PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୀଳଗିରି ସହରରେ ଆତଙ୍କ ଖେଳାଉଛି କୁଳଡିହା ଦନ୍ତା
  • ||
  • ହକି ବିଶ୍ୱକପ୍‌ ଫାଇନାଲରେ ଜର୍ମାନୀ , ଅଷ୍ଟ୍ରେଲିଆକୁ ୪-୩ ଗୋଲରେ ହରାଇଲା ଜର୍ମାନୀ
  • ||
  • ଦିନ ଦ୍ୱିପ୍ରହରରେ ଘରେ କଳାକନା ବୁଲାଇଲା ଚୋର : ଲୁଟି ନେଲା ୨ ଲକ୍ଷ ଟଙ୍କା ମୂଲ୍ୟର ସୁନାଗହଣା, ନଗଦ ୧ଲକ୍ଷ ୧୦ ହଜାର ଟଙ୍କା
  • ||
  • ଗୋଟିଏ ରିପୋର୍ଟରେ ଦୋହଲି ଗଲା ଆଦାନୀଙ୍କ ସାମ୍ରାଜ୍ୟ , କୋଟିପତିଙ୍କ ତାଲିକାରୁ ଖସି ରହିଲେ ୭ମ ନମ୍ୱରରେ
  • ||

ଫେଲ୍‌ ମାରିଲା ‘ପଠାନ୍’ ବୟକଟ୍‌ ଟ୍ରେଣ୍ଡ, ବିକ୍ରି ସରିଲାଣି ୨୦ କୋଟି ଟଙ୍କାର ଟିକେଟ୍: ଦକ୍ଷିଣ ଭାରତରେ ସର୍ବାଧିକ ବୁକ୍

  • ଫେଲ୍ ମାରିଲା ବୟକଟ୍‌ ଟ୍ରେଣ୍ଡ
  • ଦକ୍ଷିଣ ଭାରତରେ ଅଧିକ କ୍ରେଜ୍
  • ବ୍ରହ୍ମାସ୍ତ୍ରକୁ ଟପିଲା ପଠାନ୍

ନୂଆଦିଲ୍ଲୀ ୨୩/ ୦୧: ରିଲିଜ୍‌ ପୂର୍ବରୁ ଫିଲ୍ମ ‘ପଠାନ୍‌’ର କ୍ରେଜ୍‌ ଆକାଶଛୁଆଁ ହୋଇଛି । ଦୀର୍ଘ ୪ ବର୍ଷ ପରେ କମ୍‌ବ୍ୟାକ୍‌ କରିଥିବା ବଲିଉଡ ବାଦଶାହ ଶାହାରୁଖ ଖାନଙ୍କ ପାଇଁ ବ୍ଲକ୍‌ବଷ୍ଟର ହେବାକୁ ଯାଉଛି । କାରଣ ଫିଲ୍ମ ରିଲିଜ୍‌ ପୂର୍ବରୁ ହିଁ ଆଗୁଆ ଟିକେଟ୍‌ ବିକ୍ରି ରେକର୍ଡ କରିଛି । କେବଳ ହିନ୍ଦି ନୁହେଁ ଦକ୍ଷିଣ ଭାରତରେ ମଧ୍ୟ ବିପୁଳ ପରିମାଣର ଟିକେଟ୍‌ ଆଡଭାନ୍ସ ଆକାରରେ ବିକ୍ରି ହୋଇସାରିଛି । ଟିଜର୍‌କୁ ନେଇ ବିବାଦରେ ଥିଲେ ସୁଦ୍ଧା ଫିଲ୍ମ ଉପରେ କୌଣସି ପ୍ରଭାବ ପଡୁନଥିବା ଦେଖିବାକୁ ମିଳୁଛି । ଶାହାରୁଖ ଖାନଙ୍କ ଫିଲ୍ମ ପଠାନ୍‌ ରିଲିଜ୍‌ ପୂର୍ବରୁ ଅନଲାଇନ୍‌ ଜରିଆରେ ୨୦ କୋଟି ଟଙ୍କାର ଟିକେଟ୍‌ ଆଡଭାନ୍ସ ବୁକିଂ ସରିଲାଣି ।

ଆଗୁଆ ଟିକେଟ୍‌ ବୁକିଂରୁ ଜଣାପଡୁଛି ଯେ, ପଠାନ୍‌କୁ ଦର୍ଶକ କେତେ ଉତ୍ସାହର ସହ ଅପେକ୍ଷା କରି ରହିଛନ୍ତି । ସବୁଠାରୁ ବଡ କଥା ହେଉଛି ବିନା ପ୍ରମୋଟ୍‌ରେ ଚଳଚିତ୍ର ପାଇଁ ୨୦ କୋଟି ଟଙ୍କାର ଟିକେଟ୍‌ ଆଗୁଆ କିଣି ସାରିଲେଣି ଦର୍ଶକ । ପୂର୍ବରୁ ରଣବୀର କପୁରଙ୍କ ବ୍ରହ୍ମାସ୍ତ୍ର ଫିଲ୍ମ ଆଗୁଆ ଟିକେଟ୍‌ ବିକ୍ରି ୧୯.୬୬ କୋଟି ଟଙ୍କା ହୋଇଥିଲା ।

ପଢନ୍ତୁ ଏହି ଖବର: ‘ଏଥର ମୁଁ ନିର୍ବାଚନ ଲଢିବି, ଦଳକୁ ଅନୁରୋଧ କରିଛି’: ଜାତୀୟ ଗଣମାଧ୍ୟମକୁ ଧର୍ମେନ୍ଦ୍ର ପ୍ରଧାନଙ୍କ ସାକ୍ଷାତ ପରେ ରାଜ୍ୟ ରାଜନୀତି ସରଗରମ

ପଠାନ୍‌ ଟିକେଟ୍‌ ବିକ୍ରି ନେଇ ଅନଲାଇନ୍‌ ବିକ୍ରି ଆପ୍ BookMyShow ମୁଖ୍ୟ ଆଶୀଷ ସାକ୍ସେନା କହିଛନ୍ତି ଯେ, ‘ଅନ୍‌ଲାଇନ୍‌ରେ ବିପୁଳ ସଂଖ୍ୟାରେ ଟିକେଟ୍‌ ବିକ୍ରି ସରିଲାଣି । ବର୍ତ୍ତମାନ ସୁଦ୍ଧା ୧୦ ଲକ୍ଷରୁ ଅଧିକ ଟିକେଟ୍‌ ବିକ୍ରି ସରିଲାଣି । ଦେଶବ୍ୟାପୀ ୩୫ ହଜାର ସିନେମା ହଲ୍‌ରେ ଫିଲ୍ମ ସ୍କ୍ରିନ୍‌ ହେବାକୁ ଯାଉଛି । ଏପରିକି ସକାଳୁ ମଧ୍ୟ କିଛି ସିନେମା ହଲ୍‌ରେ ଫିଲ୍ମ ଚଲାଇବାକୁ ଯୋଜନା ଚାଲିଛି’।

BookMyShow ମୁଖ୍ୟ ଆଶୀଷ ସାକ୍ସେନା କହିଛନ୍ତି, ଦକ୍ଷିଣ ଭାରତରେ ପଠାନ୍‌ ଟିକେଟ୍‌ ବିକ୍ରି ଅଧିକ ରହିଛି । ୩୦ ପ୍ରତିଶତରୁ ଅଧିକ ଅଗ୍ରୀମ ଟିକେଟ୍ କେବଳ ଦକ୍ଷିଣ ଭାରତରେ ବିକ୍ରି ହୋଇଛି । ଯାହାକି ଏକ ବଡ ଉପଲବ୍ଧି । ଏଥିରୁ ଜଣାପଡୁଛି ଯେ, କେବଳ ହିନ୍ଦି ନୁହେଁ ଅନ୍ୟ ଭାଷାରେ ମଧ୍ୟ ଦର୍ଶକ ବେଶ ପସନ୍ଦ କରିବେ ।

ସମ୍ବନ୍ଧିତ ଖବର