ନୂଆଦିଲ୍ଲୀ : ଅନେକ ସମସ୍ୟାରୁ ମୁକ୍ତି ପାଇଁ ଯୋଗ ଖୁବ୍‌ ଫଳପ୍ରଦ ସାବ୍ୟସ୍ତ ହୋଇଥାଏ। ରିପୋର୍ଟ ଅନୁସାରେ, ନିୟମିତ ଭାବେ ଯୋଗ କରିବାରେ ପାନକ୍ରିୟାଜ୍‌ ଓ ଇନସୁଲିନ୍‌ରେ ସୁଧାର ହୋଇଥାଏ। ଏହାସହ ଯୋଗ ଚିନ୍ତାକୁ ହ୍ରାସ କରିଥାଏ ଏବଂ ଶରୀରରେ ନମନୀୟତା ବଢାଇଥାଏ। ଏଠାରେ କିଛି ଯୋଗାସନ ଅଛି , ଯାହା ଡାଇବେଟିସ ସ୍ତରକୁ କଣ୍ଟ୍ରୋଲ କରିବାରେ ଆପଣଙ୍କର ସାହାଯ୍ୟ କରିପାରେ।

ବକ୍ରାସନ – ନିୟମିତ ଭାବେ ବକ୍ରାସନ କରିବା ଦ୍ୱାରା ଏବ୍ସ ମଜବୁତ ଓ ଟୋନ୍ ହୋଇଥାଏ । ଶରୀରକୁ ଫେକ୍ସିବିଲିଟ୍‌ କରିବାରେ ଏହି ଆସନକୁ ପ୍ରତିଦିନ କରି ପାରିବେ। ଏହାକୁ କରିବାକୁ ଦଣ୍ଡାସନରେ ବସି ଯାନ୍ତୁ । ଡାହାଣ ଗୋଡ଼କୁ ମୋଡି ବାମ ଜଙ୍ଘ ପାଖରେ ଆଣ୍ଠୁ ସହ ଲଗାଇ ରଖନ୍ତୁ। ବାମ ଗୋଡ଼ ସିଧା ରହିବ। ବାମ ହାତକୁ ଡାହାଣ ଗୋଡ଼ ଓ ପେଟ ମଧ୍ୟକୁ ଆଣି ଡାହାଣ ପାଦର ପଞ୍ଝା ପାଖରେ ଲଗାନ୍ତୁ। ଡାହାଣ ହାତକୁ ଅଣ୍ଟା ପଛରେ ଭୂମି ଉପରେ ସିଧା ରଖନ୍ତୁ। ବେକକୁ ଡାହାଣ ପଟକୁ ମୋଡି ଦେଖନ୍ତୁ , ବାମଗୋଡ଼ , ଅଣ୍ଟା ,ଡାହାଣ ହାତ ସିଧା ରହିବ। ଏହାକୁ ୪-୬ ଥର ମଧ୍ୟ କରି ପାରିବେ। ଏହିପରି ଏହି ଆସନକୁ କରିବା ପରେ ଏହାକୁ ଅନ୍ୟ ପଟରେ ବି କରି ପାରିବେ।

{"id":579371,"width":677,"height":383,"sizeSlug":"full","linkDestination":"none"}

ହଳାସନ – ଏହି ଆସନ ପାଚନ ତନ୍ତ୍ରର ଅଙ୍ଗର ମସାଜ କରିଥାଏ ଏବଂ ପାଚନ ସୁଧାରିବାରେ ସାହାଯ୍ୟ କରିଥାଏ । ଏହାକୁ କରିବାରେ ମେଟାବଲିଜିମ୍‌ ବଢିଥାଏ । ଏହାକୁ କରିବା ପାଇଁ ସର୍ବାଙ୍ଗାସନରେ ରୁହନ୍ତୁ ଏବଂ ଯେବେ ଆପଣଙ୍କର ପୂରା ଭାର କାନ୍ଧ ଓ ମୁଣ୍ଡ ଉପରକୁ ଆସିଯାଏ ତ ଧିରେ ଧିରେ ପାଦକୁ ମୁଣ୍ଡର ପଛରେ ଲଗାନ୍ତୁ । ଏମିତି କରିବାରେ ଆପଣଙ୍କର ପଞ୍ଝା ଭୂମିକୁ ଛୁଇଁବ। ଏହି ଆସନକୁ ହୋଲ୍ଡ କରନ୍ତୁ ଏବଂ ପୁଣି ନର୍ମାଲ ପୋଜିସନକୁ ଆସନ୍ତୁ ।

ସର୍ବାଙ୍ଗାସନ – ଏହି ଆସନକୁ କରିବାରେ ବ୍ଲଡ ସର୍କୁଲେସନ ନିୟନ୍ତ୍ରିତ ରହିଥାଏ। ଏହା କୋଷ୍ଠକାଠିନ୍ୟକୁ ସୁଧାରି ଥାଏ ଏବଂ କେଶ ଝଡ଼ିବା ହ୍ରାସ କରିବା ସହ ମେଦ ବୃଦ୍ଧିକୁ ଦୂର କରିଥାଏ। ଏହି ଆସନକୁ କରିବାର ବିଧି ହେଲା- ପିଠି ତଳକୁ କରି ସିଧା ଶୋଇ ଯାଆନ୍ତୁ। ଗୋଡ଼ ଯୋଡ଼ି ହୋଇଥିବ , ହାତକୁ  ଉଭୟ ପାର୍ଶ୍ୱରେ ଶରୀର ସହ ଲଗାଇ ପାପୁଲିକୁ ଭୂମି ଆଡ଼କୁ କରି ରଖନ୍ତୁ । ନିଶ୍ୱାସ ଭିତରକୁ ନେଇ ଗୋଡ଼କୁ ଧିରେ ଧରିେ ୩୦ ଡିଗ୍ରୀ , ଏହାପରେ ୬୦ ଡିଗ୍ରୀ ଓ ଶେଷରେ ୯୦ ଡିଗ୍ରୀ ପର୍ଯ୍ୟନ୍ତ ଉଠାନ୍ତୁ। ଗୋଡ଼କୁ ଉଠାଇବା ସମୟରେ  ହାତର ସହାୟତା ନେଇ ପାରିବେ । ୯୦ ଡିଗ୍ରୀରେ ଯଦି ସିଧା ନହୁଏ , ତେବେ ୧୨୦ ଡିଗ୍ରୀରେ ଗୋଡ଼କୁ ନେଇ ଏବଂ ହାତକୁ ଉଠାଇ ଅଣ୍ଟା ପଛରେ ଲଗାନ୍ତୁ । କହୁଣୀ ଭୂମି ଉପରେ ରହିବ। ଗୋଡ଼କୁ ଯୋଡ଼ି ସିଧା ରଖନ୍ତୁ । ପାଦ ଉପର ଆଡ଼କୁ ଟାଣି ହୋଇ ରହିବ , ଚକ୍ଷୁ ବନ୍ଦ ରହିବ  ବା ପାଦର ବୃଦ୍ଧାଙ୍ଗୁଠି ଉପରେ ଦୃଷ୍ଟି ରହିବ। ୨ ମିନିଟ୍‌ରୁ ଆରମ୍ଭ କରି ଧିରେ ଧିରେ ଏହି ଆସନ ଅଧଘଣ୍ଟା ପର୍ଯ୍ୟନ୍ତ କରିପାରିବେ ।