ପୁରୀ,୦୯/୦୬: ସୁବାସ ବୋଷ ଛକ ନିକଟରେ ଦୁର୍ଘଟଣା ଘଟି ଛାତ୍ରୀ ମୃତ୍ୟୁ ମାମଲାରେ ସୋ’ରୁମ୍ କାରିଗରକୁ ଗିରଫ କରିଛି ଟ୍ରାଫିକ୍ ଥାନା ପୁଲିସ । ଗିରଫ କାରିଗର ଜଣକ ହେଲା ରଣପୁରର ସଞ୍ଜିତ କୁମାର ପ୍ରଧାନ । ସେପଟେ ଦୁର୍ଘଟଣାରେ ପ୍ରାଣ ହରାଇଥିବା ଛାତ୍ରୀ ସର୍ବୋଦୟ ନଗରର ନିହାରିକା ଶତପଥୀ (୧୯)ଙ୍କ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରିଛି ପୁଲିସ । ଆହତ ଶୁଭଲକ୍ଷ୍ମୀ ନାୟକ (୨୦) ଚିକିତ୍ସାଧୀନ ଥିବା ପୁଲିସ କହିଛି ।
ଟ୍ରାଫିକ୍ ଥାନା ଆଇଆଇସି ସଙ୍ଗୀତା ଦାଶ କହିଛନ୍ତି ଯେ, ଭିଆଇପି ରୋଡସ୍ଥିତ ଗାଡ଼ି ସୋ’ରୁମ୍ରେ କାରିଗର ଭାବେ କାମ କରେ ସଞ୍ଜିତ । ବୁଧବାର ଅପରାହ୍ନରେ ଏକ ବାଇକ ନେଇ ସେ ଟେଷ୍ଟ୍ ଡ୍ରାଇଭ୍ରେ ଯାଇଥିଲା । ଏହି ସମୟରେ ୨ ଛାତ୍ରୀ ଟ୍ୟୁସନ୍ ଯାଇଥିଲେ । ଟ୍ୟୁସନ୍ ବନ୍ଦ ଥିବାରୁ ଉଭୟ ନୀଳାଦ୍ରି ବିଚ୍ ବୁଲିବାକୁ ଯାଇଥିଲେ । ବିଚ୍ରୁ ଫେରି ମେଫାୟାର୍ ଗଳି ବାଟ ଦେଇ ସିଟି ରୋଡ଼କୁ ଆସିଥିଲେ । ଏହି ସମୟରେ ସୁବାସ ବୋଷ ଛକ ଆଡୁ ଏକ ବିବାହ ବରଯାତ୍ରୀ ଯାଉଥିଲେ । ବରଯାତ୍ରୀଙ୍କୁ ଅତିକ୍ରମ କରିବାବେଳେ ମେଫାୟାର ଗଳିରୁ ଉଭୟ ସ୍କୁଟର୍ ଯୋଗେ ସିଟି ରୋଡକୁ ଚାଲି ଆସିଥିଲେ । ଫଳରେ ସଞ୍ଜିତ ଚଳାଉଥିବା ବାଇକ ଉଭୟଙ୍କୁ ଧକ୍କା ଦେଇଥିଲା । ଏନେଇ ରୁଜୁ ହୋଇଥିବା ମାମଲାରେ ଗିରଫ ପରେ ସଞ୍ଜିତକୁ ଜାମିନ୍ ମିଳିଥିବା କହିଛନ୍ତି ଆଇଆଇସି ଶ୍ରୀମତି ଦାଶ ।
wp:embed {"url":"https://www.prameya.com/bike-hit-scooty-at-puri/","type":"wp-embed","providerNameSlug":"prameya"}
