ତିନି ଦିନ ପର୍ଯ୍ୟନ୍ତ ଲୁଟିଲେ ଯୁବତୀଙ୍କ ଇଜ୍ଜତ, ସାହାଯ୍ୟ ପାଇଁ କେହି ଆସିଲେନି
ଉତ୍ତରପ୍ରଦେଶ,୬/୨: ହରଦୋଇ ଥାନା ଅନ୍ତର୍ଗତ ଏକ ଗାଁରେ ୧୬ବର୍ଷର ନାବାଳିକାକୁ କରାଯାଇଛି ଦୁଷ୍କର୍ମ। ଜଣେ କି ଦୁଇ ଜଣ ନୁହେଁ ତିନି ଦିନ ଧରି ତିନି ଜଣ ଯୁବକ ଏହି ଯୁବତୀଙ୍କ ଇଜ୍ଜତ ଲୁଟିଛନ୍ତି। ପାଟି କରି ଯେତେ ଚିତ୍କାର କରିଥିଲେ ବି ତାକୁ ସାହାଯ୍ୟ କରିବା ପାଇଁ କେହି ଆସିନଥିଲେ। ମିଳିଥିବା ସୂଚନାନୁସାରେ, ଫେବ୍ରୁଆରି ୧ ତାରିଖ ଦିନ ରାତି ୮ଟା ସମୟରେ ଯୁବତୀ ଜଣକ ଶୈାଚ ହେବା ପାଇଁ ଘର ବାହାରକୁ ଯାଇଥିଲେ। ସେହି ସମୟରେ କିଛି ଯୁବକ ବାଇକରେ ଆସି ଯୁବତୀଙ୍କୁ ଗାଁଠାରୁ କିଛି ଦୂରରେ ଥିବା ଶାହାବାଦ ଅଂଚଳକୁ ନେଇ ଏକ ଘରେ ବନ୍ଦୀ କରି ରଖିଥିଲେ। ଏହା ପରେ ତିନି ଜଣ ଯୁବକ ତିନି ଧରି କରିଥିଲେ ଦୁଷ୍କର୍ମ। ଏପଟେ ଘର ଲୋକେ ଝିଅକୁ ଖୋଜି ଖୋଜି ନ ପାଇବାରୁ ଥାନାରେ ଖବର ଦେଇଥିଲେ।
ସୋମବାର ରାତିରେ ଘର ଲୋକଙ୍କୁ ଖବର ମିଳିଥିଲା କି, ଶାହାବାଦ ପାଖରେ ଥିବା ଏକ ଘରେ ଝିଅକୁ ବନ୍ଦୀ କରି ରଖିଛନ୍ତି। ଖବର ପାଇବା ପରେ ପୁଲିସ ଉକ୍ତ ସ୍ଥାନରେ ପହଞ୍ଚି ଯୁବତୀଙ୍କୁ ଉଦ୍ଧାର କରିଛି। ତିନି ଜଣ ଯୁବକଙ୍କ ନାଁରେ ଥାନାରେ ଏକ ମାମଲା ରୁଜୁ କରାଯାଇଛି। ମାତ୍ର ଦୁଷ୍କର୍ମକାରୀ ବର୍ତମାନ ସୁଦ୍ଧା ଫେରାର୍ ଅଛି ବୋଲି ପୁଲିସ ସୂଚନା ଦେଇଛି।
