ନୂଆଦିଲ୍ଲୀ,୧୩/୦୨; ଭାରତୀୟ କ୍ରିକେଟ୍ ଦଳର ଅଭିଜ୍ଞ ବ୍ୟାଟର ରୋହିତ ଶର୍ମା ୨୦୨୭ ଦିନିକିଆ ବିଶ୍ୱକପ ୨୦୨୭ ଦିନିକି ସମ୍ପର୍କରେ ତାଙ୍କର ଉଦ୍ଦେଶ୍ୟ ସ୍ପଷ୍ଟ କରିଛନ୍ତି । ଟି-ଟ୍ୱେଣ୍ଟି ଅନ୍ତର୍ଜାତୀୟ ଏବଂ ଟେଷ୍ଟ କ୍ରିକେଟରୁ ଅବସର ନେବା ପରେ, ରୋହିତ ଏବେ କେବଳ ଦିନିକିଆ ଫର୍ମାଟରେ ଖେଳୁଛନ୍ତି । ତେଣୁ, ସେ ୨୦୨୭ ବିଶ୍ୱକପ୍ ପର୍ଯ୍ୟନ୍ତ ଖେଳିବେ କି ନାହିଁ ସେ ବିଷୟରେ ପ୍ରଶ୍ନ ଉଠିଥିଲା । ଯେତେବେଳକୁ ସେ ପ୍ରାୟ ୪୦ ବର୍ଷ ବୟସର ହୋଇଥିବେ । ଏକ କାର୍ଯ୍ୟକ୍ରମରେ, ରୋହିତ ଶର୍ମା କହିଥିଲେ ଯେ, ତାଙ୍କର ସବୁଠାରୁ ବଡ଼ ଲକ୍ଷ୍ୟ ହେଉଛି ଭାରତ ପାଇଁ ଦିନିକିଆ ବିଶ୍ୱକପ୍ ଜିତିବା । ମୋର ଶକ୍ତିରେ ସବୁକିଛି କରିବି ବୋଲି କହିଛନ୍ତି । ରୋହିତଙ୍କର ଏହି ବୟାନ ପରେ ଏହା ନିଶ୍ଚିନ୍ତ ଯେ ସେ ୨୦୨୭ ବିଶ୍ୱକପ ଖେଳିବେ । ଏହାକୁ ନେଇ ତାଙ୍କ ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।
ସେ କହିଛନ୍ତି, "ମୁଁ ମୋ ଦେଶ ପାଇଁ ବିଶ୍ୱକପ୍ ଜିତିବାକୁ ଚାହୁଁଛି । ପିଲାଦିନରୁ, ମୁଁ ୫୦ ଓଭରର ବିଶ୍ୱକପ୍ ଦେଖି କ୍ରିକେଟ୍ ଶିଖିଥିଲି । ସେତେବେଳେ କୌଣସି ଟି-ଟ୍ୱେଣ୍ଟି ବିଶ୍ୱକପ୍ କିମ୍ବା ଆଇପିଏଲ ନଥିଲା । ସେହି ଟୁର୍ଣ୍ଣାମେଣ୍ଟ ସବୁଠାରୁ ବଡ଼ ପ୍ଲାଟଫର୍ମ ଥିଲା । ସେହି ଗୋଟିଏ ଟ୍ରଫିର ବହୁତ ମହତ୍ତ୍ୱ ଥିଲା । ମୁଁ ପ୍ରକୃତରେ ସେହି ଟ୍ରଫି ଚାହୁଁଛି ଏବଂ ମୁଁ ଏହାକୁ ହାସଲ କରିବା ପାଇଁ ମୋର ସମସ୍ତ ଶକ୍ତି ସହିତ କାମ କରିବି । ଏହା ମୋ ପାଇଁ ବଡ଼ ଟ୍ରଫି । ଏହି ମାଇଲଖୁଣ୍ଟ ହାସଲ କରିବା ଏବଂ ଚୂଡ଼ାନ୍ତ ବିଶ୍ୱକପ୍ ଗୌରବ ସହିତ ତାଙ୍କର କ୍ରିକେଟ୍ ଯାତ୍ରା ସମାପ୍ତ ହେବ ।'' ରୋହିତଙ୍କ ବୟାନରୁ ଏହା ସ୍ପଷ୍ଟ ଯେ ସେ, ନିଜକୁ ଫିଟ୍ ରଖିବା ଏବଂ ୨୦୨୭ ବିଶ୍ୱକପ୍ ପାଇଁ ପ୍ରସ୍ତୁତ ରହିଛନ୍ତି ।
ଏହା ବି ପଢନ୍ତୁ...୨୪ ବର୍ଷୀୟ ଖେଳାଳି ହେବେ ରାଜସ୍ଥାନ ରୟାଲ୍ସ ଅଧିନାୟକ, ପାସ୍ କଲେ ଇଣ୍ଟରଭ୍ୟୁ
୨ ଫର୍ମାଟରୁ ଅବସର ନେଇସାରିଛନ୍ତି ହିଟମ୍ୟାନ୍ ରୋହିତ ଶର୍ମା । ୨୦୨୪ ମସିହାରେ ଭାରତର ସଫଳ ଟି-୨୦ ବିଶ୍ୱକପ୍ ଅଭିଯାନ ପରେ ୩୮ ବର୍ଷୀୟ ରୋହିତ ଶର୍ମା ଟି-୨୦ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ । ପରେ ସେ ଟେଷ୍ଟ କ୍ରିକେଟରୁ ମଧ୍ୟ ଅବସର ନେଇଥିଲେ । ସେ ଏବେ କେବଳ ଏକଦିବସୀୟରେ ଭାରତକୁ ପ୍ରତିନିଧିତ୍ୱ କରୁଛନ୍ତି । ସଦ୍ୟ ପ୍ରକାଶିତ ବାର୍ଷିକ କେନ୍ଦ୍ରୀୟ ଚୁକ୍ତି ତାଲିକାରେ, ରୋହିତ ଶର୍ମା ଏବଂ ବିରାଟ କୋହଲିଙ୍କୁ ଶୀର୍ଷ ସ୍ତର ତଳେ ଗ୍ରୁପ୍ ବି ରେ ରଖାଯାଇଛି। ପୂର୍ବରୁ, ଉଭୟ A+ ବର୍ଗରେ ଥିଲେ ।
