ଶାଗୁଆ କପ୍ କ୍ରିକେଟ୍ ୧୪ରୁ ଆରମ୍ଭ
ଭୁବନେଶ୍ୱର,୮ ।୨ (ବ୍ୟୁରୋ): ବାଲିଅନ୍ତା ବ୍ଲକ୍ ଶାଗୁଆ ଗ୍ରାଉଣ୍ଡରେ ଆରମ୍ଭ ହେବାକୁ ଯାଉଛି ମା’ ଉପୁଳାଇ କ୍ରିକେଟ୍ ଟୁର୍ଣ୍ଣାମେଣ୍ଟ । ଶାଗୁଆ ଦ କ୍ଲାରିୟନ ୟୁଥ୍ କ୍ଲବ୍ ଆନୁକୂଲ୍ୟରେ ଆସନ୍ତା ୧୪ ତାରିଖରୁ ୨୪ ତାରିଖ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ । ମ୍ୟାଚ୍ଗୁଡିକ ୧୬ ଓଭର ବିଶିଷ୍ଟ ହେବ । ମୋଟ ୧୬ଟି ଟିମ୍ ଭାଗ ନେବେ । ୨୪ ତାରିଖରେ ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ । ଟୁର୍ଣ୍ଣାମେଣ୍ଟରେ ବିଜୟୀ ଦଳ ଓ ଦର୍ଶକଙ୍କ ପାଇଁ ଆକର୍ଷଣୀୟ ପୁରସ୍କାର ବ୍ୟବସ୍ଥା କରାଯାଇଛି । ବିଜୟୀ ଦଳକୁ ନଗଦ ୧ ଲକ୍ଷ ଟଙ୍କା ଓ ରନର୍ସ ଅପ୍ ଟିମକୁ ୭୦ ହଜାର ଟଙ୍କା ପୁରସ୍କାର ମିଳିବ । ପ୍ରତିଦିନ ଜଣେ ଦର୍ଶକଙ୍କୁ ସ୍ମାର୍ଟ ଫୋନ୍, ସେମିଫାଇନାଲରେ ଏଲଇଡି ଟିଭି ଓ ଫାଇନାଲରେ ରେଫ୍ରିଜେରେଟର ପୁରସ୍କାର ଦିଆଯିବ । ଏହା ବ୍ୟତୀତ ଶୃଙ୍ଖଳିତ ଟିମକୁ ନଗଦ ଅର୍ଥରାଶି ମିଳିବ । ଟୁର୍ଣ୍ଣାମେଣ୍ଟରୁ ଭାଗ ନେବାକୁ ଆଗ୍ରହୀ କ୍ରିକେଟ୍ ଟିମ୍ ୬୩୭୧୦୪୦୪୨୬ କିମ୍ବା ୮୨୪୯୨୧୩୧୧୨ ନମ୍ବରରେ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।
