ସାଲେପୁର,୦୪/୧୧: ପୁଅ, ବୋହୂ ଏବଂ ସମୁଦୁଣୀଙ୍କ ଅକଥନୀୟ ଅତ୍ୟାଚାରରେ ଅତିଷ୍ଠ ବୃଦ୍ଧ ପିତାମାତା । ନିଜ ଘରେ ନରହି ଏବେ ଅନ୍ୟଘରେ ନେଇଛନ୍ତି ଆଶ୍ରୟ । କଟକ ଜିଲ୍ଲା ସାଲେପୁର ବ୍ଲକ୍ରେ ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ।
ସୂଚନା ମୁତାବକ, ସାଲେପୁର ବ୍ଲକ୍ ବାରିଗୋଲ ପଞ୍ଚାୟତ ସୁନଖଣ୍ଡି ଗାଁରେ ରେଣୁବାଳା ମହାରଣା ଓ ହେମନ୍ତ ମହାରଣା ତାଙ୍କ ପୁଅ ପଦ୍ମଲୋଚନ ମହାରଣା ଓ ତାଙ୍କ ସ୍ତ୍ରୀଙ୍କ ସମେତ ସମୁଦୁଣୀ ଗୋଟିଏ ଘରେ ରହୁଥିଲେ । ତେବେ ପଦ୍ମଲୋଚନ ତାଙ୍କ ସ୍ତ୍ରୀ ଏବଂ ତାଙ୍କ ଶାଶୁ ବୃଦ୍ଧ ପିତାମାତାଙ୍କୁ ମିଳିତ ଭାବେ ମାଡ ମାରିଛନ୍ତି । କେବଳ ସେତିକି ନୁହେଁ, ଗାଳି ଗୁଲଜ କରିବା ସହ ଘରେ ମଧ୍ୟ ପୁରାଇ ଦେଉ ନାହାନ୍ତି। ଏଥିରେ ଭୟଭୀତ ହୋଇ ଏବେ ଅନ୍ୟ ଜଣଙ୍କ ଘରେ ଆଶ୍ରୟ ନେଇଛନ୍ତି ବୃଦ୍ଧ ପିତାମାତା । ଏନେଇ ସାଲେପୁର ଥାନାରେ ମାତାପିତା ଅଭିଯୋଗ କରିଥିବା ବେଳେ ପୁଅ ବୋହୁ ମଧ୍ୟ ପାଲଟା ଅଭିଯୋଗ କରିଛନ୍ତି । ସାଲେପୁର ପୋଲିସ ଉଭୟଙ୍କ ଅଭିଯୋଗକୁ ଭିତ୍ତି କରି ତଦନ୍ତ କରିଥିବା ଜଣାଯାଇଛି ।
