ସାଲେପୁର,୧୪/୧୨: ପୁରୁଣା ଚୋରା ମଦ ବେପାରୀଙ୍କ ଘରେ ଚଢାଉ । ଜବତ ହେଲା ୧୫ ଲିଟରରୁ ଉର୍ଦ୍ଧ୍ୱ ଦେଶୀ ମଦ । ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତ ନୃସିଂହ ବେହେରାଙ୍କୁ ଗିରଫ କରାଯାଇଛି । କଟକ ଜିଲ୍ଲାର କିଶନ ନଗର ଥାନା ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କିଶନ ନଗର ଅଞ୍ଚଳରେ ବ୍ୟାପକ ଚୋରା ଦେଶୀ ମଦ କାରବାର ହେଉଥିବାର ବାରମ୍ବାର ଅଭିଯୋଗ ହୋଇ ଆସୁଥିଲା । କିଶନନଗର ଥାନାରେ ନୂତନ ଅଧିକାରିଣୀ ଦୁର୍ଗେସ ନନ୍ଦିନୀ ମହାନ୍ତି ଯୋଗ ଦେବା ପରେ ଚୋରା ଦେଶୀ ମଦ ବେପାରୀଙ୍କୁ ସାବାଡ଼ କରିବା ପାଇଁ ତତ୍ପର ହୋଇ ଉଠିଛନ୍ତି । କିଶନ ନଗର କଲେଜ ନିକଟରେ ପୁରୁଣା ଚୋରା ମଦ ବେପାରୀ ନୃସିଂହ ବେହେରାଙ୍କ ଘରେ ହଠାତ ଚଢାଉ କରିଛନ୍ତି । ଏହି ଚଢାଉରେ ନୃସିଂହ ବେହେରାଙ୍କ ଘରୁ ୧୫ ଲିଟରରୁ ଉର୍ଦ୍ଧ୍ୱ ଚୋରା ଦେଶୀମଦ ଜବତ ହୋଇଛି । ଏହା ସହ ନୃସିଂହ ବେହେରାଙ୍କୁ ଗିରଫ କରାଯାଇଛି ।
