ନୂଆଦିଲ୍ଲୀ: ହର୍ମୁଜକୁ ନେଇ ବଡ ଖବର ଦେଲେ ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି । ତାଙ୍କ ଭାରତ ଗସ୍ତ ସମୟରେ ଏକ ଗୁରୁତ୍ୱପୂର୍ଣ୍ଣ ବିବୃତ୍ତି ସେ ଦେଇଛନ୍ତି। ସେ କହିଛନ୍ତି କି, "ଇରାନ କେବେବି ପରମାଣୁ ଅସ୍ତ୍ର ଚାହେଁ ନାହିଁ। ହରମୁଜ୍ ପ୍ରଣାଳୀର ପରିସ୍ଥିତି ବର୍ତ୍ତମାନ ବହୁତ ଜଟିଳ। ଆଲୋଚନା ମାଧ୍ୟମରେ ସମାଧାନ ବ୍ୟତୀତ ଅନ୍ୟ କୌଣସି ସମାଧାନ ହୋଇପାରିବ ନାହିଁ। ଆମେ ସମସ୍ତ ଜାହାଜକୁ ସୁରକ୍ଷିତ ଭାବରେ ହରମୁଜ୍ ପ୍ରଣାଳୀ ଦେଇ ଯିବାକୁ ସାହାଯ୍ୟ କରିବାକୁ ପ୍ରସ୍ତୁତ। ହରମୁଜ୍ ପ୍ରଣାଳୀର ସ୍ଥିତିକୁ ଉନ୍ନତ କରିବା ପାଇଁ ଚୀନ୍ ଯେକୌଣସି ପଦକ୍ଷେପ ନେଲେ ଆମେ ସ୍ୱାଗତ କରିବୁ।" ଇରାନ କୂଟନୀତିକୁ ସୁଯୋଗ ଦେବା ପାଇଁ ଯୁଦ୍ଧବିରତି ବଜାୟ ରଖିବାକୁ ଚେଷ୍ଟା କରୁଥିଲା।
ଆମେ ଭାରତର ଗଠନମୂଳକ ଭୂମିକାକୁ ସ୍ୱାଗତ କରିବୁ…
ନୂଆଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀରେ ଇରାନର ବୈଦେଶିକ ମନ୍ତ୍ରୀ ଆରାଘଚି କହିଛନ୍ତି ଯେ, "ଇରାନ ସମ୍ବନ୍ଧୀୟ କୌଣସି ସମସ୍ୟାର କୌଣସି ସାମରିକ ସମାଧାନ ନାହିଁ। ପାକିସ୍ତାନ ଦ୍ବାରା କରାଯାଇଥିବା ମଧ୍ୟସ୍ଥତା ପ୍ରୟାସ ଏପର୍ଯ୍ୟନ୍ତ ବିଫଳ ହୋଇନାହିଁ। ଆମେରିକା ଉପରେ ଇରାନ ବିଶ୍ୱାସ ନକରିବାର କିଛି କାରଣ ଅଛି; ଆମେରିକୀୟ ମାନଙ୍କ ପାଖରେ ଇରାନ ଉପରେ ବିଶ୍ୱାସ କରିବାର ସମସ୍ତ କାରଣ ଅଛି।" ପଶ୍ଚିମ ଏସିଆ ସଙ୍କଟ ସମ୍ପର୍କରେ ଆରାଘଚି କହିଛନ୍ତି କି, "ଆମେ ଭାରତର ଯେକୌଣସି ଗଠନମୂଳକ ଭୂମିକାକୁ ସ୍ୱାଗତ କରିବୁ।" ଆରାଘଚି କହିଛନ୍ତି ହରମୁଜ୍ ପ୍ରଣାଳୀର ପରିସ୍ଥିତି ବର୍ତ୍ତମାନ ବହୁତ ଜଟିଳ, ଏବଂ ଆମେ ଜାହାଜ ଗୁଡ଼ିକୁ ସୁରକ୍ଷିତ ଭାବରେ ଯିବାକୁ ସାହାଯ୍ୟ କରିବାକୁ ଚେଷ୍ଟା କରୁଛୁ।" ଏହି ଆକ୍ରମଣାତ୍ମକ କାର୍ଯ୍ୟ ସମ୍ପୂର୍ଣ୍ଣ ଭାବରେ ସମାପ୍ତ ହେବା ପରେ ସବୁକିଛି ସ୍ୱାଭାବିକ ହୋଇଯିବ।"
ଭାରତର ଭୂମିକା ବିଷୟରେ ଆରାଘଚି କ'ଣ କହିଛନ୍ତି ?
ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି କହିଛନ୍ତି କି, "ଗତକାଲି ମୋର ପ୍ରଧାନମନ୍ତ୍ରୀ ମୋଦିଙ୍କ ସହ ଏକ ସଂକ୍ଷିପ୍ତ ଏବଂ ଭଲ ଆଲୋଚନା ହୋଇଥିଲା, ଏବଂ ଆଜି ମୋର ବୈଦେଶିକ ମନ୍ତ୍ରୀ ଜୟଶଙ୍କରଙ୍କ ସହ ଏକ ଲମ୍ବା ସମୟର ବୈଠକ ହୋଇଥିଲା। ଆମେ ପ୍ରାୟ ସମସ୍ତ ପ୍ରସଙ୍ଗ ଉପରେ ଆଲୋଚନା କରିଥିଲୁ, ଯେଉଁଥିରେ ହର୍ମୁଜ୍ ପ୍ରଣାଳୀ ଏବଂ ପାରସ୍ୟ ଉପସାଗର କ୍ଷେତ୍ରର ପରିସ୍ଥିତି ମଧ୍ୟ ଅନ୍ତର୍ଭୁକ୍ତ। ମୁଁ କହିବି ଯେ ଏହି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଆମ ଉଭୟଙ୍କ ପ୍ରାୟ ସମାନ ଦୃଷ୍ଟିକୋଣ ଏବଂ ଚିନ୍ତା ଏବଂ ସ୍ୱାର୍ଥ ସମାନ। ତେଣୁ, ଆମେ ଆମର ଭାରତୀୟ ଅଂଶୀଦାର ମାନଙ୍କ ସହିତ ସମନ୍ୱୟ ଜାରି ରଖିବୁ।"
ଏହା ସହ ପଢନ୍ତୁ : ମାଧୁରୀ ଏବଂ ସଞ୍ଜୟ ଦତ୍ତଙ୍କ ମଧ୍ୟରେ କେମିତି ରହିଛି ସମ୍ପର୍କ ?
