ନୂଆଦିଲ୍ଲୀ,୦୨/୦୧; ବାଂଲାଦେଶରେ ସ୍ଥିତି ଦିନକୁ ଦିନ ଗମ୍ଭୀର ହେଉଛି । ହିନ୍ଦୁଙ୍କ ଉପରେ ଆକ୍ରମଣ ବଢି ବଢି ଚାଲିଛି । ୧୪ ଦିନରେ ୪ ହିନ୍ଦୁଙ୍କୁ ଆକ୍ରମଣ ହୋଇଛି । ୩ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଜୀବନ ମୃତ୍ୟୁ ସହ ଲଢୁଛନ୍ତି । ଏହାରି ଭିତରେ ଆଇପିଏଲ ପାଇଁ ବାଂଲା ପ୍ଲେୟାରଙ୍କୁ କିଣି ବିବାଦରେ କିଙ୍ଗ୍ ଖାନ ।  ଶାହାରୁଖ ଖାନଙ୍କ ଉପରେ ବର୍ଷିଛନ୍ତି ବିଜେପି ନେତା । ହେଲେ କଂଗ୍ରେସ ଶାହରୁଖଙ୍କୁ ସମର୍ଥନ କରିବା ସହିତ ବିଜେକିକୁ ସମାଲୋଚନା କରିଛି ।

ବାଂଲାଦେଶ ବାମହାତୀ ଫାଷ୍ଟ ମିଡିୟମ ବୋଲର ମୁସ୍ତାଫିଜୁର ରେହମାନଙ୍କୁ କିଣିଛି ଶାହରୁଖ ଖାନଙ୍କ କୋଲକାତା ନାଇଟ୍ ରାଇଡର୍ସ । ବାଂଲାରେ ହିନ୍ଦୁଙ୍କ ଉପରେ ହେଉଥିବା ଆକ୍ରମଣକୁ ଭାରତରେ ସ୍ଥିତି ସରଗରମ ଥିବାବେଳେ ପ୍ଲେୟାର କିଣାକୁ ନେଇ କେକେଆର ଟାର୍ଗେଟକୁ ଆସିଛି । ଭାରତୀୟ ଜନତା ପାର୍ଟି ନେତା ତଥା ଉତ୍ତରପ୍ରଦେଶ ପୂର୍ବତନ ସାଂସଦ ସଙ୍ଗୀତ ସୋମ ଶାହରୁଖ ଖାନକୁ ସମୋଲୋଚନା କରିଛନ୍ତି । ସେ କହିଛନ୍ତି, ବାଂଲାଦେଶରେ ହିନ୍ଦୁଙ୍କ ଉପରେ ଅତ୍ୟାଚାର ହେଉଛି । ହତ୍ୟା କରାଯାଉଛି । ହିନ୍ଦୁ ମାଆ-ଭଉଣୀଙ୍କୁ ସହ ଦୁଷ୍କର୍ମ ହେଉଛି । ଘର ଜାଳି ଦିଆଯାଉଛି । ଭାରତ ବିରୋଧୀ ନାରା ଦିଆଯାଉଛି । ଯାହାର ଖବର ଏଠାରେ ପହଞ୍ଚି ପାରୁନାହିଁ । ଶାହରୁଖ ଖାନଙ୍କ ପରି ଦେଶଦ୍ରୋହୀ ମୁଁ ତାଙ୍କୁ ଦେଶଦ୍ରୋହୀ ଏଥିପାଇଁ କହୁଛି ତାଙ୍କ ପାଖରେ ଆଜି ଯାହା କିଛି ବି ଅଛି ସବୁ ଭାରତ ପାଇଁ । ଭାରତର ଜନତା ତାଙ୍କୁ ଦେଇଛନ୍ତି । ହେଲେ ସେ ଭାରତ ବିରୋଧରେ କାମ କରୁଥିବାଙ୍କ ଲୋକଙ୍କ ପାଇଁ ଟଙ୍କା ଲଗାଉଛନ୍ତି ।
ରେହମାନଙ୍କ ପରି ଖୋଳାଳିଙ୍କ ପଛରେ ପଇସା ଲଗାଉଛନ୍ତି । ମୁଁ ଶାହରୁଖ ଖାନଙ୍କୁ କହିବାକୁ ଚାହୁଁଛି କି ସେ  କେବେବି ସଫଳ ହେବେ ନାହିଁ । ରେହମାନ ଖେଳିପାରିବେ ନାହିଁ । ଏୟାରପୋର୍ଟ ଟପି ବାହାରକୁ ଆସିପାରିବେ ନାହିଁ ମୁସ୍ତାଫିଜୁର ରେହମାନ । ଶାହରୁଖ ଖାନ ଭାରତୀୟଙ୍କ ଭାବନାକୁ ସମ୍ମାନ ଦେବା ଉଚିତ୍ । ''

ଆଇପିଏଲ୍ ୨୦୨୬ ପାଇଁ ବାଂଲାଦେଶର ଦ୍ରୁତ ବୋଲର ମୁସ୍ତାଫିଜୁର ରହମାନ ଖେଳିବେ ନା ନାହିଁ । ଏହା ଉପରେ ବିସିସିଆଇ ଏବେ ଯାଏ କିଛି ନିଷ୍ପତ୍ତି ନେଇନାହିଁ । କିନ୍ତୁ ନିଲାମୀରେ ତାଙ୍କୁ କୋଲକାତା ନାଇଟ୍ ରାଇଡର୍ସ ୯.୨୦ କୋଟି ଟଙ୍କାରେ କିଣିଛି । ଯାହାକୁ ନେଇ କେକେଆର ସହମାଲିକ ତଥା ବଲିଉଡ଼ ସୁପଷ୍ଟାର କିଙ୍ଗ୍ ଶାହରୁଖ ଖାନଙ୍କୁ ସମାଲୋଚନା କରିଛନ୍ତି ବିଜେପି ନେତା ସଙ୍ଗୀତ ସୋମ ।

କଂଗ୍ରେସର ସମର୍ଥନ- ଶାହରୁଖ ଖାନଙ୍କୁ ବିଜେପି ନେତା ଦେଶଦ୍ରୋହୀ କହିବାକୁ ଗ୍ରହଣ କରିନାହିଁ କଂଗ୍ରେସ । ଶାହରୁଖଙ୍କୁ ସମର୍ଥନ କରିଛନ୍ତି କଂଗ୍ରେସ ସାସଂଦ ମାଣିକାମ ଟାଗୋର । ଦେଶଦ୍ରୋହୀ ଟିପ୍ପଣୀକୁ ନିନ୍ଦା କରିଛନ୍ତି । ସୁପରଷ୍ଟାର ଶାହରୁଖ ଖାନଙ୍କ ନେଇ ଏପରି ମନ୍ତବ୍ୟକୁ ଭାରତର ବହୁଳବାଦ ଉପରେ ଆକ୍ରମଣ ବୋଲି କହିଛନ୍ତି । ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ସମାଜକୁ ବିଷାକ୍ତ କରିବା ବନ୍ଦ କରିବା ଉଚିତ୍ । ଘୃଣା ଜାତିୟତାବାଦକୁ ପରିଭାଷିତ କରିପାରିବ ନାହିଁ  ବୋଲି କହିଛନ୍ତି ।