ନୂଆଦିଲ୍ଲୀ,୧୪।୩:ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଓ ଦିଲ୍ଲୀର କଂଗ୍ରେସ ନେତା ଶିଲା ଦୀକ୍ଷିତ ଲୋକସଭା ନିର୍ବାଚନ ପୂର୍ବରୁ ବଡଧରଣର ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ଆତଙ୍କବାଦ ବିରୋଧରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କର ଆଭିମୁଖ୍ୟ ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭଳି ଏତେ କଡା ନଥିଲା। ଦିଲ୍ଲୀ କଂଗ୍ରେସ ମୁଖ୍ୟ ଶିଲା ଦୀକ୍ଷିତ ଆଜି ଏହା ସ୍ବୀକାର କରିଛନ୍ତି ଯେ, ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣ ପରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ପ୍ରତିକ୍ରିୟା ପୁଲଓ୍ବାମ ଆତଙ୍କବାଦୀ ଆକ୍ରମଣ ପରେ ମୋଦିଙ୍କ ଭଳି ମଜବୁତ ଓ ଦୃଢ ନଥିଲା।
wp:html/wp:htmlI have seen some media is twisting my comments made in an interview. Here is what I said - it may seem to some people that Mr Modi is stronger on terror but I think this is a poll gimmick more than anything else..
— Sheila Dikshit (@SheilaDikshit) March 14, 2019
ଏହାପରେ ଶିଲା ଟ୍ବିଟ୍ କରିଛନ୍ତି ଯେ, ସାକ୍ଷାତକାର ସମୟରେ ମୋର ମନ୍ତବ୍ୟକୁ କିଛି ଗଣମାଧ୍ୟମ ଭିନ୍ନ ଭାବରେ ଉପସ୍ଥାପନା କରିବାକୁ ଚେଷ୍ଟା କରୁଛନ୍ତି। କିଛି ଲୋକଙ୍କୁ ଲାଗିପାରେ ଆତଙ୍କବାଦ ବିରୋଧରେ ମୋଦିଙ୍କ ଆଭିମୁଖ୍ୟ କଡା, କିନ୍ତୁ ମୋତେ ଲାଗେ ସେ ରାଜନୈତିକ ଲାଭ ଉଠାଇବା ପାଇଁ ସେ ଏଭଳି କରନ୍ତି। ଏହି ବୟାନକୁ ନେଇ ଶିଲା ଦୀକ୍ଷିତ କହିଛନ୍ତି ଯଦି ମୋର କଥାକୁ ଭିନ୍ନ ଭାବରେ ଉପସ୍ଥାପନ କରାଯାଉଛି, ତେବେ ଏଥିରେ ମୋର କିଛି କହିବାର ନାହିଁ।
wp:html/wp:htmlSheila Dikshit's admission: Manmohan Singh's response to terror not as strong as Narendra Modi's
— ANI Digital (@ani_digital) March 14, 2019
Read @ANI story | https://t.co/AGl0gV988T pic.twitter.com/64ZFYUJdWX
ଉଲ୍ଳେଖନୀୟ ଯେ ଶିଲା ଦୀକ୍ଷିତ ଏକ ସାକ୍ଷତକାର ସମୟରେ କହିଥିଲେ, ଦେଖନ୍ତୁ ମୁଁ ଏଥିରେ ସହମତ ଯେ ମନମୋହନ ସିଂହ ସେତେ ଶକ୍ତ ନଥିଲେ, ଏବେ ଯେଉଁଭଳି ମୋଦି ଅଛନ୍ତି। କିନ୍ତୁ ମୋତେ ଳାଗୁଛି ସେ ଏସବୁ ରାଜନୀତି ପାଇଁ କରୁଛନ୍ତି। ଶିଲା ଏହି ବୟାନ ବାୟୁସେନା ପକ୍ଷରୁ ହୋଇଥିବା ଏୟାର ଷ୍ଟ୍ରାଇକକୁ ନେଇ ଦେଇଛନ୍ତି। ଉଲ୍ଳେଖନୀୟ ଯେ, ପୁଲଓ୍ବାମା ଆତଙ୍କବାଦୀ ଆକ୍ରମଣ ପରେ ଗତ ୨୬ ଫେବୃଆରୀରେ ବାଲକୋଟ ସ୍ଥିତ ଜୈଶ-ଇ-ମହମ୍ମଦର ଆତଙ୍କୀ ଶିବିରରେ ବାୟସେନା ପକ୍ଷରୁ ହୋଇଥିବା ଏୟାର ଷ୍ଟ୍ରାଇକରେ ୩୦୦ ରୁ ଅଧିକ ଆତଙ୍କବାଦୀ ନିହତ ହୋଇଥିବାର କୁହାଯାଉଛି।