କୋପେନହେଗେନ,୧୦।୭: ଇଷ୍ଟିଚ୍ୟୁଟ୍ ଫର୍ ଇକୋନୋମିକ୍ସ ଆଣ୍ଡ୍ ପିସ୍ ବିଶ୍ୱର ସବୁଠାରୁ ସୁରକ୍ଷିତ ଦେଶଗୁଡ଼ିକର ଏକ ନୂତନ ରାଙ୍କିଙ୍ଗ ପ୍ରକାଶ କରିଛି। ଏହି ରାଙ୍କିଙ୍ଗଗ୍ଲୋବାଲ୍ ପିସ୍ ଇଣ୍ଡେକ୍ସ (GIP) ଆଧାରରେ ପ୍ରସ୍ତୁତ କରାଯାଇଛି, ଯାହାକୁ ଆତଙ୍କବାଦ, ଅପରାଧ ହାର, ସମ୍ପତ୍ତି କ୍ଷତି ଇତ୍ୟାଦି କାରଣ ଉପରେ ମୂଲ୍ୟାଙ୍କନ କରାଯାଇଛି। ଏହି ରାଙ୍କିଙ୍ଗରେ, କମ୍ ସ୍କୋର ଅର୍ଥ ହେଉଛି ଦେଶ ଅଧିକ ସୁରକ୍ଷିତ, ସେଭଳି ଅଧିକ ସ୍କୋର ଅର୍ଥ ହେଉଛି ଦେଶ କମ୍ ଶାନ୍ତିପୂର୍ଣ୍ଣ। ଏଥିରେ, ଆଇସଲ୍ୟାଣ୍ଡ କ୍ରମାଗତ ୧୪ ତମ ବର୍ଷ ପାଇଁ ବିଶ୍ୱର ସବୁଠାରୁ ସୁରକ୍ଷିତ ଦେଶ ଭାବରେ ରହିଛି। ଏହି ତାଲିକାରେ ନରୱେ, ସ୍ୱିଡେନ ଇତ୍ୟାଦି ୟୁରୋପର ନର୍ଡିକ ଦେଶଗୁଡ଼ିକ ଅଛନ୍ତି। ବିଶ୍ୱର ୨୫ଟି ନିରାପଦ ଦେଶ ମଧ୍ୟରେ ନରୱେ, ସ୍ୱିଡେନ, ଡେନମାର୍କ, ଆଇସଲ୍ୟାଣ୍ଡ ଏବଂ ଫିନଲ୍ୟାଣ୍ଡ ଅନ୍ତର୍ଭୁକ୍ତ। ସେଭଳି ଦକ୍ଷିଣ ଏସୀୟ ଦେଶଗୁଡ଼ିକ ତାଲିକାରେ ତଳକୁ ଅଛନ୍ତି।
ଗ୍ଲୋବାଲ୍ ପିସ୍ ଇଣ୍ଡେକ୍ସ (GIP) ରିପୋର୍ଟ ମୋଟ ୧୬୩ ଟି ଦେଶକୁ କଭର କରେ, ପ୍ରତ୍ୟେକ ଦେଶର ସୁରକ୍ଷା କିମ୍ବା ବିପଦ ସ୍ତରକୁ ୨୩ଟି ସୂଚକ ଉପରେ ଆଧାର କରି ତାଲିକାଭୁକ୍ତ କରେ। ଜିଆଇପି ସଂକଳିତ କରିବା ପାଇଁ ବ୍ୟବହୃତ ସୂଚକଗୁଡ଼ିକରେ ଆଭ୍ୟନ୍ତରୀଣ ଏବଂ ବାହ୍ୟ ହିଂସାତ୍ମକ ସଂଘର୍ଷର ସଂଖ୍ୟା, ଅବିଶ୍ୱାସର ସ୍ତର, ରାଜନୈତିକ ଅସ୍ଥିରତା, ଆତଙ୍କବାଦୀ ଆକ୍ରମଣର ସମ୍ଭାବନା, ହତ୍ୟା ସଂଖ୍ୟା ଏବଂ GDPର ପ୍ରତିଶତ ଭାବରେ ସାମରିକ ଖର୍ଚ୍ଚ ଅନ୍ତର୍ଭୁକ୍ତ।
୨୦୨୬ ବିଶ୍ୱ ଶାନ୍ତି ସୂଚକାଙ୍କରେ ୧୬୩ ଦେଶ ମଧ୍ୟରୁ ଭାରତ ୧୨୭ତମ ସ୍ଥାନରେ ଅଛି। ସୂଚକାଙ୍କରେ ଭାରତର ପିସ୍ ସ୍କୋର ୨.୪୦୯। ପଡ଼ୋଶୀ ଦେଶମାନଙ୍କ ସହିତ ସୀମା ଉତ୍ତେଜନା ଏବଂ ମଣିପୁରରେ ଚାଲିଥିବା ସଂଘର୍ଷ ଯୋଗୁଁ ଭାରତର ରାଙ୍କିଙ୍ଗ ଗତ ବର୍ଷ ତୁଳନାରେ ୩ ସ୍ଥାନ ତଳକୁ ଖସିଯାଇଛି। ସାମଗ୍ରିକ ହ୍ରାସ ସତ୍ତ୍ୱେ, ଭାରତ ପାକିସ୍ତାନ, ଆଫଗାନିସ୍ତାନ ଏବଂ ବାଂଲାଦେଶ ଭଳି କିଛି ପ୍ରମୁଖ ଦେଶ ତୁଳନାରେ ଏବେ ବି ଭଲ ସ୍ଥିତିରେ ଅଛି।
