ସୋରଡ଼ା/ଭଞ୍ଜନଗର,୨୨/୩ - ସୋରଡ଼ା ଥାନା ଅଧୀନ ଖଜୁରୀପଲ୍ଲୀ ଗାଁ ନିକଟ କେଟାମଣି ପାହାଡ଼ ତଳୁ ଶନିବାର ନର କଙ୍କାଳ ଠାବ ହୋଇଛି। ଖବର ପାଇ ସୋରଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ନର କଙ୍କାଳ ଜବତ କରିବା ସହ ତା ନିକଟରୁ ଦୁଇଟି ଦରପୋଡା ମୋବାଇଲ, ଚୁଡିଦାର, ସାର୍ଟ, ଛୁରୀ ଜବତ କରିଛି। ପାରିପାର୍ଶ୍ଵିକ ସ୍ଥିତିରୁ ଠାବ ହୋଇଥିବା ନର କଙ୍କାଳ ଟି ଯୁବତୀର ହୋଇଥିବା ଅନୁମାନ କରାଯାଉଛି।
ଶନିବାର ସକାଳେ ସ୍ଥାନୀୟ ଲୋକେ ପାହାଡ଼କୁ ଜାଳେଣି କାଠ ଆଣିବାକୁ ଯାଇଥିବା ବେଳେ କେଟାମଣି ପାହାଡ଼ ତଳେ ନର କଙ୍କାଳ ପଡ଼ିଥିବା ଦେଖି ପୁଲିସ କୁ ଖବର ଦେଇଥିଲେ। ପରେ ସୋରଡ଼ା ଥାନା ଅଧିକାରୀ ସୁଧୀର ସାହୁ ପୋଲିସ କର୍ମଚାରୀଙ୍କ ସହ ପହଂଚି ତଦନ୍ତ ଆରମ୍ଭ କରିଛନ୍ତି। ଘଟଣା ସ୍ଥଳରୁ ଛୁରୀ, ଚୁଡିଦାର ପ୍ୟାଣ୍ଟ୍, ଦୁଇଟି ମୋବାଇଲ ଜବତ କରିଛନ୍ତି।ତେବେ ହତ୍ୟାର ପ୍ରକୃତ କାରଣ ଜଣାପଡିନ ନାହିଁ। ପ୍ରଥମେ ଯୁବତୀଙ୍କୁ ଛୁରୀରେ ହତ୍ୟା କରିବା ପରେ ପ୍ରମାଣ ନଷ୍ଟ ପାଇଁ ପେଟ୍ରୋଲ ଢାଳି ପୋଡି ଦିଆଯାଇଥିବା ଅନୁମାନ କରାଯାଉଛି।ଆସ୍କା ଏସ ଡ଼ି ପି ଓ ସନ୍ତୋଷ ଜେନା ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
