ମୁମ୍ବାଇ, ୩/୪ : ଭେଟରାନ କ୍ରିକେଟର ସଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକର ହେଲେ ମୁମ୍ବାଇ ଟିମର ମାଲିକାଣୀ । ଆଇପିଏଲ୍ ୨୦୨୫ମଧ୍ୟରେ ପୂରା ଟିମକୁ କିଣି ନେଇଛନ୍ତି । ଆଜ୍ଞା ହଁ ସାରା ତେନ୍ଦୁଲକର ଗ୍ଲୋବାଲ ଇ-କ୍ରିକେଟ ପ୍ରିମିୟର ଲିଗ(ଜିଇପିଏଲ)ରେ ମୁମ୍ବାଇ ଟିମର ମାଲିକାଣୀ ହୋଇଛନ୍ତି । ଜିଇପିଏଲକୁ ବିଶ୍ବର ସବୁଠାରୁ ବଡ଼ ଇ-କ୍ରିକେଟ ଲିଗ୍ ମଧ୍ୟରୁ ଗୋଟିଏ ବୋଲି ଗଣାଯାଏ । ୨୦୨୫ରେ ଏହି ଲିଗର ଦ୍ବିତୀୟ ସିଜନ ଆୟୋଜିତ ହେବ । ପ୍ରକାଶ ଯେ, ଏହି ଲିଗ୍ ରିୟଲ କ୍ରିକେଟ ଆପରେ ଖେଳାଯିବ । ଯାହାକୁ ଇଣ୍ଟରନେଟରେ ୩୦କୋଟିରୁ ବି ଅଧିକ ଥର ଡାଉନଲୋଡ଼ କରାଯାଇ ସାରିଛି ।
ଡେବ୍ୟୁ ସିଜନ ପରେ ଗ୍ଲୋବାଲ ଇ-କ୍ରିକେଟ ଲିଗ୍ ଭଲ ପରିଚୟ ସୃଷ୍ଟି କରିପାରିଛି । ପ୍ରଥମ ସିଜନରେ ୨ଲକ୍ଷ ଖେଳାଳୀ ରେଜିଷ୍ଟର କରିଥିଲେ । ଯାହାକି ସିଜନ ୨ ଲାଗି ୯ଲକ୍ଷ ୧୦ହଜାର ରେଜିଷ୍ଟେ୍ରଶନ ଆସିଛି ।
