ଟେନିସକୁ ଫେରିବେ ସାନିଆ
ନୂଆଦିଲ୍ଲୀ,୯ା୨(ଏଜେନ୍ସି): ଭାରତର ସଫଳ ମହିଳା ଟେନିସ୍ ଖେଳାଳି ସାନିଆ ମିର୍ଜା ଦୀର୍ଘ ୨ ବର୍ଷର ଅବ୍ୟାହତି ପରେ ପୁଣି ଥରେ ଟେନିସ କୋର୍ଟକୁ ଓହ୍ଲାଇବାକୁ ନିଷ୍ପତ୍ତି ନେଇଛନ୍ତି । ୨୦୧୭ ଅକ୍ଟୋବରରେ ଅନୁଷ୍ଠିତ ଚାଇନା ଓପନ୍ରେ ସାନିଆଙ୍କୁ ଶେଷଥର ପାଇଁ ଦେଖିବାକୁ ମିଳିଥିଲା । ଏହାପରେ ଆଣ୍ଠୁରେ ଆଘାତ ଯୋଗୁଁ ସେ ଟେନିସରୁ ଓହରିଯାଇଥିଲେ । ଗତ ବର୍ଷ ଅକ୍ଟୋବରରେ ସେ ପୁତ୍ର ସନ୍ତାନ ଜନ୍ମ ଦେଇଥିଲେ । ଇତି ମଧ୍ୟରେ ସାନିଆ ସମ୍ପୂର୍ଣ୍ଣ ସୁସ୍ଥ ହୋଇସାରିଛନ୍ତି । କେବଳ ଫିଟ୍ନେସ୍ ଫେରି ପାଇବା ପାଇଁ ସେ ଜୋରଦାର ଅଭ୍ୟାସ ଚଳାଇଛନ୍ତି । ଚଳିତ ବର୍ଷ ଶେଷ ଆଡକୁ ସେ ପେସାଦାର ଟେନିସକୁ ଫେରିବାକୁ ନିଷ୍ପତ୍ତି ନେଇଛନ୍ତି । ସାନିଆ କହିଛନ୍ତି ଯେ, ମୁଁ ଜଣେ ଖେଳାଳି । ଟେନିସ୍ ମୋର ପ୍ରଥମ ପସନ୍ଦ । ମୋ ପାଇଁ ଟେନିସ୍ ଜଗତକୁ ନଫେରିବା ମୃତ୍ୟୁ ସହ ସମାନ । ବର୍ତ୍ତମାନ ମୁଁ ଓଜନ କମାଇ ସାରିଛି ।
କେବଳ ମ୍ୟାଚ୍ ଫିଟ୍ନେସ୍ ପାଇଁ ପ୍ରସ୍ତୁତି ଚଳାଇଛି । ବର୍ଷ ଶେଷ ବେଳକୁ ମୁଁ କୋର୍ଟରେ ଲଢେଇ କରିବାକୁ ଆଶା ରଖିଛି । ଇତି ମଧ୍ୟରେ ସାନିଆ ସମ୍ପୂର୍ଣ୍ଣ ସୁସ୍ଥ ହୋଇସାରିଛନ୍ତି । କେବଳ ଫିଟ୍ନେସ୍ ଫେରି ପାଇବା ପାଇଁ ସେ ଜୋରଦାର ଅଭ୍ୟାସ ଚଳାଇଛନ୍ତି । ଚଳିତ ବର୍ଷ ଶେଷ ଆଡକୁ ସେ ପେସାଦାର ଟେନିସକୁ ଫେରିବାକୁ ନିଷ୍ପତ୍ତି ନେଇଛନ୍ତି । ସାନିଆ କହିଛନ୍ତି ଯେ, ମୁଁ ଜଣେ ଖେଳାଳି । ଟେନିସ୍ ମୋର ପ୍ରଥମ ପସନ୍ଦ । ମୋ ପାଇଁ ଟେନିସ୍ ଜଗତକୁ ନଫେରିବା ମୃତ୍ୟୁ ସହ ସମାନ । ବର୍ତ୍ତମାନ ମୁଁ ଓଜନ କମାଇ ସାରିଛି । କେବଳ ମ୍ୟାଚ୍ ଫିଟ୍ନେସ୍ ପାଇଁ ପ୍ରସ୍ତୁତି ଚଳାଇଛି । ବର୍ଷ ଶେଷ ବେଳକୁ ମୁଁ କୋର୍ଟରେ ଲଢେଇ କରିବାକୁ ଆଶା ରଖିଛି ।
