PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାବୁଲ ସ୍ଥିତ ଏକ ମସଜିଦ୍‌ରେ ଭୟଙ୍କର ବିସ୍ଫୋରଣ , ବିସ୍ଫୋରଣରେ ୨୦ ମୃତ , ୪୦ ଆହତ , ଆହତଙ୍କୁ ନିଆଯାଉଛି ହସ୍ପିଟାଲ
  • ||
  • ଭୁବନେଶ୍ବର : ରାଜ୍ୟରେ ଆଉ ୪ ଦିନ ଏଭଳି ବନ୍ୟା ସ୍ଥିତି ରହିବ, ଆଗାମୀ ୨୪ ଘଣ୍ଟା ଆମ ପାଇଁ ଗୁରୁତ୍ୱପୂର୍ଣ୍ଣ ବୋଲି ଏସଆରସିଙ୍କ ସୂଚନା
  • ||
  • ବୌଦ୍ଧ : ବୌଦ୍ଧ ଜିଲ୍ଲା ଭେଜିଗୋରା ଗ୍ରାମରେ ପାଣି ଘେରରେ ଥିବା ଗର୍ଭବତୀ ମହିଳା ଓ ଅନ୍ୟ ଜଣେ ମହିଳାଙ୍କୁ ଉଦ୍ଧାର କରିଛନ୍ତି ଅଗ୍ନିଶମ କର୍ମଚାରୀ
  • ||
  • ଭଦ୍ରକ : ଭଦ୍ରକ ଜିଲ୍ଲା ଧାମନଗର ବ୍ଲକ କାସିମପୁର ପଞ୍ଚାୟତ ହେମେନ୍ଦ୍ର ନାଥ ହାଇସ୍କୁଲରେ କ୍ଲାସ ରୁମ୍‌ରେ ପଶିଲା ବନ୍ୟା ପାଣି, ବାତିଲ ହେଲା ପରୀକ୍ଷା
  • ||
  • ସୋର : ବାଲେଶ୍ବର ଜିଲ୍ଲା ନୀଳଗିରି ଅଧିନ ଔପଦା ବ୍ଲକର ବିଡ଼ିଓ ଅଭିଷେକ ଦାସଙ୍କର ବଦଳିକୁ ନେଇ ବୁଧବାର ଔପଦା ବ୍ଲକ୍ ସମ୍ମୁଖରେ ସରପଞ୍ଚ, ସମିତି ସଭ୍ୟ/ସଭ୍ୟା, ବୁଦ୍ଧିଜୀବୀ, ଔପଦାର ଜନସାଧାରଣଙ୍କ ଧାରଣା
  • ||
  • ଜଗତସିଂହପୁର : ତିର୍ତ୍ତୋଲ ବ୍ଲକର ଗୋତିଆକୁଦ ଗାଁରେ ହଠାତ ପାଣି ବଢିଯିବାରୁ ଗୋଟିଏ ପରିବାରର ୩ ଜଣ ଫଶି ରହିଥିଲେ, ବୁଧବାର ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିଛି
  • ||
  • କଟକ : ମୁଣ୍ଡଳୀରେ କମୁଛି ଜଳସ୍ତର, ତଥାପି ଵିପଦ ସଙ୍କେତ ଉପରେ ମହାନଦୀ
  • ||
  • ବାଲିପାଟଣା : ଧନୁଆ ନଦୀରେ ବନ୍ୟା, ବାଲିପାଟଣା ବ୍ଲକ୍‌ର ୫ଟି ପଞ୍ଚାୟତର ବିଭିନ୍ନ ଗାଁ ଜଳମଗ୍ନ
  • ||
  • ବାରିପଦା : ଆଇଟିଆଇ କଲେଜରେ ଆଦିବାସୀ ଛାତ୍ରଙ୍କୁ ମାଡ ଘଟଣା, ୧୨ ଘଣ୍ଟିଆ ମୟୁରଭଞ୍ଜ ବନ୍ଦ ଡାକରା
  • ||
  • କଣାସ : ମକରା ନଦୀରେ ୫୦ ଫୁଟର ଘାଇ, ୨୦ ରୁ ଅଧିକ ଗାଁରେ ପଶିଲା ବନ୍ୟାଜଳ
  • ||
  • ଜଳେଶ୍ବର : ତ୍ରୀର୍ଥଯାତ୍ରୀ ବସ୍‌କୁ ପିଟିଲା ମାଲବାହୀ ଟ୍ରକ୍, ଜଣେ ମୃତ ଓ ୪ ଗୁରୁତର
  • ||

ରୁଚିକା ଆତ୍ମହତ୍ୟା ଘଟଣା : ୨ ଦିନରେ ୧୦୦ରୁ ଅଧିକ ଛାତ୍ରୀଙ୍କ ବୟାନ ରେକର୍ଡ, ୩ ସିନିଅରଙ୍କ ସମ୍ପର୍କରେ ପୁଲିସକୁ ମିଳିଲା ସୁରାକ୍‌

ଭୁବନେଶ୍ୱର,୦୫/୦୭: ସିନିଅରମାନେ ରୁଚିକା ମହାନ୍ତିଙ୍କୁ କେଉଁ ପ୍ରକାର ରାଗିଂ କରିଥିଲେ? ଏମିତି କ’ଣ ହୋଇଥିଲା ଯେ ରୁଚିକାଙ୍କ ସହିବାର ସୀମା ଟପିଗଲା । ଫଳରେ ସେ ଆତ୍ମହତ୍ୟା ଭଳି ଚରମପନ୍ଥା ବାଛିଲେ ? ୩ ଦିନ ଧରି ତୁମ୍ବିତୋଫାନ ଚାଲିଥିବା ବିଜେବି କଲେଜ ଛାତ୍ରୀ ରୁଚିକାଙ୍କ ଆତ୍ମହତ୍ୟା ଘଟଣାରେ ଏଭଳି କିଛି ପ୍ରଶ୍ନ ସାମ୍ନାକୁ ଆସିଛି । କିନ୍ତୁ ପୁଲିସ ଏଦିଗରେ ଏଯାଏଁ କିଛି ସ୍ପଷ୍ଟ ତଥ୍ୟ ଦେଇପାରିନି ।

୨୦୦୯ରୁ ୨୦୨୧ ମଧ୍ୟରେ ବିଭିନ୍ନ ରାଜ୍ୟରେ ରାଗିଂ ସ୍ଥିତିକୁ ନେଇ ବିଶ୍ୱବିଦ୍ୟାଳୟ ଅନୁଦାନ ଆୟୋଗ (ୟୁଜିସି)ଦର୍ଶାଉଛି, ରାଗିଂରେ ଓଡି଼ଶା ସ୍ଥାନ ଦେଶରେ ଚତୁର୍ଥ । ଏହି ସମୟରେ ମୋଟ ୫୭୯ ରାଗିଂ ଅଭିଯୋଗ ସାମ୍ନାକୁ ଆସିଛି । ବିଶେଷକରି ଇଞ୍ଜିନିୟରିଂ ଓ ମେଡିକାଲ କଲେଜଗୁଡ଼ିକ ରାଗିଂର ଅନ୍ତୁଡ଼ିଶାଳ । ସେଠାରେ ଅତି ହୀନ ଓ ଘୃଣ୍ୟ ପ୍ରକାର ରାଗିଂ ସିନିଅରମାନେ କରନ୍ତି । ଯେଉଁଥିପାଇଁ ଛାତ୍ରଛାତ୍ରୀ ପ୍ରାଣ ହାରିବାକୁ ପଛାଉ ନାହାନ୍ତି । ସମାନ ଢଙ୍ଗର ରାଗିଂର ଶିକାର ହୋଇ ବଲାଙ୍ଗିର ଭୀମଭୋଇ ମେଡିକାଲ କଲେଜର ୨ ଜଣ ଛାତ୍ରଛାତ୍ରୀ ୨ ବର୍ଷରେ ପ୍ରାଣ ହରାଇଲେଣି ।

ରୁଚିକାଙ୍କ କ୍ଷେତ୍ରରେ ମଧ୍ୟ ଏଭଳି କିଛି ସାଂଘାତିକ ରାଗିଂ ହୋଇଥିବା ସନ୍ଦେହ କରାଯାଉଛି । ରୁଚିକା ରାଗିଂକୁ ନେଇ ସୁଇସାଇଡ୍‌ ନୋଟ୍‌ରେ କିଛି ସ୍ପଷ୍ଟ ସୂଚନା ଦେଇନାହାନ୍ତି । କିନ୍ତୁ ରୁଚିକା ତାଙ୍କ ରୁମ୍‌ମେଟଙ୍କୁ ଏକ ସିକ୍ରେଟ ଶୁଣାଇବେ ବୋଲି ମୃତ୍ୟୁପୂର୍ବରୁ କହିଥିଲେ । କିନ୍ତୁ ରୁମ୍‌ମେଟ୍‌ କଲେଜକୁ କ୍ଲାସ କରିବାକୁ ଯିବାରୁ ଉକ୍ତ ସିକ୍ରେଟ୍‌ର ରହସ୍ୟ ଫିଟିପାରିଲାନି। ସିନିଅରମାନେ ତାଙ୍କ ସହ କରିଥିବା କୌଣସି ଘୃଣ୍ୟ ରାଗିଂ ସମ୍ପର୍କିତ ଏହି ସିକ୍ରେଟ ଥିଲା କି ? ପରିବାର ଲୋକଙ୍କ କହିବା ମୁତାବକ, ରୁଚିକା ଶାନ୍ତ ସ୍ୱଭାବର ପିଲା ଥିଲେ । ସିନିଅରମାନେ ତାଙ୍କୁ ସାଇକୋ କହି ଚିଡ଼ାଉଥିଲେ । ରୁଚିକାଙ୍କ ଶାନ୍ତ ସ୍ୱଭାବର ଫାଇଦା ଉଠାଇ କେହି ସିନିଅର ତାଙ୍କ ସହ କୌଣସି ଖରାପ କାମ କରିନାହିଁ ତ? ଏସବୁ ଦିଗକୁ ନେଇ ପୁଲିସ ତଦନ୍ତ ଚଳାଇଛି ।

ସ୍ୱତନ୍ତ୍ର ପୁଲିସ ଟିମ୍‌ ସୋମବାର ମଧ୍ୟ କଲେଜ କ୍ୟାମ୍ପସରେ ପଚରାଉଚରା ଜାରି ରଖିଛି । ଦିନକରେ ପ୍ରାୟ ୩୫ଜଣ ସିନିଅରଙ୍କୁ ଜେରା କରିଛି । ୨ ଦିନ ମଧ୍ୟରେ ସିନିଅର ଓ ହଷ୍ଟେଲ କର୍ତ୍ତୃପକ୍ଷଙ୍କୁ ମିଶାଇଲେ, ୧୦୦ରୁ ଅଧିକ ଜଣଙ୍କ ବୟାନ ରେକର୍ଡ କରାଯାଇ ସାରିଛି । ମଙ୍ଗଳବାର ବାକି ସିନିଅରମାନଙ୍କୁ ଜେରା କରାଯିବ । ୨ ଦିନିଆ ଜେରାରୁ ୩ ସିନିଅରଙ୍କ ସମ୍ପର୍କରେ ପୁଲିସକୁ ଅନେକ ସୁରାକ୍‌ ମିଳିଛି । ସେମାନେ ଯୁକ୍ତ ୩ ଶେଷ ବର୍ଷ ଛାତ୍ରୀ ବୋଲି ପୁଲିସ ଚିହ୍ନଟ କରି ସାରିଛି । କିନ୍ତୁ ରାଗିଂରେ ସମ୍ପୃକ୍ତି ସମ୍ପର୍କରେ ସେମାନଙ୍କ ଭୂମିକାକୁ ନେଇ ପୁଲିସ ବର୍ତ୍ତମାନ କୌଣସି ସ୍ପଷ୍ଟ ସୂଚନା ଦେବାକୁ ପଛଘୁଞ୍ଚା ଦେଉଛି । ସେପଟେ ସୁଇସାଇଡ୍‌ ନୋଟଟି ହ୍ୟାଣ୍ଡରାଇଟିଂ ବ୍ୟୁରୋକୁ ପଠାଯାଇଛି। ଉକ୍ତ ନୋଟ୍‌କୁ ରୁଚିକା ଲେଖିଥିଲେ କି ନାହିଁ? ତାହା ରିପୋର୍ଟ ଆସିବା ପରେ ଜଣାପଡ଼ିବ ବୋଲି ପୁଲିସ କହିଛି ।