ନୂଆଦିଲ୍ଲୀ : ଅନେକ ବିଜେପି ନେତା ଶନିବାର ଦିଲ୍ଲୀ ସରକାରଙ୍କର ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କର ଏକ ଭିଡ଼ିଓ ସେୟାର କରିଛନ୍ତି , ଯାହାଙ୍କୁ ଚଳିତ ବର୍ଷ ମଇ ମାସରେ ଅଭିଯୋଗ ମୁତାବକ ମନି ଲଣ୍ଡରିଂ ମାମଲାରେ ଗିରଫ କରାଯାଇ ଥିଲା । ଭିଡ଼ିଓରେ ସତ୍ୟେନ୍ଦ୍ର ଜୈନ ଜେଲ୍‌ରେ ମସାଜ କରାଉ ଥିବାର ଦେଖିବାକୁ ମିଳୁଛି। ଭିଡ଼ିଓଟି ତିହାଡ ଜେଲର ଅଧିକ୍ଷକ ଅଜିତ କୁମାରଙ୍କୁ ଜେଲ୍‌ରେ ବନ୍ଦୀ ମନ୍ତ୍ରୀଙ୍କୁ ଭିଆଇପି ଟ୍ରିଟମେଣ୍ଟ ଦିଆଯାଉ ଥିବାର ଅଭିଯୋଗରେ ନିଲମ୍ୱିତ କରାଯିବାର କିଛି ଦିନ ପରେ ସାମ୍ନାକୁ ଆସିଛି।

ଏହି କାର୍ଯ୍ୟାନୁଷ୍ଠାନ ଦିଲ୍ଲୀର ଉପରାଜ୍ୟପାଳଙ୍କ ଦ୍ୱାରା ଗଠିତ ଏକ ଯାଞ୍ଚ ସମିତିର ସୁପାରିଶ ଆଧାରରେ କରାଯାଇ ଥିଲା। ଜେଲ୍‌ରେ ବନ୍ଦୀ ସୁକେଶ ଚନ୍ଦ୍ରଶେଖର ଜେଲ୍‌ ନମ୍ୱର ୭ର ଅଧିକ୍ଷକଙ୍କ ଉପରେ ଅଭିଯୋଗ କରିଥିଲେ ଯେ, ଜେଲ୍‌ରେ ବନ୍ଦୀ ଥିବା ସତ୍ୟେନ୍ଦ୍ର ଜୈନଙ୍କୁ ଭିଆଇପି ଟ୍ରିଟମେଣ୍ଟ ଦିଆଯାଉଛି।

wp:html

So instead of Sazaa - Satyendra Jain was getting full VVIP Mazaa ? Massage inside Tihar Jail? Hawalabaaz who hasn’t got bail for 5 months get head massage !Violation of rules in a jail run by AAP Govt

This is how official position abused for Vasooli & massage thanks to Kejriwal pic.twitter.com/4jEuZbxIZZ

— Shehzad Jai Hind (@Shehzad_Ind) November 19, 2022

/wp:html

ଆମ୍‌ ଆଦମୀ ପାର୍ଟିର ନେତା ତଥା ଦିଲ୍ଲୀର ଉପମୁଖ୍ୟମନ୍ତ୍ରୀ ମନିଷ ସିସୋଦିଆ କହିଛନ୍ତି, ଜୈନଙ୍କୁ ମେରୁଦଣ୍ଡ ହାଡ଼ରେ ଆଘାତ କାରଣରୁ ଫିଜିଓଥେରାପିର ପରାମର୍ଶ ଦିଆଯାଇଥିଲା , ହେଲେ ଭାରତୀୟ ଜନତା ପାର୍ଟି (ବିଜେପି)ତାଙ୍କ ଅସୁସ୍ଥତାର ମଜାକ୍‌ କରୁଛି।

ସିସୋଦିଆ କହିଛନ୍ତି , ଡାକ୍ତର ସତ୍ୟେନ୍ଦ୍ର ଜୈନଙ୍କୁ ଫିଜିଓଥେରାପିର ପରାମର୍ଶ ଦେଇଥିଲେ। ଏହା ପୂର୍ବରୁ ମଧ୍ୟ ଆମ୍‌ ଆଦମୀ ପାର୍ଟି ସବୁ ଅଭିଯୋଗକୁ ମୂଲ୍ୟହୀନ ଓ ଅମୂଳକ କହି ଖାରଜ କରି ଦେଇ ଥିଲା । ଆଜି ଜାରି କରାଯାଇ ଥିବା ଭିଡ଼ିଓରେ ସତ୍ୟେନ୍ଦ୍ର ଜୈନଙ୍କୁ ତିହାଡ ଜେଲରେ ନିଜର ସେଲ୍‌ରେ ପାଦ ,ପିଠି ଓ ମୁଣ୍ଡର ମାଲିସ କରିବା ଦେଖିବାକୁ ମିଳିଛି ।

ବିଜେପି ନେତା ଶହଜାଦ ଜୟହିନ୍ଦ ଭିଡ଼ିଓ ଟ୍ୱିଟ୍‌ କରି ଲେଖିଛନ୍ତି , ଜେଲ୍‌ରେ ଭିଭିଆଇପି ଟ୍ରିଟମେଣ୍ଟ ! କେଜ୍ରିୱାଲ କଣ ଏମିତି ମନ୍ତ୍ରୀଙ୍କ ରକ୍ଷା କରିପାରନ୍ତି ? ତାଙ୍କୁ କଣ ନିଲମ୍ୱିତ କରିଦେବା ଉଚିତ୍‌ ନୁହେଁ କି ? ଏହା ଆପ୍‌ର ପ୍ରକୃତ ଚେହେରାକୁ ପଦାକୁ ଆଣିଛି ।