କେବଳ ଫିଲ୍ମ ନୁହେଁ, ବିଜ୍ଞାପନରୁ ବି କୋଟି କୋଟି ଟଙ୍କା ଆୟ କରନ୍ତି ସାଉଥ୍ ଷ୍ଟାର୍ସ
timesofindia
ନୂଆଦିଲ୍ଲୀ ୧୮/୦୩ : ସାଉଥ୍ ସୁପରଷ୍ଟାରଙ୍କର ଲୋକପ୍ରିୟତା ଦିନକୁ ଦିନ ବଢିବାରେ ଲାଗିଛି। ସାଉଥ୍ ସେଲିବ୍ରେଟିଙ୍କୁ ତାଙ୍କ ଫିଲ୍ମ ପାଇଁ ଦେଶ ତଥା ବିଦେଶରେ ବହୁତ ଭଲପାଇବା ମିଳୁଛି। ସେମାନେ ଗୋଟିଏ ଫିଲ୍ମ ପାଇଁ କୋଟି ଟଙ୍କା ଚାର୍ଜ କରନ୍ତି। କିନ୍ତୁ ଆପଣ ଜାଣନ୍ତି କି ସେମାନେ ବିଜ୍ଞାପନରୁ ମଧ୍ୟ ବହୁତ ରୋଜଗାର କରନ୍ତି। ତେବେ ଚାଲନ୍ତୁ ଜାଣିବା ସେହି ସାଉଥ୍ ଷ୍ଟାରଙ୍କ ବିଷୟରେ, ଯେଉଁମାନେ ବିଜ୍ଞାପନ ପାଇଁ ଅତ୍ୟଧିକ ଟଙ୍କା ଚାର୍ଜ କରନ୍ତି…
ମହେଶ ବାବୁ :
ଏହି ତାଲିକାରେ ସାଉଥ୍ ସୁପରଷ୍ଟାର ମହେଶ ବାବୁଙ୍କ ନାଁ ପ୍ରଥମ ସ୍ଥାନରେ ରହିଛି। ମହେଶଙ୍କ ଲୋକପ୍ରିୟତା ବିଦେଶରେ ମଧ୍ୟ ରହିଛି। ଅଭିନେତା ଗୋଟିଏ ଫିଲ୍ମ ପାଇଁ କୋଟି କୋଟି ଟଙ୍କା ନିଅନ୍ତି। ବିଜ୍ଞାପନ ବିଷୟରେ କହିବାକୁ ଗଲେ ସେ ଗୋଟିଏ ବିଜ୍ଞାପନ ପାଇଁ ୧୨ କୋଟି ଟଙ୍କା ଆଦାୟ କରନ୍ତି।
ପ୍ରଭାସ :
ଏହି ତାଲିକାରେ ସାଉଥ୍ ସୁପରଷ୍ଟାର ପ୍ରଭାସ ବି ରହିଛନ୍ତି। ‘ବାହୁବଲୀ’ ପରେ ପ୍ରଭାସଙ୍କ ଲୋକପ୍ରିୟତା ବୃଦ୍ଧି ପାଇଛି, ଯାହା ପରେ ସେ ଫିଲ୍ମ ପାଇଁ ପ୍ରଚୁର ଫି ନେଉଛନ୍ତି। ତେବେ ପ୍ରଭାସ ଗୋଟିଏ ବିଜ୍ଞାପନ ପାଇଁ ୧୮ କୋଟି ଟଙ୍କା ନିଅନ୍ତି।
ଅଲୁ ଅର୍ଜୁନ :
ସାଉଥ୍ ସୁପରଷ୍ଟାର ଅଲୁ ଅର୍ଜୁନ। ଫିଲ୍ମ ‘ପୁଷ୍ପା’ ପରେ ଅଭିନେତାଙ୍କ ଲୋକପ୍ରିୟତା ଆକାଶଛୁଆଁ ହୋଇଛି। ଦର୍ଶକମାନେ ତାଙ୍କ ଫିଲ୍ମକୁ ଉତ୍ସାହର ସହ ଚାହିଁ ରହିଛନ୍ତି। ରିପୋର୍ଟ ଅନୁଯାୟୀ, ଅଲ୍ଲୁ ଏକ ବିଜ୍ଞାପନ କରିବା ପାଇଁ ପ୍ରାୟ ୭.୫ କୋଟି ଟଙ୍କା ନିଅନ୍ତି।
ରାମ ଚରଣ :
ରାମ ଚରଣଙ୍କ ଲୋକପ୍ରିୟତା ଏବେ ସମଗ୍ର ବିଶ୍ୱରେ ରହିଛି। ଫିଲ୍ମ ‘RRR’ର ସଫଳତା ପରେ ତାଙ୍କର ଫ୍ୟାନ୍ ଫଲୋଇଂ ବୃଦ୍ଧି ପାଇଛି। ସେ ବର୍ତ୍ତମାନ କମ୍ପାନୀଗୁଡିକର ପ୍ରିୟ ତାରକା ହୋଇପାରିଛନ୍ତି । କୁହାଯାଉଛି ରାମ ଚରଣ ଏକ ବିଜ୍ଞାପନ କରିବା ପାଇଁ ପାଞ୍ଚରୁ ସାତ କୋଟି ଟଙ୍କା ନେଉଛନ୍ତି।
