ରାଜସ୍ଥାନ : ବର୍ତ୍ତମାନ ସମୟରେ ରାଜସ୍ଥାନରେ ବଡ଼ ରାଜନୈତିକ ହଲଚଲ ସୃଷ୍ଟି ହୋଇଛି । ୮୨ ବିଧାୟକ ଇସ୍ତଫା ଦେଇଛନ୍ତି । ବାଚସ୍ପତିଙ୍କୁ ଭେଟି ଇସ୍ତଫା ପତ୍ର ପ୍ରଦାନ କରିଛନ୍ତି । ସେପଟେ କଂଗ୍ରେସ ବିଧାୟକ ଦଳର ବୈଠକ ରଦ୍ଦ ହୋଇ ଯାଇଛି । ଗେହଲଟଙ୍କୁ ସମର୍ଥନ ଜଣାଇ ଏକାଠି ହୋଇଛନ୍ତି ବିଧାୟକମାନେ ।
କଂଗ୍ରେସ ନେତା ପ୍ରତାପ ଖାଚରିୟାୱାସ୍ କହିଛନ୍ତି , ଆମର ମିଟିଂ ହୋଇଗଲା । ଆମ ସାଥିରେ ୯୨ ବିଧାୟକ ଅଛନ୍ତି । ଯେଉଁମାନେ ଇସ୍ତଫା ଦେଇଛନ୍ତି । ଏହି ବିଧାୟକଙ୍କ କହିବା ହେଲା କି ନୂଆ ସିଏମ୍ ଚୟନରେ ତାଙ୍କର ମତ ନିଆଯାଇ ନାହିଁ । ଏଥିରେ ସେମାନେ ଖୁବ୍ ଅସନ୍ତୁଷ୍ଟ । ବିଧାୟକମାନେ ବସ୍ରେ ବସି ସିପି ଯୋଶୀଙ୍କ ନିବାସ ଆଡ଼କୁ ଯାଇଛନ୍ତି । ଗୋଟିଏ ବସ୍ କଂଗ୍ରେସ ବିଧାୟକ ଶାନ୍ତି ଧାରୀୱାଲଙ୍କ ଘରୁ ବାହାରି ସାରିଛି ।
କହି ରଖୁଛୁ କି , ବର୍ତ୍ତମାନ ସମୟରେ ସିଏମ୍ ଅଶୋକ ଗେହଲଟ କଂଗ୍ରେସ ଅଧ୍ୟକ୍ଷର ନିର୍ବାଚନ ଲଢ଼ିବାକୁ ଯାଉଛନ୍ତି , ଏହି ସ୍ଥିତିରେ ତାଙ୍କୁ ମୁଖ୍ୟମନ୍ତ୍ରୀ ପଦ ଛାଡ଼ିବାକୁ ହେବ । ସେଥିପାଇଁ ସଚିନ ପାଇଲଟଙ୍କୁ ସିଏମ୍ କରିବାକୁ ଆଶା ଅଧିକ ରହିଛି । ହେଲେ କଂଗ୍ରେସ ପାଇଁ ଏହି ନିଷ୍ପତ୍ତି ସେତେ ସହଜ ହେବାକୁ ଯାଉ ନାହିଁ । ଗେହଲଟ ଦଳର ବିଧାୟକମାନେ ପାଇଲଟଙ୍କୁ ମୁଖ୍ୟମନ୍ତ୍ରୀ କରେଇବାକୁ ବିରୋଧ କରୁଛନ୍ତି ।
