ଭୁବନେଶ୍ବର, ୨।୧୦ ରୋଟାରୀ କ୍ଳବ୍ ଅଫ୍ ଭୁବନେଶ୍ୱର ଏକ୍ସଲେନ୍ସର ଜାତୀୟ ନିର୍ମାଣ ପୁରସ୍କାର ପ୍ରଦାନ ଉତ୍ସବ ଶନିବାର ୟୁନିଟ୍ ୯ ରେ ଥିବା ରୋଟାରୀ ଭବନରେ ସଭାପତି ରୋଟାରିଆନ୍ ଅଜୟ କୁମାର ଚୌଧୁରୀଙ୍କ ପୈ।ରହିତରେ ଅନୁଷ୍ଠିତ ହୋଇଯାଇଛି। ଏହି ସଭାରେ ମୁଖ୍ୟ ଅତିଥି ଭାବେ ବର୍ତ୍ତମାନର ଜିଲ୍ଲା ଗଭର୍ଣ୍ଣର ପ୍ରଭୁଦତ୍ତ ସୁବୁଦ୍ଧି ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ପୂର୍ବତନ ଜିଲ୍ଲା ଗଭର୍ଣ୍ଣର ଶିବବ୍ରତ ଦାଶ, ଡି.ଏସ.ଜି ମନୋଜ ତ୍ରିପାଠୀ , ଡିଏଲଶିଶି ଅଚ୍ୟୁତାନନ୍ଦ ରାଉତରାୟ ଉପସ୍ଥିତ ଥିଲେ। ପରିଚୟ ପ୍ରଦାନ ସମ୍ପାଦକ ରୋଟାରିଆନ୍ ଆଶୁତୋଷ ଦାଶ କରିଥିଲେ।

ଏହି ସମାରୋହରେ ରୋଟାରୀ ଲିଟରାସି ମିଶନ୍ ଅଭିଯାନରେ ପ୍ରଶଂସନୀୟ ଅବଦାନ ପାଇଁ ଭୁବନେଶ୍ବର ଓ ଏହା ଆଖପାଖ ସରକାରୀ ସ୍କୁଲର ୨୭ ଜଣ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ଉପଢୌକନ, ମାନପତ୍ର ଓ ଉତ୍ତରୀୟ ପ୍ରଦାନ ପୂର୍ବକ ରାଷ୍ଟ୍ର ନିର୍ମାଣ ପୁରସ୍କାରରେ ସମ୍ବର୍ଦ୍ଧିତ କରାଯାଇଥିଲା। ସମାରୋହର ପରିଚାଳନା ପିପି ରୋଟାରୀଆନ୍ ପ୍ରତୀପ୍ କୁମାର ମିଶ୍ର ସୂଚାରୁରୂପେ କରିଥିଲେ। ସମ୍ବର୍ଦ୍ଧିତ ଶିକ୍ଷକ ମାନଙ୍କ ମଧ୍ୟରୁ ଚାରିଜଣଙ୍କୁ ନିଜ ଅନୁଭୂତି  ବର୍ଣ୍ଣନା କରିଥିଲେ। ଶିଏଲଶିଶି ଶୁଭେନ୍ଦୁ ମହାନ୍ତିଙ୍କ ଉପସ୍ଥିତ ଅତିଥି ଓ ଶିକ୍ଷକ ମାନଙ୍କୁ ଧନ୍ୟବାଦ ପ୍ରଦାନ କରିଥିଲେ।

ଏହି ସମାରୋହରେ ଅନ୍ୟ ମାନଙ୍କ ମଧ୍ୟରେ ପିପି ବିଜୟ କୁମାର ପାତ୍ର, ବିଜୟ କୁମାର ଚୌଧୁରୀ, ଅମିତ୍ ସିଙ୍ଘାଣିଆ, ବିଭୁତି ମହାପାତ୍ର, ଚାର୍ଟର୍ ସଭାପତି ସିଦ୍ଧାର୍ଥ ତିଓ୍ଵାରୀ, ବିନ୍ଦୁଶ୍ରୀ ମିଶ୍ର,   ବୃନ୍ଦାବନ ଦଳବେହେରା, ରୋଟାରାକ୍ଟ ବିଭୁତି ଚୌଧୁରୀ , ପିପି ବାଣୀ ସେନଗୁପ୍ତା ପ୍ରମୁଖ ରୋଟାରିଆନ୍ ମାନେ ଉପସ୍ଥିତ ଥିଲେ ଏହି ସମାରୋହରେ ନୂତନ ସଦସ୍ୟ ଭାବେ ଜିତନ୍ କୁମାର ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା। ସମଗ୍ର ସମାରୋହର ଆୟୋଜନ ପିପି ସୁଶାନ୍ତ ମହାପାତ୍ରଙ୍କ ଦ୍ଵାରା ଆୟୋଜିତ ହୋଇଥିଲା।