ସାଇନା ଇଣ୍ଡୋନେସିଆ ମାଷ୍ଟର୍ସ ଚାମ୍ପିଅନ୍
ଜାକର୍ତ୍ତା, ୨୭ା୧(ଏଜେନ୍ସି): ଭାରତର ଷ୍ଟାର୍ ମହିଳା ଖେଳାଳି ସାଇନା ନେହୱାଲ ଚଳିତ ବର୍ଷ ଇଣ୍ଡୋନେସିଆ ମାଷ୍ଟର୍ସ ସୁପର ସିରିଜ୍ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଚାମ୍ପିଅନ୍ ଆଖ୍ୟା ଅର୍ଜନ କରିଛନ୍ତି । ଆଜି ଅନୁଷ୍ଠିତ ମହିଳା ସିଙ୍ଗଲ୍ସ ଫାଇନାଲ୍ ମୁକାବିଲାରେ ସାଇନା ଓ ସ୍ପେନ୍ର କାରୋଲିନା ମାରିନ ପରସ୍ପରକୁ ଭେଟିଥିଲେ । ପ୍ରଥମ ଗେମ୍ରେ ମାରିନ ୧୦-୪ରେ ଆଗୁଆ ରହିଥିବା ବେଳେ ଆହତ ହୋଇ ଓହରି ଯାଇଥିଲେ । ସାଇନାଙ୍କୁ ଚାମ୍ପିଅନ୍ ଘୋଷଣା କରାଯାଇଥିଲା ।
ଦୁଇ ବର୍ଷ ପରେ ସାଇନା କୌଣସି ବଡବ୍ଲ୍ୟୁଏଫ୍ ଟାଇଟଲ ଜିତିବାରେ ସଫଳ ହୋଇଥିଲେ । ଅବଶ୍ୟ ମାରିନ ଆହତ ହୋଇ ବିଦାୟ ନେବା ଫାଇନାଲ୍ର ରୋମାଞ୍ଚକୁ ମଉଳାଇ ଦେଇଥିଲା । ଏଭଳି ଭାବେ କୌଣସି ଟାଇଟଲ ଜିତିବାକୁ କେବେ ସାଇନା ଆଶା ରଖିନଥିବା ମ୍ୟାଚ୍ ପରେ ପ୍ରକାଶ କରିଥିଲେ ସାଇନା । ସେ କହିଥିଲେ ଯେ, ଏଭଳି ଏକ ଫାଇନାଲ୍ର ଆଶା ନଥିଲା । ମାରିନ ବିଶ୍ୱର ଶ୍ରେଷ୍ଠ ମହିଳା ଖେଳାଳି । ଆହତ ସମସ୍ୟା ଖେଳାଳିଙ୍କ ଜୀବନର ସବୁଠୁ ଖରାପ ସମୟ । ଆଶା କରୁଛି ସେ ଖୁବ୍ ଶୀଘ୍ର ସୁସ୍ଥ ହୋଇ ବ୍ୟାଡମିଣ୍ଟନ କୋର୍ଟକୁ ପ୍ରତ୍ୟାବର୍ତ୍ତନ କରିବେ ।
