ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

ଆମ ଦଳରେ ଛୋଟ ଛୋଟ ମତଭେଦ ରହିଛି, ସମସ୍ତ ରାଜ୍ୟର ସବୁ ଦଳରେ ଏଭଳି ଥାଏ : ଅଶୋକ ଗେହଲଟ୍

ନୂଆଦିଲ୍ଲୀ: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଆଜି (ଶନିବାର) ଦିଲ୍ଲୀରେ କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖାର୍ଗେଙ୍କୁ ଭେଟିଛନ୍ତି । ଏହି ବୈଠକ ପରେ ସେ ସଚିନ ପାଇଲଟଙ୍କ ସହ ମତଭେଦକୁ ନେଇ ଏକ ବଡ ବିବୃତ୍ତି ଦେଇଛନ୍ତି । ଏଥିରେ କୌଣସି ମତଭେଦ ନାହିଁ ବୋଲି ଅଶୋକ ଗେହଲଟ୍ କହିଛନ୍ତି । ଆମ ଦଳରେ ଛୋଟ ଛୋଟ ମତଭେଦ ଅଛି । ଏଭଳି ଛୋଟ ଛୋଟ ମତଭେଦ ପ୍ରତ୍ୟକ ରାଜ୍ୟର ସମସ୍ତ ଦଳରେ ହୋଇଥାଏ । କିନ୍ତୁ ଆମେ ଏକାଠି ନିର୍ବାଚନ ଲଢିବୁ, ଜିତିବୁ ଏବଂ ସରକାର ଗଠନ କରିବୁ । 

ସେ ଆହୁରି ମଧ୍ୟ କହିଛନ୍ତି ଯେ ଆମ ଦଳରେ ବିତର୍କର କୌଣସି ପ୍ରସଙ୍ଗ ନାହିଁ । ଆମେ ସମସ୍ତେ ଏକତ୍ର .ହୋଇ ନିର୍ବାଚନ ଲଢିବୁ ଏବଂ ଜିତିବୁ । ତା’ପରେ ହାଇ କମାଣ୍ଡ ଯାହା ନିଷ୍ପତ୍ତି ନିଅନ୍ତି ତାହା ଗ୍ରହଣୀୟ ହୁଏ । ବାସ୍ତବରେ ରାଜ୍ୟର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ୍ ପାଇଲଟ୍ ଏବଂ ମୁଖ୍ୟମନ୍ତ୍ରୀ ଗେହଲଟଙ୍କ ମଧ୍ୟରେ ମତଭେଦ ଅନେକ ଥର ସାମ୍ନାକୁ ଆସିଛି । କଂଗ୍ରେସ ସଭାପତି ନିର୍ବାଚନ ସମୟରେ ଉଭୟ ବରିଷ୍ଠ ନେତା ପରସ୍ପର ବିରୋଧରେ ତୀବ୍ର ବିବୃତ୍ତି ଦେଇଥିଲେ । ଯେଉଁଥିରେ ଗେହଲଟ୍ ପାଇଲଟଙ୍କୁ ଦେଶଦ୍ରୋହୀ ବୋଲି ମଧ୍ୟ କହିଥିଲେ ।

ତେବେ ଆଗକୁ ନିର୍ବାଚନ ଥିବାରୁ ଶୁକ୍ରବାର ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି ଅଶୋକ ଗେହଲଟ । ରାଜସ୍ଥାନର ୧୯ ଟି ନୂତନ ଜିଲ୍ଲା ଘୋଷଣା କରିଛନ୍ତି ସେ । ମୁଖ୍ୟମନ୍ତ୍ରୀ କହିଛନ୍ତି ଯେ ନୂତନ ଜିଲ୍ଲା ଗଠନ ଉପରେ ଅଧ୍ୟୟନ ପାଇଁ ଏକ ଉଚ୍ଚ ସ୍ତରୀୟ କମିଟି ଗଠନ କରାଯାଇଛି ଏବଂ ରାଜ୍ୟ ସରକାର ଏହାର ରିପୋର୍ଟ ଗ୍ରହଣ କରିଛନ୍ତି । ଏହି ପରିପ୍ରେକ୍ଷୀରେ ରାଜ୍ୟରେ ୧୯ ଟି ନୂତନ ଜିଲ୍ଲା ହେବ । ନୂତନ ଜିଲ୍ଲା ଓ ବିଭାଗ ପାଇଁ ପ୍ରଥମ ପର୍ଯ୍ୟାୟ କାର୍ଯ୍ୟ ପାଇଁ ସେ ୨ ହଜାର କୋଟି ଟଙ୍କା ବଜେଟ୍ ପ୍ରସ୍ତାବ ଦେଇଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.