PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ : ଆଠଗଡ ଅଂଶୁପା ହ୍ରଦ ନିକଟରୁ କାରରୁ ୧୩୫୫ ଗ୍ରାମର ବ୍ରାଉନସୁଗାର ଜବତ
  • ||
  • ତିଗିରିଆ : ଅଜଣା ଗାଡି ଧକ୍କାରେ ଯୁବକ ଗୁରୁତର, ରାତ୍ରି ପାଟ୍ରୋଲିଂ ବେଳେ ଉଦ୍ଧାର କଲା ପୋଲିସ
  • ||
  • ବଲାଙ୍ଗିର : ରେଲୱେ ଜଙ୍କସନରୁ ୨୫ ଦାଦନ ଶ୍ରମିକ ଉଦ୍ଧାର
  • ||
  • ବଲାଙ୍ଗିର : ପୁତୁରାର ଗୁଳିମାଡ଼ରେ ଖୁଡ଼ୀ ଗୁରୁତର, କାରଣ ଅସ୍ପଷ୍ଟ
  • ||
  • ନିଶ୍ଚିନ୍ତକୋଇଲି : ନଗସପୁର ବଜାରରେ ସିରିଜ୍ ଲୁଟ୍, ୧୬ଟି ଦୋକାନରୁ ଚୋରି କରିନେଲେ ଦୁର୍ବୃତ୍ତ
  • ||

ଏବେ ବି ଆତଙ୍କରେ ପାକିସ୍ତାନ, ଜୈଶର ଗଡ ବାହାଓ୍ବଲପୁରରେ ବନ୍ଦ ରହିଛି ବିମାନବନ୍ଦର

ନୂଆଦିଲ୍ଲୀ,୯।୩: ବାଲକୋଟ ଏୟାର ଷ୍ଟ୍ରାଇକ୍ ପରେ ଭୟ ଏବେ ବି ପାକିସ୍ତାନ ମନରୁ ଲିଭିନାହିଁ। ସେଥିପାଇଁ ଏପର୍ଯ୍ୟନ୍ତ ପାକିସ୍ତାନରେ ବିମାନ ସେବା ସ୍ବାଭାବିକ ହୋଇପାରିନାହିଁ। ପାକିସ୍ତାନ ପୁଣିଥରେ ବାହାଓ୍ବଲପୁର, ରହିମ ୟାର ଖାନ୍ ଓ ସିୟାଲକୋଟ ବିମାନବନ୍ଦରକୁ ବନ୍ଦ କରିଦେଇଛି।  ପାକିସ୍ତାନ ସିଭିଲ ଆଭିଏସନ୍ ଅଥରିଟି(ସିଏଏ) ଏହାର ଘୋଷଣା କରିଛନ୍ତି। ପାକିସ୍ତାର ନ୍ୟୁଜ ଓ୍ବେବସାଇଟ୍ ଡନ୍ ସିଏଏ ପକ୍ଷରୁ କୁହାଯାଇଛି ଦେଶର ପୂର୍ବ ଭାଗର ଏୟାରସ୍ପେସ୍ ସେତେବେଳେ ଖୋଲାଯିବ ଯେତେବେଳେ ଅଧିକାରୀଙ୍କ ଠାରୁ ସିକ୍ୟୁରିଟି କ୍ଲିୟରାନ୍ସ ମିଳିବ।

ଉଲ୍ଳେଖନୀୟ ଯେ ଗତ ୨୬ ଫେବୃଆରୀରେ ବାଲକୋଟରେ ଭାରତର ଏୟାର ଷ୍ଟ୍ରାଇକ୍ ପରେ ସେଠାରେ ଉତ୍ତେଜନା ଜାରି ରହିଛି। ପାକିସ୍ତାନ ୨୭ ଫେବୃଆରୀ ପରେ ସିୟାଲକୋଟ, ବହାଓ୍ବଲପୁର ସହିତ ନିଜର ୭ଟି ବିମାନବନ୍ଦରକୁ ଗତ ୧୦ ଦିନ ହେବ ବନ୍ଦ କରିକି ରଖିଛି। ଏୟାରସ୍ପେସ୍ ବନ୍ଦ ହେବା କାରଣରୁ ପାକିସ୍ତାନର ଲକ୍ଷ ଲକ୍ଷ ଡଲାର କ୍ଷତି ହେଉଛି। ବହୁ ବିମାନର ସେବାକୁ ବନ୍ଦ କରିବାକୁ ପଡିଥିବା ବେଳେ କିଛି ବିମାନର ଗତି ବଦଳାଇ ଦିଆଯାଇଛି। ସିୟାଲକୋଟ, ରହିମୟାର ଖାନ୍, ସୁକୁର, ସୁକାର୍ଦୁ ଓ ଗିଲଗିତ ବିମାନବନ୍ଦରରେ ସୁରକ୍ଷା ବ୍ୟବସ୍ଥାକୁ କଡା କହି କରି ଦିଆଯାଇଛି। ଏହା ଭିତରୁ ବହୁ ବିମାନବନ୍ଦର ଭାରତୀୟ ସୀମାକୁ ଲାଗି ରହିଚି। ଯଦିଓ କରାଚୀ, ଇସଲାମାବାଦ, ଲାହୋର ଓ ପେଶାଓ୍ବର ଭଳି ବିମାନବନ୍ଦରକୁ ପାକିସ୍ତାନ ୫ରେ ଖୋଲି ସାରିଛି। ଗତ ୨୬ ଫେବୃଆରୀରେ ଭାରତର ଏୟାର ଷ୍ଟ୍ରାଇକରେ ପାକିସ୍ତାନର ବାଲକୋଟରେ ଥିବା ଜୈଶ-ଏ-ମହମ୍ମଦର କ୍ୟାମ୍ପରେ ଥିବା ୩୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ।

ସମ୍ବନ୍ଧିତ ଖବର