ନୂଆଦିଲ୍ଲୀ,୧୩।୭: ରାଜ୍ୟସଭାରେ ବିଜେପିର ସଦସ୍ୟ ସଂଖ୍ୟା ଆହୁରି ବୃଦ୍ଧି ପାଇବାକୁ ଯାଉଛି। ଏହି ତୁରନ୍ତ ବୃଦ୍ଧି ପଶ୍ଚିମବଙ୍ଗରୁ ଆସିବ। ବଙ୍ଗଳାରେ ୨୪ ଜୁଲାଇରେ ତିନୋଟି ରାଜ୍ୟସଭା ଆସନ ପାଇଁ ଉପନିର୍ବାଚନ ହେବାକୁ ଯାଉଛି, ଏବଂ ବିଜେପି ତିନୋଟି ଜିତିବା ପ୍ରାୟ ସୁନିଶ୍ଚିତ। ପଶ୍ଚିମବଙ୍ଗରେ ବିଜେପି କ୍ଷମତାରେ ଅଛି ଏବଂ ବିଧାନସଭାରେ ପର୍ଯ୍ୟାପ୍ତ ସଂଖ୍ୟା ଅଛି ଯାହା ଦ୍ୱାରା କୌଣସି ଗୁରୁତ୍ୱପୂର୍ଣ୍ଣ ଚ୍ୟାଲେଞ୍ଜର ସମ୍ମୁଖୀନ ନ ହୋଇ ଏହି ତିନୋଟି ଆସନକୁ ସହଜରେ ଜିତି ହେବ। ତିନି ଜଣ ପୂର୍ବତନ ତୃଣମୂଳ କଂଗ୍ରେସ ସାଂସଦଙ୍କ ଇସ୍ତଫା ପରେ ଏହି ଆସନଗୁଡ଼ିକ ଖାଲି ପଡ଼ିଥିଲା, ଯେଉଁମାନେ ପରେ ବିଜେପିରେ ଯୋଗ ଦେଇଥିଲେ। ତିନୋଟି ଆସନରେ ବିଜୟ ସହିତ ବିଜେପି ସାଧାରଣ ବହୁମତଠାରୁ ମାତ୍ର ୬ଟି ଆସନ ଦୂର ରହିଯିବ।
୧୯୮୬ ପରେ ହେଉଛି ଏହି ସଂଯୋଗ
ତିନି ରାଜ୍ୟସଭା ଆସନରେ ବିଜୟ ସହିତ ରାଜ୍ୟସଭାରେ ଥିବା ସଂଖ୍ୟାରେ ସାଧାରଣ ବହୁମତ ପାଇଁ ଜରୁରୀ ୧୨୩ ଆସନ ମୁକାବିଲାରେ ବିଜେପି କେବଳ ୬ଟି ଆସନରେ ପଛରେ ରହିଛି। ଗତ ଥର କୌଣସି ଏକ ରାଜନୈତିକ ଦଳକୁ ରାଜ୍ୟସଭାରେ ବହୁତ ୧୯୮୬ ରେ ମିଳିଥିଲା। ଯେତେବେଳେ ପ୍ରଧାନମନ୍ତ୍ରୀ ରାଜୀବ ଗାନ୍ଧିଙ୍କ ନେତୃତ୍ବରେ କଂଗ୍ରେସ ସଂଖ୍ୟାବଳ ଥିଲା। ତେବେ ବିଜେପି ପାଖରେ ଏବେ ବି ନିଜ ଦମ୍ରେ ବହୁମତ ନାହିଁ, କିନ୍ତୁ ଏନ୍ଡିଏର ୧୫୨ ଆସନର ସଂଖ୍ୟା ସହ ସେଠାରେ ଖୁବ୍ ମଜବୁତ ସ୍ଥିତିରେ ରହିଛି।
ପୂର୍ବରୁ ଟିଏମ୍ସି ଓ ପରେ ଉଦ୍ଧବ ଠାକରେଙ୍କ ପାର୍ଟିରେ ବିବାଦ ପରେ ଏନ୍ଡିଏର ଶକ୍ତି ବଢି ଯାଇଛି। ଏହା ସହ ଗତ କିଛି ସମୟ ହେବ ଚର୍ଚ୍ଚା ହେଉଥିଲା ଯେ, ଆଗାମୀ ଦିନରେ ସରକାର ରାଜନୈତିକ ରୂପରେ ଗୁରୁତ୍ବପୂର୍ଣ୍ଣ ସମ୍ବିଧାନିକ ଆଇନ ଆଗତ କରିବେ। ଯାହାଫଳରେ ସୀମା ନିର୍ଦ୍ଧାରଣ ଓ ମହିଳା ସଂରକ୍ଷଣ ବିଲ୍ର ଖୁବ୍ ଅଧିକ ଚର୍ଚ୍ଚା ହେବ। ସଂସଦର ମୌସୁମୀ ଅଧିବେଶନ ପୂର୍ବରୁ ସୀମାନିର୍ଦ୍ଧାରଣ ବିଲ୍ ଓ ମହିଳା ସଂରକ୍ଷଣ ବିଲ୍କୁ ନେଇ ରାଜନୈତିକ ଗଣିବ ଓ ଚର୍ଚ୍ଚା ଜୋରଦାର ହୋଇଛି। ସବୁଠାରୁ ଗୁରୁତ୍ବପୂର୍ର୍ଣ ପରୀକ୍ଷା ସମ୍ବିଧାନିକ ସଂଶୋଧନର ହେବ। ସମ୍ବିଧାନିକ ସଂଶୋଧନ ପାଇଁ ଉପସ୍ଥିତ ଓ ମତଦାନ କରୁଥିବା ଅତି କମ୍ରେ ଦୁଇ ତୃତୀୟାଂଶ ସଦସ୍ୟଙ୍କ ସମର୍ଥନ ଆବଶ୍ୟକତା ରହିଛି ଓ ଏହି ହିସାବରେ ରାଜ୍ୟସଭାରେ ପୂର୍ବ ପ୍ରଭାବ ସଂଖ୍ୟାରେ ସଦସ୍ୟ ମତଦାନ କରନ୍ତି ଯଦି ତେବେ ୧୬୬ ସଦସ୍ୟ ଦୁଇ-ତୃତୀୟାଶଂ ସଂଖ୍ୟା ପୁରା କରନ୍ତି।
ଦୁଇ ତୃତୀୟାଂଶ ବହୁମତଠାରୁ ଏବେ ବି ପଛରେ ଏନ୍ଡିଏ
ଏନ୍ଡିଏ ଦୁଇ-ତୃତୀୟାଂଶ ବହୁମତଠାରୁ ଏବେ ବି ପଛରେ ରହିଛି। ଚର୍ଚ୍ଚା ହେଉଛି ଯେ, କିଛି ଆଞ୍ଚଳିକ ଦଳ ସମର୍ଥନ ଦେଉଛନ୍ତି କିମ୍ବା ଅନୁପସ୍ଥିତ ରହିବା ପରେ ବି ଫାଟକୁ ପୂରଣ କରିପାରିବେ। ଏହି ଦଳର ସମ୍ଭାବିତ ସମର୍ଥନର ଚର୍ଚ୍ଚା ବି ରହିଛି।
ଡିଏମକେ (୮ ଜଣ ସାଂସଦ): ନିକଟରେ ଡିଏମକେ ଅଖିଳ ଭାରତୀୟ ମେଣ୍ଟରୁ ନିଜକୁ ଦୂରେଇ ରଖିଛି। ଦଳ ଆଇନକୁ ସମର୍ଥନ କରିପାରେ କିମ୍ବା ଭୋଟ ଦେବାରୁ ଦୂରେଇ ରହିପାରେ ବୋଲି ଆଲୋଚନା ଜୋର ଧରିଛି। ➤
YSR କଂଗ୍ରେସ ପାର୍ଟି (୪ ଜଣ ସାଂସଦ): ଏକ ସମ୍ଭାବ୍ୟ ସୀମା ନିର୍ଦ୍ଧାରଣ ବିଲ୍ ସମେତ ସରକାରଙ୍କୁ ସମର୍ଥନ କରିବାର ଆଶା କରାଯାଉଛି।
-ବିଜୁ ଜନତା ଦଳ (୫ ସାଂସଦ) : ମହିଳାଙ୍କ ପାଇଁ ସଂରକ୍ଷିତ ବା ଦୀର୍ଘ ସମୟ ଧରି ଚାଲି ଆସୁଥିବା ଦାବିକୁ ଦେଖି ପାର୍ଟି ଆଇର ସମର୍ଥନ କରିପାରେ କିମ୍ବା ଭୋଟିଂଠାରୁ ଦୂରେଇ ରହିବାର ନିଷ୍ପତ୍ତି ନେଇପାରେ।
-ଏନ୍ସିପି (ଏସ୍ପି) : ଦଳରୁ ଜଣେ ସାଂସଦ ସମର୍ଥନ କରିବାର ସମ୍ଭାବନା ରହିଛି। ଏହା ସହିତ ନିର୍ଦ୍ଦଳୀୟ ସାଂସଦ ପରିମଳ ନାଥଭାନି ମଧ୍ୟ ଏନ୍ଡିଏର ସମର୍ଥନ କରିବେ। ଝାଡଖଣ୍ଡରେ ବିଜେପିର ସମର୍ଥନ ଦ୍ବାରା ସେ ଜିତି ପାରିଥିଲେ।
