ପଶ୍ଚିମା ଝଡ ପ୍ରଭାବରେ ରାଜ୍ୟରେ ଅଧିକାଂଶ ସ୍ଥାନରେ ହାଲୁକାରୁ ମଧ୍ୟ ଧରଣର ବର୍ଷା ଅନୁଭୂତ, କପ୍ତିପଦାରେ ସର୍ବାଧିକ ୫୮.୦ ମିମି ବର୍ଷା ରେକର୍ଡ
ଭୁବନେଶ୍ଵର, ୨୦/୦୩ : ପଶ୍ଚିମା ଝଡ ପ୍ରଭାବରେ ଗତ ୨୪ ଘଣ୍ଟାରେ ରାଜ୍ୟରେ ଅଧିକାଂଶ ସ୍ଥାନରେ ହାଲୁକାରୁ ମଧ୍ୟ ଧରଣର ବର୍ଷା ଅନୁଭୂତ ହୋଇଛି। ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ନାୟଗଡ଼, ଗଞ୍ଜାମ, କନ୍ଧମାଳ, କଳାହାଣ୍ଡି, ନୂଆପଡ଼ା, କୋରାପୁଟ, ମାଲକାନଗିରି, ନବରଙ୍ଗପୁର, ରାୟଗଡ଼ା ଓ ଗଜପତି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। କିଛି ସ୍ଥାନରେ ବଜ୍ରପାତ ସହ ଝଡ଼ ହେବା ନେଇ ସତର୍କ ସୂଚନା ଜାରି କରିଛି ପାଣିପାଗ ବିଭାଗ।
ମୟୂରଭଞ୍ଜର କପ୍ତିପଦାରେ ସର୍ବାଧିକ ୫୮.୦ ମିଲିମିଟର ବର୍ଷା ରେକର୍ଡ କରାଯାଇଥିବା ବେଳେ ବୌଦ୍ଧ ବୁଦ୍ଧଗଡ଼ରେ ୪୦.୪ ମିମି, ସୋନପୁର ତରଭା ୩୯ ମିମି, ଝାରସୁଗୁଡ଼ାର ଲଇକେରା ୩୧.୧ ମିମି, ମୟୂରଭଞ୍ଜ ଜଶୀପୁରରେ ୨୮.୪ ମିମି, ଝାରସୁଗୁଡ଼ାର କୋଲାବରୀ ୨୮.୪ ମିମି, ସୁନ୍ଦରଗଡ଼ ଜିଲ୍ଲାରୁ ବଣାଇଗଡ଼ ୨୮.୦ ମିମି, ମୟୂରଭଞ୍ଜର ଜାମଡ଼ାରେ ୨୮.୦ ମିମି, କେନ୍ଦୁଝର ଯୋଡ଼ାରେ ୨୬.୨ ମିମି. ମୟୂରଭଞ୍ଜର ବାଙ୍ଗିରିପୋଷିରେ ୨୬.୨ ମିମି, ସୁନ୍ଦରଗଡ଼ ଲହୁଣୀପଡ଼ାରେ ୨୫.୦ ମିମି, ଗୁରୁଣ୍ଡିରେ ୨୪.୦ ମିମି, କଳାହାଣ୍ଡି କୋକୋସରାରେ ୨୩.୦ ମିମି, ନବରଙ୍ଗପୁର ଉମକୋଟରେ ୨୩.୦ମିମି, ନୂଆପଡ଼ା କୋମନାରେ ୨୨.୨ ମିମି, ବଲାଙ୍ଗୀର ଜିଲ୍ଲା ତୁରେଇକେଲାରେ ୨୨.୦ମିମି, ମୟୂରଭଞ୍ଜ ଜିଲ୍ଲା ଉଦଳାରେ ୨୧.୦ ମିମି, ସୁନ୍ଦରଗଡ଼ ଲୋଫ୍ରିପଡ଼ାରେ ୨୦.୦ ମିମି, କଟକ ଜିଲ୍ଲାରେ ୨୦ ମିମି ବର୍ଷା ରେକର୍ଡ ହୋଇଛି।
