ତୈଳଦର ବୃଦ୍ଧି ପ୍ରତିବାଦରେ ପୂର୍ବତଟ ରେଳପଥ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ
ଭୁବନେଶ୍ୱର,୨୭ ।୧(ବ୍ୟୁରୋ): ତୈଳଦର ବୃଦ୍ଧି ପ୍ରତିବାଦରେ ପୂର୍ବତଟ ରେଳପଥ ସମ୍ମୁଖରେ ବିକ୍ଷୋଭ ଅନୁଷ୍ଠିତ ହୋଇଯାଇଛି । କେନ୍ଦ୍ର ସରକାରଙ୍କ ବୈମାତୃକ ମନୋଭାବ ବିରୋଧରେ ବିକ୍ଷୋଭ ପ୍ରଦର୍ଶନ କରାଯିବା ସହିତ ପ୍ରତିବାଦ ସଭା କରାଯାଇଥିଲା । ଓଡ଼ିଆ ଯୁବକମାନଙ୍କୁ କେନ୍ଦ୍ର ସରକାରଙ୍କ ରାଷ୍ଟ୍ରାୟତ୍ତ ଉଦ୍ୟୋଗ(ପିଏସ୍ୟୁ) ଗୁଡିକରେ ନିଯୁକ୍ତି ନ ମିଳିବାକୁ ପ୍ରତିବାଦ କରାଯାଇଥିଲା । ଉତ୍ତର ଭୁବନେଶ୍ୱରର ୧୬ରୁ ଅଧିକ କର୍ପୋରେଟରଙ୍କ ସମେତ ମେୟର୍ ଅନନ୍ତ ନାରାୟଣ ଜେନା, ଛାତ୍ର ବିଜେଡି ଉପଦେଷ୍ଟା ଚିନ୍ମୟ କୁମାର ସାହୁଙ୍କ ସମେତ ଶତାଧିକ ମହିଳା, ଯୁବକ ଓ ଛାତ୍ର ଯୋଗ ଦେଇ ଆନ୍ଦୋଳନରେ ଭାଗ ନେଇଥିଲେ ।
