ନୂଆଦିଲ୍ଲୀ: ଘରୋଇ ସେୟାର ବଜାରରେ ଆଜି ଏକ ଭୟଙ୍କର ସୁନାମି ଦେଖିବାକୁ ମିଳିଛି। ରବିବାର ଦିନ, BSE ସେନସେକ୍ସରେ ୧୫୪୬.୮୪ ପଏଣ୍ଟ (୧.୮୮%) ହ୍ରାସ ଘଟି ୮୦୭୨୨.୯୪ ପଏଣ୍ଟରେ ବନ୍ଦ ହୋଇଛି । ସେହିଭଳି NSE ନିଫ୍ଟି ୫୦ ଇଣ୍ଡେକ୍ସରେ ୪୯୫.୨୦ (୧.୯୬%) ହ୍ରାସ ଘଟି ୨୪୮୨୫.୪୫ ପଏଣ୍ଟରେ ବନ୍ଦ ହୋଇଥିଲା । ତେବେ ବଜେଟ୍ ଦିନ ସବୁଜ ରଙ୍ଗରେ ଖୋଲିଥିବା ବଜାର ବଜେଟ୍ ଭାଷଣ ଆରମ୍ଭ ହେବା ପରେ କିଛି ସମୟ ପାଇଁ ତୀବ୍ର ବୃଦ୍ଧି ପାଇଥିଲା, କିନ୍ତୁ ଯେତେବେଳେ ଏହା ହ୍ରାସ ପାଇବା ଆରମ୍ଭ କଲା, ଏହା ନିବେଶକ ମାନଙ୍କୁ ରକ୍ତ ଲୁହ କାନ୍ଦିବାକୁ ବାଧ୍ୟ କରିଥିଲା। ଏବେ ଆସନ୍ତୁ ଜାଣିବା ବଜାର କ୍ରାସର ଦୁଇଟି ମୁଖ୍ୟ କାରଣ, ଯାହା ବିଶେଷଜ୍ଞ ମାନେ କହିଛନ୍ତି ।
ପ୍ରଥମ କାରଣ…
ବଜାର ବିଶେଷଜ୍ଞ କୁନାଲ ସରୱାଗି କହିଛନ୍ତି ଯେ, ଅର୍ଥମନ୍ତ୍ରୀ ନିର୍ମଳା ସୀତାରମଣ ଫ୍ୟୁଚର୍ସ ଏବଂ ଅପ୍ସନ୍ ଟ୍ରେଡିଂ ଉପରେ ଲାଗୁ ହୋଇଥିବା STT (ସିକ୍ୟୁରିଟିଜ୍ ଟ୍ରାଞ୍ଜାକ୍ସନ୍ ଟ୍ୟାକ୍ସ) ବୃଦ୍ଧି ଘୋଷଣା କରିବା ପରେ ବଜାର ବିକ୍ରୟ ଆରମ୍ଭ ହୋଇଥିଲା ଏବଂ ଦ୍ରୁତ ଗତିରେ ଏହା ଗଭୀର ଆଡକୁ ଗତି କରିଥିଲା । ୨୦୨୬-୨୭ ଆର୍ଥିକ ବର୍ଷ ପାଇଁ ଉପସ୍ଥାପିତ ବଜେଟରେ, ଅର୍ଥମନ୍ତ୍ରୀ ଫ୍ୟୁଚର୍ସ ଉପରେ STT ୦.୦୨% ରୁ ୦.୦୫% ଏବଂ ଅପସନ୍ ପ୍ରିମିୟମ୍ ଉପରେ ୦.୧୦% ରୁ ୦.୧୫% କୁ ବୃଦ୍ଧି କରିବାକୁ ଘୋଷଣା କରିଥିଲେ। ଷ୍ଟକ୍ ବଜାର ନିବେଶକ ମାନେ ଏହି ଘୋଷଣାରେ ଖୁସି ନଥିଲେ ଏବଂ ପ୍ରବଳ ବିକ୍ରି କରିବା ଆରମ୍ଭ କରିଥିଲେ।
ଦ୍ବିତୀୟ କାରଣ…
ବଜାର ବିଶେଷଜ୍ଞ କୁନାଲ ସରଓ୍ବାଗି ବଜାର କ୍ରାସର ଦ୍ୱିତୀୟ ପ୍ରମୁଖ କାରଣ LTCG ଟିକସ ଉପରେ କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନହେବା ବୋଲି ଦର୍ଶାଇଛନ୍ତି। ନିବେଶକ ମାନେ LTCG (ଦୀର୍ଘକାଳୀନ ପୁଞ୍ଜି ଲାଭ) ଟିକସ ଉପରେ ସରକାର ରିହାତି ପ୍ରଦାନ କରିବାକୁ ଦାବି କରିଥିଲେ। ତଥାପି, ସରକାର LTCG ଟିକସ ଉପରେ ନିବେଶକ ମାନଙ୍କୁ କୌଣସି ରିହାତି ପ୍ରଦାନ କରି ନଥିଲେ। ତେଣୁ, ନିବେଶକ ମାନେ ସେୟାର ବଜାରରେ ସେମାନଙ୍କର ସେୟାର ବିକ୍ରି କରି ଟଙ୍କା ଉଠାଇବା ଆରମ୍ଭ କରିଥିଲେ।
ସରକାର ବର୍ତ୍ତମାନ କେତେ LTCG ଟିକସ ଆଦାୟ କରୁଛନ୍ତି ?
ଏହା ଉଲ୍ଲେଖନୀୟ ଯେ ତାଲିକାଭୁକ୍ତ ଇକ୍ୱିଟି ସେୟାର ଏବଂ ଇକ୍ୱିଟି ମ୍ୟୁଚୁଆଲ୍ ଫଣ୍ଡଗୁଡ଼ିକ ୧୨ ମାସରୁ ଅଧିକ ଅବଧି ସହିତ LTCG ଟିକସ ଅଧୀନରେ ଅଛନ୍ତି। ତଥାପି, ସୁନା ETF ଏବଂ ଅଣତାଲିକାଭୁକ୍ତ ସେୟାରଗୁଡ଼ିକ ୨୪ ମାସରୁ ଅଧିକ ହୋଲ୍ଡିଂ ଅବଧି ସହିତ LTCG ଟିକସ ଅଧୀନରେ ଅଛନ୍ତି। ଏହା ଉଲ୍ଲେଖନୀୟ ଯେ ସରକାର ବର୍ତ୍ତମାନ ଇକ୍ୱିଟି ସେୟାର, ମ୍ୟୁଚୁଆଲ୍ ଫଣ୍ଡ ଏବଂ ETF ଉପରେ ୧୨.୫ ପ୍ରତିଶତର ଏକ ମୋଟା LTCG ଟିକସ ଆଦାୟ କରୁଛନ୍ତି, ଯାହାରୁ ନିବେଶକ ମାନେ ମୁକ୍ତି ଦାବି କରୁଥିଲେ।
ଏହା ସହ ପଢନ୍ତୁ : ଯୋଗୀ ସରକାରଙ୍କ ବଡ କାର୍ଯାନୁଷ୍ଠାନ,ଏହି କାରଣ ପାଇଁ ରାଜ୍ୟର ୬୮ ହଜାର ସରକାରୀ କର୍ମଚାରୀଙ୍କ ଦରମା ବନ୍ଦ…
