ମାଲକାନଗିରି, ୨୮/୪ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ବୀଜାପୁରରେ ମାଓ ଦମନ ନିମନ୍ତେ ଗତ ୭ ଦିନ ଧରି ବଡ ଧରଣର ଅପରେସନ ଜାରି ରହିଛି। ଏହି ଅପରେସନ ବେଳେ ଏକ ଆଇଡି ବୋମା ବିସ୍ଫୋରଣରେ ଜଣେ ଯବାନ ଗୁରୁତର ଆହତ ହୋଇଛନ୍ତି।
ବୀଜାପୁର କରିଗେଟା ଜଙ୍ଗଲରେ ଗତ ୭ ଦିନ ଧରି ମାଓ ଦମନ ନିମନ୍ତେ ସବୁଠାରୁ ବଡ ଅପରେସନ ଆରମ୍ଭ କରାଯାଇଛି। ଏହି ଅପରେସନରେ ଅନେକ ମାଓବାଦୀ ନିହତ ହୋଇଥିବା ବେଳେ ଆଜି ସେ ଅଞ୍ଚଳରେ ତଲାସି ଅଭିଯାନ କରୁଥିବା ସମୟରେ ଆଇଡି ବୋମା ବିସ୍ଫୋରଣରେ ଜଣେ ଯବାନ ଗୁରୁତର ଆହତ ହୋଇଛନ୍ତି। ଆହତ ଯବାନଙ୍କୁ ଚିକିତ୍ସା ପାଇଁ ହେଲିକ୍ୟାପ୍ଟର ଯୋଗେ ରାଇପୁର ନିଆଯାଇଥିବା ବେଳେ ଅଞ୍ଚଳରେ ତଲାସି ଅଭିଯାନ ଜାରି ରହିଛି। ଏହା ସହ ଅଞ୍ଚଳରୁ ଯବାନମାନେ କିଛି ବୋତଲ ବୋମା ମଧ୍ୟ ଜବତ କରିଥିବା ଜଣା ପଡିଛି।
