ମହାପୁରୁଷଙ୍କ ତ୍ୟାଗ, ବଳିଦାନର ପଟାନ୍ତର ନାହିଁ : ରାଜସ୍ବ ମନ୍ତ୍ରୀ

ଜଗତସିଂହପୁର, ୨୬।୧ ଜଗତସିଂହପୁରର ନବକୃଷ୍ଣ ଚୌଧୁରୀ ଷ୍ଟାଡିୟମରେ ୭୪ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି l ମୁଖ୍ୟ ଅତିଥି ଭାବେ ରାଜସ୍ବ ମନ୍ତ୍ରୀ ପ୍ରମିଳା ମଲ୍ଲିକ ଯୋଗଦେଇ ସମ୍ମିଳିତ ପରେଡରେ ଅଭିବାଦନ ଗ୍ରହଣ କରିଥିଲେ l ଏହି ଅବସରରେ ମନ୍ତ୍ରୀ ଶ୍ରୀମତୀ ମଲ୍ଲିକ ଦେଶର ମୁକ୍ତି ସଂଗ୍ରାମ ଉପରେ ଆଲୋକପାତ କରିବା ସହ ମହାପୁରୁଷ ଙ୍କ ତ୍ୟାଗ, ବଳିଦାନ ଆଦିର ପଟାନ୍ତର ନାହିଁ ବୋଲି କହିଥିଲେ l ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି, ଜିଲ୍ଲପାଳ ପାରୁଲ ପଟାୱରୀ, ଏସପି ରାହୁଲ ପିଆର ପ୍ରମୁଖ ଉପସ୍ଥିତ ରହିଥିଲେ l ପ୍ରାରମ୍ଭରେ ସହର ବରପୁତ୍ର ମାନଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା l ଜିଲ୍ଲାସ୍ତରୀୟ  ସାଧାରଣତନ୍ତ୍ର ଦିବସ ଉତ୍ସବରେ ଜଗତସିଂହପୁର ପୌରାଞ୍ଚଳର ପରିଷଦ ମାନଙ୍କୁ ନିମନ୍ତ୍ରଣ ପତ୍ର ଦିଆଯାଇ ନଥିବାକୁ ନେଇ ଆଜି ଚାପା ଅସନ୍ତୋଷ ପ୍ରକାଶ ପାଇଥିଲା ।