ନୂଆଦିଲ୍ଲୀ : ଗତ ପାଖାପାଖି ୩ ବର୍ଷ ହେବ ଧରି ୟୁକ୍ରେନ ବିରୋଧରେ ରୁଷ୍ ଯୁଦ୍ଧ ଲଢି ଚାଲିଛି। ୟୁକ୍ରେନକୁ ଆମେରିକା ସମେତ ଅନେକ ପାଶ୍ଚାତ୍ୟ ଦେଶ ସାହାଯ୍ୟ କରୁଥିବା ବେଳେ ସେପଟେ ରୁଷ୍କୁ ଚୀନ ସମେତ ଉତ୍ତର କୋରିଆ ବଡ଼ ସାହାଯ୍ୟ କରୁଛନ୍ତି। କିମ ଜୋଙ୍ଗ ଉନ୍ଙ୍କ ଶାସନରେ ଉତ୍ତର କୋରିଆ ବଡ଼ ସ୍ତରରେ ବାଲିଷ୍ଟିକ୍ ମିସାଇଲ, ଗୋଳା – ବାରୁଦ ସମେତ ସୈନିକ ପଠାଇଛି ,ଯେଉଁମାନେ ୟୁକ୍ରେନ ବିରୋଧରେ ଲଢୁଛନ୍ତି। ଏବେ ଖବର ଆସିଛି କି, ରୁଷ୍ କୁର୍ସ୍କ କ୍ଷେତ୍ରରେ ୟୁକ୍ରେନୀ ସୈନିକଙ୍କ ଅନୁପ୍ରବେଶ ବିରୋଧରେ ଲଢି ଉତ୍ତର କୋରିଆ ଦ୍ୱାରା ପଠାଯାଇଛି ଏବଂ ସେଠାରେ ମୁତୟନ କରାଯାଇ ଥିବା ଭୂପୃଷ୍ଠରୁ ଆକାଶକୁ ନିକ୍ଷେପ ହେଉଥିବା ବାଲିଷ୍ଟିକ୍ ମିସାଇଲକୁ ମଧ୍ୟ ଉଡ଼ାଇ ଦେଇଛି।
ଏକ ପ୍ରମୁଖ ୟୁକ୍ରେନୀ ସେନା ଓ ରାଜନୀତିକ ବିଶ୍ଳେଷକ ଆଲେକଜାଣ୍ଡର କୋବଲେଙ୍କୋ କହିଛନ୍ତି କି, ରୁଷ୍ ଦୋସ୍ତାନା ସଂଘର୍ଷରେ ଉତ୍ତର କୋରିଆର ବାଲିଷ୍ଟିକ୍ ମିସାଇଲକୁ ନଷ୍ଟ କରି ଦେଇଛି। ଟେଲିଗ୍ରାମ୍ରେ ୧୦୦,୦୦୦ରୁ ଅଧିକ ସବ୍ସକ୍ରାଇବର ଥିବା ୟୁକ୍ରେନୀ ସେନା ଓ ରାଜନୀତିକ ବିଶ୍ଳେଷକ କୋବଲେଙ୍କୋ କହିଛନ୍ତି କି , ଏକ ରୁଷୀୟ ଡ୍ରୋନ୍ ଅପରେଟର ଭୁଲ୍ରେ କୁର୍ସ୍କ କ୍ଷେତ୍ରରେ ଉତ୍ତର କୋରିଆରୁ ପଠାଯାଇ ଥିବା ଏସଏଏମ ମିସାଇଲ ଉପରେ ହମଲା କରିଛି। ଉଲ୍ଲେଖନୀୟ ଯେ, ରୁଷ୍ ଭାବିଲା କି ସେ ପାଶ୍ଚାତ ଦେଶ ଗୁଡ଼ିକ ଦ୍ୱାରା ସପ୍ଲାଇ କରାଯାଇଥିବା ମିସାଇଲ , ଯାହାକ ୟୁକ୍ରେନୀ ସୈନିକ ଢାଲ କରି କୁର୍ସ୍କ କ୍ଷେତ୍ରରେ ଅନୁପ୍ରବେଶ କରୁଛି।
ୟୁକ୍ରେନୀ ଆଉଟଲେଟ୍ ମିଲିଟର୍ନି କହିଛି କି, ଯୁଦ୍ଧ ବେଳର ଫୁଟେଜ୍ ଓ ଫଟୋର ବିଶ୍ଳେଷଣରୁ ଜଣାପଡ଼ିଛି କି, ରୁଷୀୟ ସେନାର ହମଲାରେ ଧ୍ୱଂସ କରାଯାଇ ଥିବା ଉତ୍ତର କୋରିଆର ବାଲିଷ୍ଟିକ୍ ମିସାଇଲର ଡିଜାଇନ, ସରଞ୍ଚନା ଓ ଆକାର ପାଶ୍ଚାତ ଦେଶ ଦ୍ୱାରା ସପ୍ଲାଇ କରାଯାଇଛି ଏବଂ ୟୁକ୍ରେନୀ ସୈନିକଙ୍କ ଦ୍ୱାରା ବ୍ୟବହୃତ ହେଉଥିବା ସିଷ୍ଟମର ସହ ସମାନ। ଏପଟେ ୟୁକ୍ରେନ ଅନେକ ମାସରୁ କହି ଆସୁଛି କି, ଉତ୍ତର କୋରିଆ ରୁଷ୍କୁ ଯୁଦ୍ଧ ପାଇଁ ଉପକରଣ ଓ ସୈନିକ ଯୋଗାଇ ଆସୁଛି। ନଭେମ୍ୱରରେ ୟୁକ୍ରେନର ପ୍ରତିରକ୍ଷା ଗୁଇନ୍ଦା ଏଜେନ୍ସି କହିଛି କି , ମସ୍କୋକୁ ଉତ୍ତର କୋରିଆ ୧୦୦ରୁ ଅଧିକ କେଏନ-୨୩ ଓ କେଏନ-୨୪ ସର୍ଟ-ରେଞ୍ଜ୍ ନ୍ୟୁକ୍ଲିୟର – ସକ୍ଷମ ବାଲିଷ୍ଟିକ୍ ମିସାଇଲ ଦେଇଛି।
