ବିବାହର କିଛି ଘଣ୍ଟାପରେ ଚାଲିଗଲା ଗାୟକଙ୍କ ଜୀବନ, ଶୋଇଥିଲେ ଆଉ ଉଠିଲେନି
ନୂଆଦିଲ୍ଲୀ ୩୦/୧୧: ଲୋକପ୍ରିୟ ଗାୟକ ଜେକ୍ ଫ୍ଲିଣ୍ଟ ତାଙ୍କ ସାଥୀଙ୍କ ସହ ସୁଖମୟ ଜୀବନ ପାଇଁ ସୁନ୍ଦର ସ୍ୱପ୍ନ ଦେଖିଥିଲେ । କିନ୍ତୁ ତାଙ୍କର ଏହି ସ୍ୱପ୍ନ ସତ ହେବା ପୂର୍ବରୁ ସବୁକିଛି ସରିଗଲା। ବିବାହର କିଛି ଘଣ୍ଟା ପରେ ଜେକ ଫ୍ଲିଣ୍ଟଙ୍କର ମୃତ୍ୟୁ ହୋଇଛନ୍ତି। ଗାୟକଙ୍କ ହଠାତ୍ ମୃତ୍ୟୁ ସମସ୍ତଙ୍କୁ ଚକିତ କରିଛି।ତାଙ୍କ ପରିବାର ଉପରେ ଦୁଃଖର ପାହାଡ ଭାଙ୍ଗିପଡିଛି। ଜେକ୍ ଫ୍ଲିଣ୍ଟର ପବ୍ଲିସିଟି କ୍ଲିଫ୍ ଡୋଏଲ୍ ଗାୟକଙ୍କ ମୃତ୍ୟୁକୁ ନିଶ୍ଚିତ କରି ସମବେଦନା ଜଣାଇଛନ୍ତି। ଫ୍ୟାନ୍ସ ସୋସିଆଲ ମିଡିଆରେ ଜେକ ଫ୍ଲିଣ୍ଟଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି।
ଏଥି ସହିତ, ଜେକ ଫ୍ଲିଣ୍ଟଙ୍କ ପତ୍ନୀ ବ୍ରେଣ୍ଡା ଫେସବୁକରେ ଏକ ପୋଷ୍ଟ କରିଛନ୍ତି, ଯେଉଁଥିରେ ସେ ତାଙ୍କ ଦୁଃଖ ସେୟାର କରିଛନ୍ତି। ବ୍ରେଣ୍ଡା ଲେଖିଛନ୍ତି, ‘ବର୍ତ୍ତମାନ ଆମେ ବିବାହର ଫଟୋ ଦେଖିଥାନ୍ତୁ, କିନ୍ତୁ ଏବେ ମୋତେ ସେହି ପୋଷାକ ବାଛିବାକୁ ପଡିବ ଯେଉଁଥିରେ ମୋ ସ୍ୱାମୀଙ୍କୁ କବର ଦିଆଯିବ। ଏତେ କଷ୍ଟ ମିଳିବା ଉଚିତ୍ ନୁହେଁ। ମୋର ହୃଦୟ ଚାଲିଯାଇଛି। ମୁଁ ଚାହୁଁଛି ସେ ଫେରି ଆସନ୍ତୁ। ମୁଁ ଆଉ ସହି ପାରିବି ନାହିଁ। ମୋତେ ତାଙ୍କର ଆବଶ୍ୟକତା ରହିଛି।’
କେହି ବିଶ୍ୱାସ କରିପାରୁନାହାଁନ୍ତି କିଛି ଘଣ୍ଟା ପୂର୍ବରୁ ବିବାହ କରିଥିବା ଜେକ ଫ୍ଲିଣ୍ଟ ଆଉ ନାହାଁନ୍ତି। ଜେକ ଫ୍ଲିଣ୍ଟଙ୍କ ମୃତ୍ୟୁର ପ୍ରକୃତ କାରଣ ଜଣା ପଡିନାହିଁ। କିନ୍ତୁ କୁହାଯାଉଛି ଯେ ସେ ତାଙ୍କ ନିଦ୍ରାରେ ମୃତ୍ୟୁ ବରଣ କରିଛନ୍ତି। ଜେକ ଶନିବାର (ନଭେମ୍ବର ୨୬) ରେ ବ୍ରେଣ୍ଡାଙ୍କୁ ବିବାହ କରିଥିଲେ ଏବଂ କିଛି ଘଣ୍ଟା ପରେ ତାଙ୍କର ମୃତ୍ୟୁ ହୋଇଛି। ତାଙ୍କୁ ମାତ୍ର ୩୭ ବର୍ଷ ହୋଇଥିଲା।
