ନୂଆଦିଲ୍ଲୀ: ଉତ୍ତରପ୍ରଦେଶର ମିର୍ଜାପୁର-ରେୱା ଜାତୀୟ ରାଜପଥରେ ବର୍ତମାନ ସମୟରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି, ଯେଉଁଥିରେ ୬ ରୁ ଅଧିକ ଲୋକ ଜୀବନ୍ତ ଦଗ୍ଧ ହୋଇ ମୃତ୍ୟୁବରଣ କରିଥିବା ଜଣାପଡ଼ିଛି। ଡ୍ରମଡଗଞ୍ଜ ଥାନା ଅଞ୍ଚଳର ବଡକା ମୋଡ ଘୁମାନ ନିକଟରେ ଏହି ଦୁର୍ଘଟଣା ଘଟିଛି। ରିପୋର୍ଟ ଅନୁଯାୟୀ, ଏକ ବୋଲେରୋ ଗାଡ଼ି ରାସ୍ତାରୁ ତଳକୁ ଖସୁଥିବା ବେଳେ ପଛରୁ ଆସୁଥିବା ଏକ ଟ୍ରକ ବ୍ରେକ୍ ଫେଲ୍ ହୋଇ ଧକ୍କା ଦେଇଥିଲା। ଏହି ଅନିୟନ୍ତ୍ରିତ ଟ୍ରକ୍ ବୋଲେରୋକୁ ଧକ୍କା ଦେବା ଫଳରେ ଏହା ଆଗରେ ଥିବା ପଥର ବୋଝେଇ ଟ୍ରକ୍ ସହିତ ଧକ୍କା ହୋଇଥିଲା। ଧକ୍କା ଏତେ ଭୟଙ୍କର ଥିଲା ଯେ ବୋଲେରୋଟି ତୁରନ୍ତ ନିଆଁ ଲାଗିଯାଇଥିଲା।
ଅଗ୍ନିକାଣ୍ଡ ଯୋଗୁଁ ବୋଲେରୋ ଭିତରେ ଥିବା ସମସ୍ତ ଯାତ୍ରୀ ଫସି ଜୀବନ୍ତ ଦଗ୍ଧ ହୋଇଯାଇଥିଲେ। ଦୁର୍ଘଟଣା ପରେ ବ୍ୟାପକ ଆତଙ୍କ ସୃଷ୍ଟି ହୋଇଥିଲା ଏବଂ ସ୍ଥାନୀୟ ବାସିନ୍ଦା ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିଲେ, କିନ୍ତୁ ନିଆଁର ତୀବ୍ରତା ଯୋଗୁଁ କାହାକୁ ବଞ୍ଚାଇ ପାରି ନଥିଲେ। ଘଟଣା ସମ୍ପର୍କରେ ସୂଚନା ପାଇ ପୋଲିସ ଏବଂ ପ୍ରଶାସନ ଦଳ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ ବାହିନୀ ସହାୟତାରେ ନିଆଁକୁ ନିୟନ୍ତ୍ରଣ କରାଯାଇଥିଲା। ବର୍ତ୍ତମାନ, ପୋଲିସ ମୃତଦେହ ଗୁଡ଼ିକୁ ହେପାଜତକୁ ନେବା ପରେ ଚିହ୍ନଟ କରିବା ପାଇଁ କାମ କରୁଛି।
ପୋଲିସ ଅଧିକାରୀଙ୍କ ଅନୁଯାୟୀ, ଦୁର୍ଘଟଣାର କାରଣ ତଦନ୍ତ କରାଯାଉଛି ଏବଂ ମୃତକଙ୍କ ଚିହ୍ନଟ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ଦୁର୍ଘଟଣା ଅଞ୍ଚଳରେ ଶୋକ ଏବଂ ଆତଙ୍କର ପରିବେଶ ସୃଷ୍ଟି କରିଛି ।
