ମାଲକାନଗିରି : ଆଜି ( ଶୁକ୍ରବାର) ମାଲକାନଗିରି ପୌର ପରିଷଦରେ କାର୍ଯ୍ୟରତ ସମସ୍ତ ସଫେଇ କର୍ମଚାରୀ ଦେଇଛନ୍ତି କାର୍ଯ୍ୟବନ୍ଦ ଆନ୍ଦୋଳନ ଡାକରା। ଦୀର୍ଘ ତିନି ମାସ ଧରି ସଫେଇ ଠିକା ନେଇଥିବା ଏଲଏଣ୍ଡକେ ସର୍ଭିସ୍ ଠିକ୍ ସମୟରେ ଦରମା ପ୍ରଦାନ ନକରିବା ସହ ସଫେଇ କୀଟ୍ (ସାମଗ୍ରୀ ) ପ୍ରଦାନ ନକରିବା, ସମାନ କାମକୁ ସମାନ ଦରମା ପ୍ରଦାନ କରୁ ନଥିବା ଭଳି ଅଭିଯୋଗ ମାନ ବାଢି ଥିଲେ ସଫେଇ କର୍ମଚାରୀ ସମୂହ। ଯାହା ଦ୍ଵାରା ସଫେଇ କାର୍ଯ୍ୟବନ୍ଦ ରହିବା ସହିତ ଆଗାମୀ ଦିନରେ ଏହି ସବୁ ଦାବି ପୂରଣ କରିବାକୁ ଦାବି ଦୋହରାଇ ଥିଲେ।
ଏ ବିଷୟରେ ପୌର ପରିଷଦ ନିର୍ବାହୀ ଅଧିକାରୀଙ୍କ ସହ ଯୋଗାଯୋଗ କରିବାରୁ ସେ କହିଥିଲେ, ପୌର ପରିଷଦ ପକ୍ଷରୁ ଏଲଏଣ୍ଡକେ ସର୍ଭିସ ସଂସ୍ଥାକୁ ଏ ବିଷୟରେ ଅବଗତ କରାଯାଇଛି। ଏହା ସହ ସଫେଇ କର୍ମଚାରୀଙ୍କୁ ସେଫ୍ଟି କିଟ୍ ଯୋଗାଇ ଦେବା, ସଫେଇ କର୍ମଚାରୀଙ୍କ ଇପିଏଫ ଆକାଉଣ୍ଟ ଠିକ୍ ଭାବେ ପରିଚାଳନା କରିବା ଓ ସରକାରୀ ଛୁଟି ତାଲିକାରେ ସଫେଇ କର୍ମଚାରୀ ମାନଙ୍କୁ ଅନ୍ତର୍ଭୁକ୍ତ କରିବା ସହ, ଅଣ କୁଶଳୀ ଶ୍ରମିକ ଶ୍ରେଣୀ ସାମିଲ କରି ଦରମା ବୃଦ୍ଧି କରିବାକୁ କୁହାଯାଇଛି।
ଏହାସହ ଅନ୍ୟ ଜିଲ୍ଲାରେ ଦରମା ବାବଦକୁ ୧୬,୦୦୦ଟଙ୍କା ଦିଆ ଯାଉଥିବା ବେଳେ ମାଲକାନଗିରିରେ ୧୩,୦୦୦ଟଙ୍କା ଦିଆଯାଉ ଥିବା ଏବଂ ନର୍ଦ୍ଦମା ସଫେଇ କର୍ମଚାରୀଙ୍କୁ ୧୩୦୦୦ଟଙ୍କା ବଦଳରେ ମାତ୍ର ୭୦୦୦ଟଙ୍କା ଦିଆଯାଉ ଥିବା ବେଳେ ସମାନ କାମକୁ ସମାନ ଦରମା ନମିଳିଲେ ମାଲକାନଗିରି ସହରର ଅଳିଆ ଆବର୍ଜନା ଆଉ ହଟିବ ନାହିଁ ବୋଲି ସଫେଇ କର୍ମଚାରୀ ସଂଘ ପକ୍ଷରୁ କୁହାଯାଇଛି।
