ସମାଜ ସେବୀଙ୍କ ଦ୍ଵାରା ଡାକ୍ତରଖାନାରେ ଥଣ୍ଡା ପାନୀୟ ଜଳ ପ୍ରକଳ୍ପ ଉଦଘାଟିତ
ମାଲକାନଗିରି, ୩୧।୩: ମାଲକାନଗିରି ଜିଲ୍ଲା ଡାକ୍ତରଖାନାରେ ରୋଗୀ ଓ ସେମାନଙ୍କ ସମ୍ପର୍କୀୟମାନଙ୍କ ପାଇଁ ଡାକ୍ତରଖାନାରେ ଥଣ୍ଡା ପାନୀୟ ଜଳ ପ୍ରକଳ୍ପ ଉଦଘାଟିତ । ଆବଶ୍ୟକୀୟ ପାନୀୟ ଜଳର ବ୍ୟବସ୍ଥା ଓ ବିଶ୍ରାମ ଗୃହ ନଥିବାରୁ ସହରର ବିଶିଷ୍ଠ ସମାଜ ସେବୀ ସୋମାନୀ ପରିବାର ପକ୍ଷରୁ ଏହି ବ୍ୟବସ୍ଥା କରାଯାଇଛି । ପବିତ୍ର ଶ୍ରୀରାମ ନବମୀ ଉତ୍ସବ ଅବସରରେ ଡାକ୍ତରଖାନା ପରିସରରେ ଥଣ୍ଡା ପାନୀୟ ଜଳ ପ୍ରକଳ୍ପ ଓ ସୁରକ୍ଷା କର୍ମୀ, ରୋଗୀଙ୍କ ସମ୍ପର୍କୀୟଙ୍କ ପାଇଁ ବିଶ୍ରାମ ଗୃହ ନୂତନ କୋଠା ଘର ଆଦି ଉଦଘାଟିତ ହୋଇଛି ।
ଗୁରୁବାର ରାତିରେ ଜିଲ୍ଲା ହସ୍ପିଟାଲ ପରିସରରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ମହେଶ୍ଵର ଚନ୍ଦ୍ର ନାୟକ ଯୋଗଦେଇ ଏହି ଥଣ୍ଡା ପାନୀୟ ଜଳ ପ୍ରକଳ୍ପ ଓ ନୂତନ କୋଠା ଘରକୁ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ପ୍ରଫୁଲ୍ଲ କୁମାର ନନ୍ଦ, ଅତିରିକ୍ତ ସ୍ୱାସ୍ଥ୍ୟ ଅଧିକାରୀ ଡାକ୍ତର ଅନୀଲ କୁମାର ମିଶ୍ର, ସମାଜ ସେବୀ ସୁରେଶ ସୋମାନୀ ଓ ତାଙ୍କ ପରିବାର ଉପସ୍ଥିତ ଥିଲେ । ଏହି ଥଣ୍ଡା ପାନୀୟ ଜଳ ପ୍ରକଳ୍ପ ଓ ଏଟିଏଏମ ପାଇଁ ଘର, ସୁରକ୍ଷା କର୍ମୀ, ରୋଗୀ ସମ୍ପର୍କୀୟଙ୍କ ପାଇଁ ତିନୋଟି କୋଠାଘର ନିର୍ମାଣ କରାଯାଇ ସହରର ବିଶିଷ୍ଠ ସମାଜ ସେବୀ ଶିଳ୍ପପତି ସ୍ୱର୍ଗତ ଶାନ୍ତିଲାଲ ସୋମାନୀଙ୍କ ସ୍ମୃତି ଉଦ୍ଦେଶ୍ୟରେ ଉତ୍ସର୍ଗୀତ କରାଯାଇଛି ।
