PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଏକନାଥ ସିନ୍ଦେ, ଶପଥ ପାଠ କରାଇଲେ ରାଜ୍ୟପାଳ
  • ||
  • ଦେବେନ୍ଦ୍ର ଫଡନବିସ୍ ହେବେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ , ଟ୍ୱିଟ୍‌ କରି ସୂଚନା ଦେଲେ ଜେପି ନଡ୍ଡା
  • ||
  • ପୁଣି ଭୁବନେଶ୍ୱରରେ ମାସ୍କ ପିନ୍ଧିବା ବାଧ୍ୟତାମୂଳକ, କୋଭିଡ୍ ସଂକ୍ରମଣ ବଢ଼ିବାରୁ କଟକଣା ଜାରି । ମଲ୍ , ଦୋକାନ, ସରକାରୀ ଓ ଘରୋଇ ଅଫିସରେ କଟକଣା ପାଳନ ନିର୍ଦ୍ଦେଶ। ସର୍ବସାଧାରଣ ସ୍ଥାନରେ ୨ ମିଟର ସାମାଜିକ ଦୂରତା ନିର୍ଦ୍ଦେଶ
  • ||
  • ଏକନାଥ ସିନ୍ଦେ ହେବେ ମହାରାଷ୍ଟ୍ର ମୁଖ୍ୟମନ୍ତ୍ରୀ , ପ୍ରେସ୍‌ମିଟ୍‌ରେ ଦେବେନ୍ଦ୍ର ଫଡନବିସ୍‌ଙ୍କ ଘୋଷଣା
  • ||
  • ପୁରୀ : ଅଟକିଛି ପେଟା ନାଳର ପୁନରୁଦ୍ଧାର ଓ ସୌନ୍ଦର୍ଯ୍ୟକରଣ କାର୍ଯ୍ୟ, ନାଳ ଭିତରେ ପଶି ପ୍ରତିବାଦ କଲେ ମହମ୍ମଦ ମୋକିମ୍
  • ||
  • ପୁରୀ : ରଥଯାତ୍ରା ପାଇଁ ସ୍ଵାସ୍ଥ୍ୟ ବିଭାଗର ସ୍ଵତନ୍ତ୍ର ବ୍ୟବସ୍ଥା, କୋଭିଡ୍ ପାଇଁ ପ୍ରସ୍ତୁତ ଅଛି ସ୍ଵତନ୍ତ୍ର ବେଡ୍
  • ||
  • ମୋରଡ଼ା : ମୋରଡ଼ାରେ ଥମୁନି ହାତୀ ଉପଦ୍ରବ, ଦନ୍ତା ଆକ୍ରମଣରେ ୨ ମୃତ
  • ||
  • ପୁରୀ : ରଥଖଳାକୁ ବିଜେ ହେଲା ଆଜ୍ଞାମାଳ, ସିଂହଦ୍ଵାର ସମ୍ମୁଖକୁ ଆସିବେ ୩ ରଥ
  • ||
  • ପୁରୀ : ରଥଯାତ୍ରା ପାଇଁ ଟ୍ରାଫିକ୍ ଓ ପାର୍କିଂ ବ୍ୟବସ୍ଥା, ମାଳତିପାଟପୁର ବସଷ୍ଟାଣ୍ଡରେ ରହିବେ ରାଜ୍ୟ ବାହାରୁ ଆସୁଥିବା ଯାତ୍ରୀବାହି ବସ୍
  • ||
  • ଭୁବନେଶ୍ଵର : ବିଏମସିର ଡ୍ରାଇ ଡେ ପାଳନ, ମଶା ବଂଶ ବୃଦ୍ଧିକୁ ନାଶ କରିବାକୁ ରାଜଧାନୀବାସୀଙ୍କୁ ଆହ୍ଵାନ କଲେ ବିଏମସି କମିଶନର
  • ||
  • ଭୁବନେଶ୍ଵର : କଂଗ୍ରେସକୁ ଝଟ୍‌କା, ଦଳର ସମ୍ପାଦକ ପଦରୁ ଇସ୍ତଫା ଦେଲେ ମହମ୍ମଦ ମୋକିମ୍
  • ||

୬ ଦିନ ପରେ ସାବିତ୍ରୀ ବ୍ରତ; ଜମିଲାଣି ଫଳ ବଜାର

ଭୁବନେଶ୍ୱର,୨୭ା୫(ବ୍ୟୁରୋ): ଆଉ ୬ଦିନ ପରେ ସାବିତ୍ରୀ ବ୍ରତ । ଏଥିପାଇଁ ସରଗରମ ହେଲାଣି ବଜାର । ଶାଢ଼ୀ ଦୋକାନରୁ ଆରମ୍ଭ କରି କସ୍‌ମେଟିକ୍‌ ଓ ଫଳ ଦୋକାନ ସବୁଠି ବେପାର ଜୋର ଧରିଲାଣି । ରାଜଧାନୀର ବିଭିନ୍ନ ରାସ୍ତାକଡ଼, ବଜାର ଓ ୧ ନମ୍ବର ହାଟରେ ଫଳ ବ୍ୟବସାୟ ଜମିଲାଣି ।

ସାବିତ୍ରୀ ପାଇଁ ଗତ ୩/୪ ଦିନ ହେବ ସବୁ ଦେକାନରେ ଭିଡ଼ ଜମୁଛି । ଆମ୍ବ ହେଉ କି ସେଓ ଅବା କମଳା ସବୁର ଚାହିଦା ବଢ଼ିଛି । ତେବେ ବାତ୍ୟା ଫୋନି ବେଳେ ପ୍ରାୟ ସବୁ ଗଛରୁ ଆମ୍ବ ଝଡ଼ି ଯାଇଥିବାରୁ ଏଥର ଏହାର ବଜାର ମାନ୍ଦା ରହିଛି । କାଁ ଭାଁ କିଛି ଦୋକାନରେ ଏହା ବିକ୍ରି ହେଉଛି । ହେଲେ ଆମ୍ରପଲ୍ଲୀ, ଦସେରୀ, ବାଇଗଣପଲେଇ, ଚଉଷା, ଲଙ୍ଗେଡୀ ଆଦି ଆମ୍ବ ଯଥେଷ୍ଟ ପରିମାଣର ଉପଲବ୍ଧ ରହିଛି ।

ଏ ସମ୍ପର୍କରେ ଏକ ନମ୍ବର ହାଟର ଫଳ ବେପାରୀ ଶ୍ରୀଧର ବେହେରା କୁହନ୍ତି, ସାବିତ୍ରୀ ଆଉ ଅଳ୍ପ ଦିନ ଥିବାରୁ ବେପାର ବଢ଼ିଛି । ବର୍ତ୍ତମାନ ବଜାରରେ ବାଇଗଣପଲେଇ, ସୁନ୍ଦରୀ, ଆଖୁରସ ଭଳି କିଛି ଆମ୍ବ ମିଳୁଛି । ଲୋକେ ଅଧିକ ବାଇଗଣପଲେଇ ଆମ୍ବକୁ କିଣୁଛନ୍ତି । ଆମ୍ବର ଦାମ୍‌ ୭୦ରୁ ଆରମ୍ଭ ହୋଇ ୧୫୦ ଟଙ୍କା ପର୍ଯ୍ୟନ୍ତ ରହିଛି ।

ସେହିପରି ପଣସ ବେପାର ବି ଆରମ୍ଭ ହୋଇଗଲାଣି । ହେଲେ ପ୍ରାୟ ସବୁ ଫଳ ଦୋକାନରେ ଏହା ମିଳୁନି । ଯେଉଁଠି ମିଳୁଛି ଦାମ୍‌ ଉଚ୍ଚା ରହୁଛି । ପଣସର ଆକାର ହିସାବରେ ବେପାରୀ ଭିନ୍ନ ଭିନ୍ନ ଦାମ୍‌ରେ ଏହାକୁ ବିକ୍ରି କରୁଛନ୍ତି । ଛୋଟ ପଣସର ଦାମ୍‌ ୧୨୦ ଟଙ୍କା ରହିଥିବାବେଳେ ବଡ଼ ପଣସର ଦାମ୍‌ ୩୦୦ରୁ ୪୦୦ ଟଙ୍କା ପର୍ଯ୍ୟନ୍ତ ରହିଛି । ଏ ସମ୍ପର୍କରେ ରାଜେଶ ନାୟକ କୁହନ୍ତି, ସାବିତ୍ରୀକୁ ଆଉ ୬ ଦିନ ରହିଛି । ଏବେଠୁ ପଣସ କିଣିଲେ ସାବିତ୍ରୀକୁ ନଷ୍ଟ ହେବାର ସମ୍ଭାବନା ଥିବାରୁ ଲୋକମାନେ ପ୍ରାୟ ସେତେ କିଣୁନାହାନ୍ତି । ସାବିତ୍ରୀ ବ୍ରତ ୨ ଦିନ ପୂର୍ବରୁ ପଣସ ବେପାର ଭଲ ହେବ । ପାହାଡ଼ ଭଳି ପଣସ ଗଦା ହୋଇଥିଲେ ତାହା ଘଣ୍ଟାଏରେ ସରିଯିବ । ସାବିତ୍ରୀ ଦିନ ବି କିଛି ବେପାର ହେବ ।

ଆମ୍ବ, ପଣସକୁ ଛାଡ଼ିଦେଲେ ଖଜୁରୀ, ଲିଚୁ, ତାଳ ଏହି ବ୍ରତ ପାଇଁ ମୁଖ୍ୟ ଫଳ ଭାବେ ଭଗବାନଙ୍କ ନିକଟରେ ପୂଜା କରାଯାଏ । ଲିଚୁ କୋଳି ଓ ତାଳ ବଜାରର ବିଭିନ୍ନ ସ୍ଥାନରେ ମିଳିଲାଣି । ହେଲେ ଖଜୁରୀ ପ୍ରାୟ ବଜାରକୁ ଆସିନି । ଆଉ ଦୁଇ ଦିନ ଭିତରେ ଖଜୁରୀ କୋଳି ବଜାରକୁ ଆସିବ ବୋଲି ରାଜେଶ କହିଛନ୍ତି । ସେହିପରି ସପୁରୀ ବିକ୍ରି ବି ଜମି ଆସିଲାଣି । ଗୋଟାଏ ସପୁରୀକୁ ୫୦ରୁ ୧୦୦ ଟଙ୍କା ରହିଛି । ଲିଚୁ କିଲୋ ୧୪୦ ଟଙ୍କା, ତାଳ ଗୋଟା ୧୫ ଟଙ୍କା, ନଡ଼ିଆ ଗୋଟା ୩୦ ଟଙ୍କା, କଦଳୀ ଡଜନ ୩୦ରୁ ୬୦ ଟଙ୍କା, ସେଓ ୨୨୦ ଟଙ୍କା, କମଳା ୧୨୦ ଟଙ୍କା, ଅଙ୍ଗୁର ୧୫୦ ଟଙ୍କା, ଜାମୁକୋଳି ୨ଟାକୁ ୫ ଟଙ୍କା, ତରଭୁଜ କେଜି ୧୫ ଟଙ୍କା, ଚେରିକୋଳି ୧୦ ଟଙ୍କା, ଅଁଳା ୫ଟଙ୍କା ଲେଖାଏଁ ବିକ୍ରି ହେଉଛି ।

ସମ୍ବନ୍ଧିତ ଖବର