ନାଗା ଚୈତନ୍ୟଙ୍କ ସହ ଛାଡପତ୍ରକୁ ନେଇ ମୁହଁ ଖୋଲିଲେ ସାମନ୍ଥା, କହିଲେ-‘ସାହାସର ସହ ଚ୍ୟାଲେଞ୍ଜ୍କୁ ସାମ୍ନା କରିଛି’
hindustantimes
ନୂଆଦିଲ୍ଲୀ ୩୧/୦୩: ସାଉଥ୍ ଷ୍ଟାର୍ ସମନ୍ଥା ରୁଥ୍ ପ୍ରଭୁଙ୍କର ବଲିଉଡ୍ରେ ଫ୍ୟାନ୍ଙ୍କ ତାଲିକା ଲମ୍ବିଛି । ‘ଦ ଫ୍ୟାମିଲି ମ୍ୟାନ୍’ ସିଜନ୍-୨ରେ ନେଗେଟିଭ୍ ଚରିତ୍ରରେ ସେ ନଜର ଆସିଥିଲେ । ଏଥିରେ ସେ ମନୋଜ ବାଜପେୟୀଙ୍କ ସହ ସ୍କ୍ରିନ୍ ଶେୟାର କରିଥିଲେ । ଖୁବ୍ଶୀଘ୍ର ସ୍ପାଇ ସିରିଜ୍ ସିଟାଡେଲ୍ରେ ସେ ବରୁଣ ଧୱନଙ୍କ ଅପୋଜିଟ୍ରେ ନଜର ଆସିବେ । ବିଜୟ ଦେବରକୋଣ୍ଡାଙ୍କ ସହ ଫିଲ୍ମ ‘ଖୁସି’ରେ ମଧ୍ୟ ସେ କାମ କରିବେ । ତେବେ ବ୍ୟକ୍ତିଗତ ଜୀବନରେ ଅନେକ ଚ୍ୟାଲେଞ୍ଜ୍ର ସମ୍ମୁଖୀନ ହେଉଛନ୍ତି ସମନ୍ଥା ।
ନିକଟରେ ନାଗା ଚୈତନ୍ୟଙ୍କ ସହ ତାଙ୍କର ବିବାହ ବିଚ୍ଛେଦ ଚର୍ଚ୍ଚାର ବିଷୟ ହୋଇଥିଲା । ଏକ ମନୋରଞ୍ଜନଧର୍ମୀ ଗଣମାଧ୍ୟମ ସହ ବାର୍ତ୍ତାଳାପରେ ସେହି ଚ୍ୟାଲେଞ୍ଜ୍ ବିଷୟରେ ସେ ଖୋଲାଖୋଲି ଆଲୋଚନା କରିଛନ୍ତି । ସେ ସମୟ କେମିତି ତାଙ୍କ ପାଇଁ ଜଟିଳ ଥିଲା, ସେ କହିଛନ୍ତି । ସେତେବେଳେ ତାଙ୍କ ମନକୁ ଅନେକ ଖରାପ ବିଚାର ଆସିଥିଲା । କିନ୍ତୁ ସେ ନିଜକୁ ବରବାଦ୍ କରିବାକୁ ଦେଇନଥିଲେ । ଗୋଟିଏ ପାଦ ଆଗକୁ ବଢ଼ିବାକୁ ପଡ଼ିବ ବୋଲି ସ୍ଥିର କଲେ । ଏହି ଜଟିଳ ସମୟରେ ଅନେକ ପାଖ ଲୋକ ତାଙ୍କ ସହିତ ଠିଆ ହେଲେ, ଯେଉଁଥିପାଇଁ ସେ ନିଜକୁ ଭାଗ୍ୟଶାଳୀ ବୋଲି କହିଛନ୍ତି ।
ତେବେ ଏବେ ବି ସେ ଏଥିରୁ ସମ୍ପୂର୍ଣ୍ଣ ବାହାରି ପାରିନାହାନ୍ତି । କିନ୍ତୁ ସେ ସମୟର ଦୁଃଖ ବହୁତ କମିଯାଇଛି । କାମକୁ ଅଧିକ ଫୋକସ୍ କରି ସମନ୍ଥା ବେଶ ସାହସିକତା ପ୍ରଦର୍ଶନ କରିଛନ୍ତି, ଯାହା ଜରିଆରେ ସେ ଦୁଃଖରୁ ଅନେକାଂଶରେ ବାହାରି ପାରିଛନ୍ତି । ତାଙ୍କ ମତରେ, ଗୁରୁତ୍ୱପୂର୍ଣ୍ଣ କଥା ହେଉଛି କଠିନ ମୁହୂର୍ତ୍ତ ଚାଲିଯାଏ, ତେଣୁ ସେଥିରେ ଫସି ରହିବା ଆଦୌ ଉଚିତ୍ ନୁହେଁ ।
