ଖଣ୍ଡରେ, ୨୦ରୁ ୨୨ ଏପ୍ରିଲରେ ପଶ୍ଚିମ ଉତ୍ତର ପ୍ରଦେଶରେ, ୨୦-୨୩ ଏପ୍ରିଲରେ ପଶ୍ଚିମ ରାଜସ୍ଥାନରେ ଏବଂ ୨୧ ରୁ ୨୩ ଏପ୍ରିଲ ମଧ୍ୟରେ ପଞ୍ଜାବ, ହରିୟାଣା, ଚଣ୍ଡିଗଡ଼, ଓଡ଼ିଶାରେ ହିଟୱେଭ୍ ସତର୍କତା ଜାରି କରାଯାଇଛି। ଏହା ବ୍ୟତୀତ, ୧୯ ରୁ ୨୧ ଏପ୍ରିଲରେ ଆସାମ, ମେଘାଳୟରେ ଏବଂ ୧୯ ଏପ୍ରିଲରେ ଉପ-ହିମାଳୟ ପଶ୍ଚିମବଙ୍ଗ, ସିକିମ୍, ଅରୁଣାଚଳ ପ୍ରଦେଶରେ ବିଜୁଳି ଏବଂ ଘଡ଼ଘଡ଼ି ସହ ପ୍ରବଳ ବର୍ଷା ହେବାର ସମ୍ଭାବନା ରହିଛି। ୨୦ ଏବଂ ୨୧ ଏପ୍ରିଲରେ ଅରୁଣାଚଳ ପ୍ରଦେଶର କିଛି ଅଞ୍ଚଳରେ ପ୍ରବଳ ବର୍ଷା ହେବ।
ଉତ୍ତର ଭାରତର ପାଣିପାଗ ବିଷୟରେ କହିବାକୁ ଗଲେ, ୧୯ ଏବଂ ୨୦ ଏପ୍ରିଲରେ ଜମ୍ମୁ କାଶ୍ମୀର, ଲଦ୍ଦାଖ, ହିମାଚଳ ପ୍ରଦେଶ, ଉତ୍ତରାଖଣ୍ଡରେ ହାଲୁକାରୁ ମଧ୍ୟମ ଧରଣର ବର୍ଷା ଏବଂ ତୁଷାରପାତ ହେବ। ଏହି ସମୟ ମଧ୍ୟରେ ବିଜୁଳି ଏବଂ ପ୍ରବଳ ପବନ ବହିବାର ମଧ୍ୟ ସମ୍ଭାବନା ଅଛି। ୧୯ ଏପ୍ରିଲରେ ପଞ୍ଜାବ, ହରିୟାଣା, ଚଣ୍ଡିଗଡ଼ ଏବଂ ଦିଲ୍ଲୀରେ ଘଡ଼ଘଡ଼ି, ବିଜୁଳି ଏବଂ ପ୍ରବଳ ପବନ ସହିତ ହାଲୁକାରୁ ମଧ୍ୟମ ଧରଣର ବର୍ଷା ପାଇଁ ସତର୍କ ସୂଚନା ଜାରି କରାଯାଇଛି। ୧୯ ଏପ୍ରିଲରେ ପଶ୍ଚିମ ରାଜସ୍ଥାନରେ ବିଜୁଳି ପଡ଼ିବ।
ଉତ୍ତର-ପୂର୍ବ ଭାରତର କଥା କହିବାକୁ ଗଲେ , ଅରୁଣାଚଳ ପ୍ରଦେଶ, ଆସାମ ଏବଂ ମେଘାଳୟରେ ୧୯ ରୁ ୨୩ ଏପ୍ରିଲ ପର୍ଯ୍ୟନ୍ତ, ନାଗାଲାଣ୍ଡ, ମଣିପୁର, ମିଜୋରାମ ଏବଂ ତ୍ରିପୁରାରେ ୧୯ ରୁ ୨୨ ଏପ୍ରିଲ ପର୍ଯ୍ୟନ୍ତ ମଧ୍ୟମ ଧରଣର ବର୍ଷା ହେବ।
୧୯ ରୁ ୨୧ ଏପ୍ରିଲ ପର୍ଯ୍ୟନ୍ତ ଆସାମ ଏବଂ ମେଘାଳୟରେ ଏବଂ ୧୯ ଏପ୍ରିଲରେ ଅରୁଣାଚଳ ପ୍ରଦେଶରେ ପ୍ରବଳ ବର୍ଷା ହେବାର ସମ୍ଭାବନା ଅଛି। ୨୦ ରୁ ୨୧ ଏପ୍ରିଲରେ ଅରୁଣାଚଳ ପ୍ରଦେଶର ବିଭିନ୍ନ ସ୍ଥାନରେ ଅତି ପ୍ରବଳ ବର୍ଷା ହେବ। ପୂର୍ବ ଭାରତରେ, ୧୯ ଏପ୍ରିଲରେ ବିହାର, ୧୯ ରୁ ୨୩ ଏପ୍ରିଲରେ ଓଡ଼ିଶା, ଉପ-ହିମାଳୟ ପଶ୍ଚିମବଙ୍ଗ ଏବଂ ସିକିମରେ, ୨୦ ଏବଂ ୨୧ ଏପ୍ରିଲରେ ଝାଡ଼ଖଣ୍ଡ ଏବଂ ୧୯ ରୁ ୨୫ ଏପ୍ରିଲ ପର୍ଯ୍ୟନ୍ତ ଗାଙ୍ଗେୟ ସମତଳ ଅଞ୍ଚଳରେ ମଧ୍ୟମ ଧରଣର ବର୍ଷା ହେବ। ବଜ୍ରପାତ, ବିଜୁଳି ଏବଂ ପ୍ରବଳ ପବନ ମଧ୍ୟ ହେବ। ୨୩ ଏପ୍ରିଲରେ ବିହାରରେ ଘଣ୍ଟା ପ୍ରତି ୭୦ କିଲୋମିଟର ବେଗରେ ଝଡ଼ବର୍ଷାର ଆଲର୍ଟ ଜାରି କରାଯାଇଛି।
ଦକ୍ଷିଣ ଭାରତରେ, ଏପ୍ରିଲ ୧୯ ତାରିଖରେ ଉପକୂଳ ଆନ୍ଧ୍ର ପ୍ରଦେଶ ଏବଂ ୟନମରେ ଏବଂ ଏପ୍ରିଲ ୧୯-୨୩ ତାରିଖରେ ତେଲେଙ୍ଗାନା ଏବଂ କର୍ଣ୍ଣାଟକରେ ଝଡ଼ତୋଫାନ, ବିଜୁଳି ଓ ଝଡ଼ ପବନ ସହିତ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ଅଛି।
ରାୟଲସୀମାରେ ୨୦-୨୨ ଏପ୍ରିଲ ପର୍ଯ୍ୟନ୍ତ , କେରଳ ଓ ମାହେରେ ୨୦-୨୩ ଏପ୍ରିଲ ପର୍ଯ୍ୟନ୍ତ, ତାମିଲନାଡୁ, ପୁଡୁଚେରୀ ଏବଂ କରାଇକାଲରେ ୨୨ ଓ ୨୩ ଏପ୍ରିଲରେ ବଜ୍ରପାତ ହେବାର ସମ୍ଭାବନା ଅଛି। ଏପ୍ରିଲ ୧୯ ରେ ତେଲେଙ୍ଗାନା ଏବଂ ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକରେ କୁଆପଥର ବର୍ଷା ହେବାର ସମ୍ଭାବନା ଅଛି।
